Ingibjörg Valgeirsdóttir

Ákveðið hefur verið að ráða Ingibjörgu Valgeirsdóttir sveitarstjóra Strandabyggðar næsta kjörtímabil. Ingibjörg starfar nú sem framkvæmdastjóri í eigin fyrirtæki Assa - þekking & þjálfun. Ingibjörg hefur lokið MBA námi við Háskólann í Reykjavík og er með BA próf í uppeldis- og menntunarfræðum. Hún hefur m.a. unnið við starfsmanna- og stjórnendaþjálfun og séð um framkvæmdastjórn í verkefnum á borð við hvatningarátakið Til fyrirmyndar og Stefnumót á Ströndum. Ingibjörg hefur mikla reynslu af vinnu með ungu fólki í vanda og var um tíma forstöðumaður unglingasmiðjunnar Stígs. Ingibjörg kemur til starfa í september, en þangað til sjá oddvitar Strandabyggðar um framkvæmdastjórn í sveitarfélaginu.

Sveitarstjórn Strandabyggðar samþykkti á fundi sínum 2. júní 2010 að auglýsa tillögu að aðalskipulagi Strandabyggðar 2010-2022. Samkvæmt 18. gr. skipulags- og byggingalaga nr. 73/1997 er hefur verið auglýst eftir athugasemdum við aðalskipulagstillöguna. Skipulagsuppdrættir, greinagerð, forsendur og umhverfisskýrsla liggja frammi á skrifstofu Strandabyggðar og hjá Skipulagsstofnun Laugavegi 166, Reykjavík frá 15. júní til 13. júlí 2010. Ennfremur eru gögnin aðgengileg á heimasíðu sveitarfélagsins www.strandabyggd.is undir hólfinu "Aðalskipulag" í tenglunum hér til vinstri. Athugasemdum skal skila skriflega á skrifstofu Strandabyggðar að Hafnarbraut 19 eða á netfangið holmavik@holmavik.is merkt "aðalskipulag" fyrir 28. júlí 2010. Þeir sem ekki gera athugasemdir innan tilskilins frests teljast samþykkir tillögunni.

Sveitarstjórn Strandabyggðar fundar næst 27. júlí næstkomandi. Þeir sem hyggjast koma bréfum eða erindum fyrir fundinn þurfa að koma þeim til skila á skrifstofu sveitarfélagsins fyrir hádegi fimmtudaginn 22. júlí.

Vinabæjarmót verður haldið í Tanum í Svíþjóð dagana 23.-26. september nk. og hefur sveitarstjórn Strandabyggðar ákveðið að styrkja allt að þrjá til fararinnar. Æskilegt er að þátttakendur hafi gott vald á norðurlandamálum og hafi þekkingu á sveitarstjórnarmálum. Áhugasamir skili inn umsókn á skrifstofu Strandabyggðar eða á netfangið holmavik@holmavik.is fyrir kl. 17.00 miðvikudaginn 15. júlí nk. 

Boðsbréf frá Tanum má finna undir þessum tengli.

Nánari upplýsingar verða gefnar í síma 865-3838,
formaður Menningarmálanefndar Strandabyggðar.