Alls sóttu fjörutíu um starf sveitarstjóra í Strandabyggð, en umsóknarfrestur rann út í gær. Umsækjendur koma úr ólíkum áttum, en í hópnum eru 9 konur og 31 karl. Framundan er vinna við að fara yfir umsóknir og ræða við umsækjendur, en Hagvangur sér um að vinna úr umsóknum ásamt Strandabyggð. Sveitarstjórn Strandabyggðar er ákaflega hamingjusöm yfir þessum fjölda umsækjenda og einnig yfir vel heppnuðum Hamingjudögum sem fram fóru nýliðna helgi.

 

 

Nafn umsækjenda, staða og póststöð

 

Anna Guðmunda Andrésdóttir, nemi, Reykjavík

Birgir Jónasson, lögfræðingur, Hafnarfirði

Björk Sigurgeirsdóttir, framkvæmdastjóri, Egilsstöðum

Björn Guðmundur Björnsson, fulltrúi, Bakkafirði

Björn Rúriksson, ráðgjafi, Árborg

Brynjar Sindri Sigurðarson, nemi, Reykjavík

Einar K. Jónsson, viðskiptafræðingur, Kópavogi

Einar Örn Thorlacius, lögfræðingur, Hvalfjarðarsveit

Eygló Kristjánsdóttir, viðskiptafræðingur, Reykhólahrepp

Finnbogi Kristjánsson, ráðgjafi, Reykjavík

Gísli Júlíus Sigurðsson, viðskiptalögfræðingur, Reykjavík

Grétar Mar Jónsson, skipstjóri, Sandgerði

Guðni Örn Hauksson, sparisjóðsstjóri, Þórshöfn

Guðrún Margrét Þrastardóttir, skrifstofustjóri, Mosfellsbæ

Gunnar Björnsson, viðskiptafræðingur, Reykjavík

Gylfi Þorkelsson, framhaldskólakennari, Árborg

Halldór Þór Wíum Kristinsson, iðnrekstrarfræðingur, Reykjanesbæ

Hallgrímur Þ Gunnþórsson, félagsráðgjafi, Reykjavík

Haukur Jóhannsson, þjónustufulltrúi, Reykjavík

Hrafnkell Guðnason, viðskiptafræðingur, Árborg

Ingibjörg Rósa Auðunsdóttir, deildarstjóri, Stað

Ingibjörg Valgeirsdóttir, framkvæmdastjóri, Reykjavík

Ingunn Einarsdóttir, fjármálastjóri, Reykjavík

Jakob Ingi Jakobsson, lögfræðingur, Vogum

Jens Pétur Jensen, sveitarstjóri, Húnavöllum

Jón Baldvinsson, fyrrv. framkvæmdastjóri, Mosfellsbæ

Jón Hrói Finnsson, þróunarstjóri, Fjallabyggð

Kjartan Þór Ragnarsson, lögfræðingur, Reykjavík

Kristján Einir Traustason, lögfræðingur, Selfoss

Kristján Hjelm, rekstrarfræðingur, Reykjanesbæ

Magnea Jenny Guðmundardóttir, verslunarstjóri, Reykjavík

Magnús Huldar Ingþórsson, fyrrv. forstjóri, Mosfellsbæ

Ómar Ingi Magnússon, markaðsfræðingur, Reykjavík

Óskar Baldursson, viðskiptafræðingur, Garðabæ

Ragnar Jörundsson, bæjarstjóri, Patreksfirði

Rannveig Margrét Stefánsdóttir, viðskiptalögfræðingur, Bifröst

Rúnar Fossádal Árnason, ráðgjafi, Reykjanesbæ

Sigurgeir Þórðarson, myndhöggvari, Taiwan

Skúli Einarsson, framkvæmdastjóri, Álftanesi

Þröstur Reynisson, matvælafræðingur, Reykjavík

 

Sveitarstjórn Strandabyggðar samþykkti á fundi sínum 2. júní 2010 að auglýsa tillögu að aðalskipulagi Strandabyggðar 2010-2022.

 

Samkvæmt 18.gr. skipulags- og byggingalaga nr. 73/1997 er hér með auglýst eftir athugasemdum við aðalskipulagstillöguna. Skipulagsuppdrættir, greinagerð, forsendur og umhverfisskýrsla liggja frammi á skrifstofu Strandabyggðar og hjá Skipulagsstofnun Laugavegi 166, Reykjavík frá 15. júní til 13. júlí 2010. Ennfremur verða gögnin aðgengileg á heimasíðu sveitarfélagsins www.strandabyggd.is. Athugasemdum skal skila skriflega á skrifstofu Strandabyggðar að Hafnarbraut 19 eða á netfangið holmavik@holmavik.is merkt "aðalskipulag" fyrir 28. júlí 2010. Þeir sem ekki gera athugasemdir innan tilskilins frests teljast samþykkir tillögunni.

 

Hólmavík, 11. júní 2010

Sveitarstjóri Strandabyggðar.

Auglýst hefur verið eftir sveitarstjóra í Strandabyggð og sér Hagvangur um ráðningarferlið. Umsóknarfrestur er til 4. júlí næstkomandi og er sótt um á heimasíðu Hagvangs. Þar eru jafnframt leiðbeiningar um hvernig menn bera sig að við að senda inn umsókn. Nýr sveitarstjóri Strandabyggðar þarf að vera mörgum góðum kostum búinn og er þar efst á blaði krafa um hæfni í mannlegum samskiptum, leiðtogahæfni, frumkvæði og hugmyndaauðgi. Einnig er gerð krafa um áhuga og reynslu af bókhaldi, stjórnun og rekstri. Auglýsingin er birt hér að neðan í heild sinni.

Strandabyggð auglýsir lausa til umsóknar stöðu sveitarstjóra.

Starf sveitarstjóra í Strandabyggð er laust til umsóknar og er leitað eftir kraftmiklum og áhugasömum einstaklingi til að takast á við krefjandi verkefni.

Í Strandabyggð búa um 500 íbúar og er Hólmavík þéttbýlisstaðurinn. Atvinnulíf í sveitarfélaginu er fjölbreytt og skólastarf öflugt, grunnskóli, leikskóli og tónskóli. Nánari upplýsingar um Strandabyggð er að finna á vefsíðunni www.strandabyggd.is.

Í nýliðnum sveitarstjórnarkosningum voru tveir listar í kjöri í Strandabyggð, J-listi félagshyggjufólks og V-listi Vinstrihreyfingarinnar - græns framboðs. Listarnir hafa gert með sér samkomulag um samstarf á kjörtímabilinu.

Starfsvið sveitarstjóra:

• Daglegur rekstur sveitarfélagsins og ábyrgð á framkvæmd ákvarðana sveitarstjórnar
• Yfirumsjón með skipulagi og virkni stjórnsýslu sveitarfélagsins og starfsmannamálum
• Náið samstarf við sveitarstjórn, undirbúningur og upplýsingagjöf á fundum sveitarstjórnar
• Annast upplýsingamiðlun og samskipti við samstarfsaðila, stofnanir, samtök, fyrirtæki og íbúa
• Að gæta hagsmuna Strandabyggðar út á við, vera talsmaður sveitarstjórnar og vinna að framfaramálum
• Stefnumarkandi vinna og mótun framtíðarsýnar í ólíkum málaflokkum

Helstu kostir sveitarstjóra:

• Hæfni í mannlegum samskiptum
• Leiðtogahæfni, frumkvæði og hugmyndaauðgi
• Hæfni til að tjá sig í ræðu og riti
• Áhugi á uppbyggingu samfélagsins, kynningarmálum, ímynd og stefnumótun
• Áhugi og reynsla af bókhaldi, stjórnun og rekstri
• Þekking á sveitarstjórnarmálum er æskileg en ekki skilyrði
• Háskólamenntun sem nýtist í starfi er kostur en ekki skilyrði

Upplýsingamiðstöð ferðamála á Ströndum er starfrækt í húsnæði Galdrasafnsins á Hólmavík þetta sumarið, en Strandagaldur tók að sér rekstur hennar fyrir sveitarfélagið Strandabyggð. Miðstöðin er opin alla daga frá 9:00-18:00 og verður opin daglega fram til 15. september.

Undanfarna daga hefur starfsfólk Strandagaldurs meðal annars unnið að endurgerð heimasíðu Upplýsingamiðstöðvarinnar sem er að finna á slóðinni www.holmavik.is/info. Þar er að finna upplýsingar um ferðaþjónustu á Ströndum, vegalengdir og myndbönd frá Ströndum. Talsverðar gestakomur eru inn á Upplýsingamiðstöðina á hverjum degi og eykst með hverjum deginum. Ferðaþjónar á Vestfjörðum eru hvattir til að senda bæklinga og annað efni til að miðla á miðstöðinni.

Upplýsingamiðstöðin á Hólmavík
Staðsetning: Höfðagötu 8, Austurhúsi Galdrasafnsins
Sími: 451-3111 - Netfang: info@holmavik.is - Vefur: www.holmavik.is/info
Opnunartími: 9-18 alla daga til 15. september 2010

Minnt er á að nú er að renna út frestur til að senda inn tilnefningar til menningarverðlauna Strandabyggðar sem Menningarmálanefnd hyggst veita. Frestur er til sunnudagsins 20. júní og skal senda tilnefningar á holmavik@holmavik.is og er gott að hafa rökstuðning með. Verðlaunin verða veitt árlega til einstaklings, félags, stofnunar, fyrirtækis eða hóps fyrir eftirtektarvert framtak á sviði lista og menningar í sveitarfélaginu á liðnu ári. Markmiðið með verðlaununum er að vera almenn hvatning til eflingar menningar- og listastarfs í Strandabyggð. Ætlunin er að verðlaunin verði afhent við hátíðlega athöfn á Hamingjudögum á Hólmavík ár hvert.