21. Strandagangan fer fram í Selárdal laugardaginn 28. febrúar.

Strandagangan er hluti af skíðagöngumótaröðinni Íslandsgangan sem haldin er á sex stöðum víðs vegar um landið. Keppt er í fjórum vegalengdum, 1 km, 5 km, 10 km og 20 km og eru rástímar kl. 12:30 og 13:00. Kílómeters gangan er eingöngu fyrir 10 ára og yngri. 15 ára og yngri greiða 1.000 kr. fyrir keppnisrétt. Fullorðnir greiða 3.000 kr fyrir 5 km, 4.000 kr. fyrir 10 km og 5.000 kr. fyrir 10 km. Enn fremur er hægt að skrá í sveitakeppni í 5, 10 og 20 kílómetra göngu. Skráning fer fram í tölvupósti til Öllu, allaoskars@gmail.com...
Meira

Nú er öðrum Hörmungardögum lokið og ekki hægt að segja annað en að vel hafi tekist til, þrátt fyrir leiðindaveður og erfiða færð. Framlög allra sem lögðu hönd á plóg voru glæsileg í hörmuleik sínum og eiga þátttakendur og gestir hrós skilið fyrir hræðilega góða helgi. Takk fyrir okkur.

Hægt er að fylgjast náið með Hörmungardögunum á facebooksíðu hátíðarinnar og fá þar hræðilegar fréttir og uppfærslur beint í æð. Þar er einnig hægt að deila eigin upplifunum, myndum, skoðunum, kvörtunum og fleiru.

Veturinn er mörgum erfiður. Hann er langur, kaldur, dýr og óútreiknanlegur. Á Hörmungardögum gefst okkur tækifæri til að njóta allra þessara ömurlegheita saman og reyna að gera gott úr þeim… eða bara líða enn ver yfir hlutskipti okkar í slæmum félagsskap annarra furðufugla....
Meira

Á sveitarstjórnarfundi 1231 í Strandabyggð þann 10. febrúar sl. var tekið fyrir erindi frá Viðari Guðmundssyni sveitarstjórnarmanni af J-lista þar sem hann óskaði eftir ársleyfi frá störfum í sveitarstjórn. Var erindið samþykkt.  Ásta Þórisdóttir, fyrsti varamaður af J-lista tekur sæti Viðars í fjarveru hans. Með þessum breytingum breytast jafnframt kynjahlutföll sveitarstjórnar sem þá verður skipuð 3 konum og 2 körlum. Sjá skipan sveitarstjórnar Strandabyggðar hér.