Laus er staða stuðningsfulltrúa við Grunnskólann á Hólmavík til að sinna nemendum með sérþarfir, stöðuhlutfall er 75%. Skólinn er samrekinn grunn- og tónlistarskóli sem leggur sérstaka áherslu á tónlist og tjáningu í skólastarfi. Í skólanum er lögð áhersla á sveigjanlega og fjölbreytta kennsluhætti, einstaklingsmiðað nám og samvinnu. Einnig er áhersla lögð á umhverfismál og flaggar skólinn Grænfánanum frá því í vor. Umsækjandi þarf að hafa góða skipulagshæfileika og hæfni í mannlegum samskiptum. Laun eru samkvæmt kjarasamningum á almennum vinnumarkaði vegna starfs stuðningsfulltrúa.

Ennfremur er auglýst laust til umsóknar starf kvenkyns baðvarðar sem sinnir gæslu nemenda í íþróttatímum og baðklefum. Vinnutími miðast við stundatöflu íþróttakennslu og er um 42% stöðuhlutfall. Laun eru samkvæmt kjarasamningum á almennum vinnumarkaði vegna starfs baðvarðar.

Ráðning í þessar stöður miðast við að umsækjendur hefji störf eigi síðar en 24. ágúst 2010. Umsóknarfrestur um störfin er til hádegis þann 23. ágúst. n.k.

Umsóknum skal skilað til:

Skrifstofu Strandabyggðar, s. 451-3510

Hafnarbraut 19

510 Hólmavík
Netfang: holmavik@holmavik.is

Frekari upplýsingar veita:

Bjarni Ómar Haraldsson skólastjóri, sími 892-4666 og 452-3129

Hildur Guðjónsdóttir aðstoðarskólastjóri, sími 451-3129 og 661-2010

Netfang skólans er: skolastjorar@holmavik.is

Vakin er athygli á því að nýjar fundargerðir eru komnar á vefinn, frá sveitarstjórnarfundi 17. ágúst og frá nefndum sem funduðu fyrir þann fund. Næsti fundur sveitarstjórnar verður þriðjudaginn 24. ágúst næstkomandi, þannig að nú er einungis vika á milli funda. Hægt er að senda inn erindi fyrir fundinn á holmavik@holmavik.is eða skila þeim á skrifstofu sveitarfélagsins.

Næsti fundur sveitarstjórnar Strandabyggðar verður haldinn 17. ágúst næstkomandi kl. 18:15 á skrifstofu sveitarfélagsins að Hafnarbraut 19 á Hólmavík. Athugið að nú líða 3 vikur milli funda í stað hefðbundins hálfs mánaðar og helgast það af sumarfríi sveitarstjórnar sem er vikulangt þetta árið. Þeim sem vilja koma erindum fyrir fundinn er bent á að koma þeim til skila á skrifstofu Strandabyggðar fyrir hádegi fimmtudaginn 12. ágúst. Netfangið er holmavik@holmavik.is og heimilisfangið: Strandabyggð, Hafnarbraut 19, 510 Hólmavík. 

Strandabyggð auglýsir hér með eftir íbúðarhúsnæði á Hólmavík til leigu fyrir nýráðinn sveitarstjóra og fjölskyldu hennar.

Þeir sem hafa yfir heppilegu húsnæði að ráða eru hvattir til að hafa samband við skrifstofu Stranda­byggðar í s. 451-3510 (holmavik@holmavik.is) eða Jón Gísla Jónsson oddvita í s. 661-7061.

Leikskólinn Lækjarbrekka auglýsir eftir starfsmanni í 100% stöðu, viðkomandi þarf að geta hafið störf 16. ágúst. Einnig er möguleiki á hlutastörfum. Gerð er krafa um að viðkomandi hafi áhuga á að vinna með börnum, hafi góða samskiptahæfileika og geti einnig unnið sjálfstætt.

Umsóknum skal skilað á skrifstofu Strandabyggðar eigi síðar en mánudaginn 9. ágúst. Eyðublöð má nálgast á www.strandabyggd.is eða á skrifstofu Strandabyggðar. Nánari upplýsingar eru gefnar í síma 451-3510 eða með tölvupósti á netfangið holmavik@holmavik.is.