Hamingjudagar nálgast óðfluga og er fyrsti viðburðurinn í dag en þá er námkskeið í Náttúrubarnaskólanum og auðvitað er hamingjuþema. Síðan verður Polla og pæjumót á grundunum.  Í kvöld verða síðan stórtónleikar með Heiðu okkra Ólafs sem væntanlega mun flytja lög af nýjum diski sínum.  Virkilega gaman að Heiða taki þátt í Hamingjudögum.

Við munum dreifa dagskrá í hús á Hólmavík í dag en einnig er hægt að nálgast dagskrár hér í pdf og prenta út.

Því miður eru breytingar á ferðaplani klúbbsins því verður ekkert af sýningu hjólana að þessu sinni á Hamingjudögum.
kveðja tómstundafulltrúi

Dagskrá Hamingjudaga 2019

27.júní fimmtudagur

Kl. 13:00 – 17:00     Hamingjunámskeið, Náttúrubarnaskóli, Sauðfjársetrið Sævangi

Kl. 17:00                Polla- og Pæjumót, fótboltamót HSS á Grundunum

Kl. 21:00                Tónleikar, Heiða Ólafsdóttir ásamt gestum í Bragganum

 

28.júní föstudagur

Kl. 16:00 – 20:00     Veltibíllinn á plani við félagsheimilið

Kl. 17:00                Setning Hamingjudaga og menningarverðlaunin afhent í Hnyðju.

Kl. 19:30 – 21:00     Brekkusöngur við minnismerkið, við fjöruna í Austurtúni

Kl. 21:00                Búkalú, sýning fyrir 18+, Margréta Erla Maack í Bragganum

 

29.júní laugardagur

Kl. 8:00 – 15:45       Hamingjuhlaup, byrjað er að hlaupa frá Árnesi og endað á Hólmavík,
                           sjá nánar undir Hamingjuhlaupið

Kl. 9:00                 Hamingjumót GHÓ, Golfklúbbur Hólmavíkur, á Skeljavíkurvelli

Kl. 10:30 – 12:00     Froðubraut á Jakobínutúni við félagsheimilið

Kl. 12.10 – 13.00     Hamingjurallý – viðgerðarhlé við félagsheimili.

                           Sjá nánari tímasetningar á heimasíðu strandabyggd.is/hamingjudagar/
Kl. 13:00 - 15:00     Hólmadrangur, Drangur og Strandaskel bjóða upp á sjávaréttasúpu við Hólmadrang.

Á Galdratúninu:

Kl. 13:00               Skrúðganga úr hverfum, Hverfastjórar leiða gönguna með söng.

Kl. 13:00 – 16:00     Leiktæki

Kl. 13:00 – 17:00     Hamingjumarkaður í Hnyðju. Ýmiss varningur til sölu, fatnaður, hlutir og matur

Kl. 13:00 – 17:00     Blaðrarinn, Hann/Hún gerir allskonar skemmtilegt úr blöðrum.

Kl. 13:00 – 14:00     Véfrétt, félagar í Leikfélagi Hólmavíkur með spuna.

Kl. 13:00 – 15:30     Bakarameistari í beinni útsendingu, Strandir í verki.

Kl. 14:00 – 15:00     Útileikir fyrir alla. Enginn er of gamall til að bregða sér í leik og sprell

Kl. 15.00 - 15.20     Hljómsveitin Strandabandið tekur nokkur lög.

Kl. 15.30 – 15.40     Hnallþóruverðlaunin tilkynnt.Keppt er í 2 flokkum.

                           Hamingjukakan 2019 í fullorðins og barna og unglingaflokki.

Kl. 15.40-15.45       Móttaka hlaupara, tekið á móti hlaupurum með lófataki og fimmum.

Kl. 15:45 – 17:00     Hnallþóruhlaðborð, Hólmvíkingar bjóða gestum og gangandi til Hnallþóruhlaðborðs sem
                           engan svíkur, munið eftir diskum og glösum til að passa upp á náttúruna :)

Kl. 16:30 – 16.50     Verðlaunaafhending í Hamingjurallý  við Galdrasafn

Kl. 17:00 – 18:00     Leikhópurinn Lotta, sýnir Litlu Hafmeyjuna í Kirkjuhvamminum.
                           Árlegur viðburður á Hamingjudögum sem eykur samveru, gleði og hamingju fólks á öllum aldri.

Kl. 19:00 – 21:00     Sundlaugarpartí í sundlaug Hólmavíkur. Skemmtilegt sundlaugarpartí fyrir ungt fólk á öllum aldri

Kl. 21:00               Dúllurnar - stofutónleikar, Víkurtúni 2  
Kl. 23:00 – 03:00     Hamingjuball, Hljómsveitin Allt í Einu leikur fyrir dansi í félagsheimilinu fram á rauða nótt.
                           18 ára aldurstakmark. Aðgangseyrir er 3000.-

30.júní sunnudagur

Kl. 11:00                Létt útimessa í Tröllatungu

Kl. 13:00                Furðuleikar í Sævangi, árlegur viðburður í leik hins furðulega.

Á Hamingjudögum fer fram rallýkeppni sem Bifreiðaíþróttaklúbbur Reykjavíkur stendur fyrir.

Keppnin er haldin núna þriðja árið í röð á Hamingjudögum og reiknað er með um 14 áhöfnum.  Eknar verða leiðir í nágrenni Hólmavíkur, Þorskafjarðarheiði ásamt leiðinni um Eyrarfjall og Vatnsfjarðarnes.  

Viðgerðarhlé verður í Hólmavík frá 12.10 til 13.00. Viðgerðarhlé í ralli hefur þá sérstöðu að þar má oft sjá snarlegar viðgerðir þar sem jafnvel laskaðir bílar eru lagfærðir á mettíma. 

Samansöfnun og verðlaunaafhending fer fram á hátíðarsvæði Hamingjudaga að keppni lokinni.

Allar nánari upplýsingar um rallýið má nálgast á heimasíðu Bifreiðaíþróttaklúbbs Reykjavíkur.

Í meðfylgjandi mynd má finna tímamaster keppninnar

Heiða og hljómsveit á Hamingjudögum!

 

Tónleikar með Heiðu Ólafs og hljómsveit í Bragganum kl.21 fimmtudagskvöldið 27. júní

 

Heiða sendi frá sér nýja plötu í mars sem inniheldur al-íslensk lög eftir hana og nokkra uppáhalds laga- og textahöfunda hennar. Hún mun leika lögin af plötunni ásamt því að telja í nokkur vel valin lög frá löngum ferli sem söngkona. Það verður heldur betur eitthvað fyrir alla í boði á þessum tónleikum og Heiða hlakkar mikið til að spila fyrir fólkið í sinni heimabyggð enda mikil Strandakona.

Miðaverð er 3500kr og miðar seldir við hurð. Ókeypis fyrir 12 ára og yngri.  

Halló Halló bætist við á dagskrána á Hamingjudögum
Hamingjumót GHÓ 2019 Verður haldið á Skeljavíkurvelli laugardaginn 29. júní og hefst kl. 9.00. Nánari upplýsingar á golf.is

 

27.júní fimmtudagur

kl. 13:00 – 17:00               Hamingjunámskeið, Náttúrubarnaskóli

kl. 21:00                         Tónleikar Heiðu Ólafsdóttur í Bragganum

28.júní föstudagur

Kl. 16:00 – 20:00               Veltibíllinn á plani við félagsheimilið

Kl. 17:00 – 19:00               Sýning á Harley D. mótorhjólum

Kl. 17:00                         Setning Hamingjudaga og menningarverðlaunin afhent í Hnyðju

Kl. 19:30 – 21:00               Brekkusöngur við minnismerkið

Kl. 21:00                         Búkalú, sýning fyrir 18+, Margrétar Erlu Maack

29.júní laugardagur

Kl. 8:00 – 15:45                 Hamingjuhlaup, byrjað er að hlaupa frá Árnesi og endað á Skeiði

Kl. 9:00                           Hamingjumót GHÓ á Skeljavíkurvelli
Kl. 10:30 – 12:00               Froðubraut

Kl. 13:00                         Skrúðganga úr hverfum, Hverfastjórar leiða gönguna með söng.

Kl. 13:00 – 16:00               Leiktæki, á Galdratúninu

Kl. 13:00 – 17:00               Markaður í Hnyðju.

Kl. 13:00 – 17:00               Blaðrarinn, á Galdratúninu

Kl. 14:00 – 15:00               Útileikir fyrir alla, á Galdratúninu

Kl. 15:45 – 17:00               Tertuhlaðborð á Galdratúninu

Kl. 16:25 – 16:40               Hljómsveitin Strandabandið tekur nokkur lög á Galdratúninu.

Kl. 17:00 – 18:00               Leikhópurinn Lotta, Litlu Hafmeyjuna, í Kirkjuhvamminum

Kl. 19:00 – 21:00               Sundlaugarpartý í sundlaug Hólmavíkur

Kl. 23:00 – 03:00               Hamingjuball, Hljómsveitin Allt í Einu leikur fyrir dansi í félagsheimilinu fram á rauða nótt.

30.júní sunnudagur

kl. 11:00                          Útimessa

kl. 13:00                          Furðuleikar í Sævangi

Þetta eru drög að dagskrá og eitthvað á nú eftir að bætast við.

Það er komið að því. Þrettánda sumarið í röð leggur Leikhópurinn Lotta land undir fót og ferðast með glænýja fjölskyldusýningu um landið þvert og endilangt.

 

Í sumar er það Litla hafmeyjan sem syndir um landið og gleður landsmenn á öllum aldri með ævintýrum sínum.

 

Sagan um Litlu hafmeyjuna gerist inni í Ævintýraskóginum eins og Lottu er von og visa en eðli málsins samkvæmt höldum við okkur ekki bara inni í skóginum heldur dýfum okkur á bólakaf í sjóinn sem umlykur hann. Þar kynnumst við hafbúum, þeim Báru, Sævari og Öldu, ásamt ógurlegum kolkrabba sem á gullfiska að gæludýrum. Sagan ber okkur einnig upp á land þar sem þjóðsagan um Hlina kóngsson fléttast skemmtilega saman við Litlu hafmeyjuna. Sögurnar tvær fléttast saman í glænýtt ævintýri þar sem drottning, kóngur og ægileg tröll koma einnig við sögu. Fleira skal ekki gefið upp að sinni enda sjón sögu ríkari.

 

Höfundur verksins er Anna Bergljót Thorarensen en þetta er níunda verkið sem hún skrifar fyrir hópinn. Hún semur einnig lagatexta ásamt Baldri Ragnarssyni. Í Litlu hafmeyjunni eru samtals 10 glæný og stórskemmtileg lög sem eru samin af fyrrnefndum Birni Thorarensen, Rósu Ásgeirsdóttur og Þórði Gunnari Þorvaldssyni. Það er því óhætt að lofa stuði og stemningu þegar saman fara skemmtileg ævintýri í bland við flotta tónlist. Öllu þessu er síðan haldið saman af höfundinum, sem einnig leikstýrir sýningunni, og danshöfundinum Berglindi Ýr Karlsdóttur sem eykur enn á fjörið með líflegum dönsum.

 

Sex leikarar halda uppi sýningunni og kannast aðdáendur Lottu vel við þá alla. Þetta eru þau Andrea Ösp Karlsdóttir, Árni Beinteinn, Sigsteinn Sigurbergsson, Stefán Benedikt Vilhelmsson, Thelma Hrönn Sigurdórsdóttir og Þórunn Lárusdóttir en þau skipta á milli sín öllum hlutverkum sýningarinnar. Auk þess að skína á sviðinu eru þau ekki síður mikilvæg á bakvið tjöldin en leikhópurinn sér sjálfur um alla leikmuni og leikmynd sýningarinnar.

 

Litla hafmeyjan er sýning sem er hugsuð fyrir alla aldurshópa og eiga þar fullorðnir jafnt sem börn að geta skemmt sér saman.

 

Lotta heldur í hefðina og sýnir sýningar sínar utandyra svo það er um að gera að klæða sig eftir veðri, pakka smá nesti og hella vatni í brúsa og halda svo á vit ævintýranna inni í Ævintýraskóginum. Því það styttist í að Litla hafmeyjan syndi einmitt til þín.

 

Sýningarplanið í heild má finna inná www.leikhopurinnlotta.is

Það er ekkert betra en að byrja Hamingjudagana úti í náttúrunni! Í tilefni þess verður Náttúrubarnaskólinn með sannkölluðu hamingjuþema fimmtudaginn 27. júní á milli klukkan 13-17. Þá ætlum við að reyna að finna hamingjuna í skemmtilegum hamingjuratleik, bruggja sérstakt hamingjuseyði, fara í nokkra skemmtilega leiki og gæða okkur á kökum og góðgæti.

 

Það kostar 3000 kr. á námskeiðið og skráning er í síma 661-2213, á facebook-síðu Náttúrubarnaskólans eða á netfanginu natturubarnaskoli@gmail.com.

 

Tómstunda-, íþrótta- og menningarnefnd Strandabyggðar auglýsir eftir tilnefningum til Menningarverðlauna Strandabyggðar árið 2019

Í ár verður Lóan, menningarverðlaun Strandabyggðar, veitt í tíunda skiptið. Verðlaunin eru veitt árlega til einstaklings, félags, stofnunar, fyrirtækis eða hóps fyrir eftirtektarvert framtak á sviði lista og menningar í sveitarfélaginu á liðnu ári. Hefur sú hefð skapast að verðlaunaafhending fari fram við setningu Hamingjudaga. 

Ása Ketilsdóttir kvæða- og rímna skáld hlaut heiðursverðlaun og Dagrún Ósk Jónsdóttir, fyrir hönd Náttúrubarnaskólans,  hlaut menningarverðlaunin 2018 en fyrri verðlaunahafar eru Sigríður Óladóttir kórstjórnandi, Leikfélag Hólmavíkur, Sauðfjársetrið (tvisvar sinnum), Grunnskólinn á Hólmavík, Þjóðfræðistofa á Ströndum, Einar Hákonarson listamaður og Steinshús við Djúp.

Öflugt lista og menningarstarf er verðmætt öllum samfélögum en ekki síst litlum sveitarfélögum á borð við Strandabyggð og því er dýrmætt að verðlauna það sem vel er gert.

Tilnefningum, ásamt rökstuðningi, má skila á skrifstofu Strandabyggðar eða á netfangið tomstundafulltrui@strandabyggd.is til kl.16:00 fimmtudaginn 6.júní.

Tómstunda-, íþrótta- og menningarnefnd skipar dómnefnd sem velur úr innsendum tillögum.