Einkatímar í tónlist eru í boði fyrir 5 ára börn tvisvar í viku. Kennt verður á blokkflautu eða fiðlu. Kennslustundum er raðað á milli 10:30 - 11:10 og 13:10 - 13:50. Hver kennslustund er 20 mínútur. Kennari er Vera Ósk Steinsen. Kennt verður í leikskólanum.
Foreldrar eru eindregið hvattir til að skrá börn sín sem allra fyrst með því að senda tölvupóst á netfangið: skolastjori@strandabyggd.is

Gjaldskrá er að finna á http://www.strandabyggd.is/stjornsysla/gjaldskrar/skra/1198/. 
Tónlistarnám 5 ára barnanna er hlutfall af fullu námi sem birtist í gjaldskrá. 

Grunnskólinn á Hólmavík verður settur miðvikudaginn 22. ágúst klukkan 17:00 við skólann. Eftir skólasetningu bjóða umsjónarkennarar nemendum í kennslustofu þar sem afhentar verða stundaskrár og farið yfir skipulag vetrarins.
Nýnemar, nemendur í 1. bekk og aðrir nýir nemendur ásamt foreldrum, mæta í skólann klukkan 16:00.
Við hlökkum til samstarfsins í vetur. Allir velkomnir.

Grunnskólinn á Hólmavík vill start on wednesday 22. of august at 17:00 by the school. After the opening the supervising teachers will invite students to their classroom. There the students will get weekly plans and further information.
New students together with their parents attend school at 16:00.
We are looking forward to work together.

Lausar stöður við Grunn- og Tónskólann á Hólmavík skólaárið 2018-2019.

• Staða umsjónarkennara á miðstigi 100%. Um er að ræða samkennslu í 5. – 7. bekk. Meðal kennslugreina: íslenska, stærðfræði, náttúrugreinar. Áhersla er á þemabundin verkefni. 
• Staða umsjónarkennara á yngsta stigi, 1. - 2. bekkur 100%. Allar almennar kennslugreinar. Áhersla á þemabundin verkefni.
• Staða tónlistarkennara. 100%  Meðal kennslugreina: gítar, rafmagnsgítar, ukulele, bassi og trommur. 
• Staða íþróttakennara 100% staða. Möguleiki á þjálfun í samstarfi skóla, tómstunda og íþróttafélags.
• Tvær 100% stöður stuðningsfulltrúa í  grunnskóla og tómstundastarfi

Umsækjendur um kennarastöður þurfa að hafa kennsluréttindi í grunnskóla. Leitað er eftir einstaklingum með góða skipulagshæfileika og mikla hæfni í mannlegum samskiptum. Reynsla af samkennslu árganga og áhugi á þróunarstarfi eru mikilvægir eiginleikar. Umsækjendur skulu hafa hreint sakavottorð.
Laun eru samkvæmt kjarasamningum Launanefndar sveitarfélaga og Kennarasambands Íslands.
Umsóknarfrestur er til 5. júní 2018.
Nánari upplýsingar veitir: Hrafnhildur Guðbjörnsdóttir, skólastjóri, sími 451 3430, netfang skolastjori@strandabyggd.is

Umsóknir með starfsferilsskrá og afriti prófskírteina ásamt upplýsingum um meðmælendur sendist á skolastjori@strandabyggd.is eða Grunnskólinn á Hólmavík, Skólabraut 20-22, 510 Hólmavík

Skólaslit Grunnskólans á Hólmavík skólaárið 2017-2018 verða í Félagsheimilinu á Hólmavík föstudaginn 1. júní klukkan 12:00. Allir velkomnir.

Föstudaginn 25. maí er Umhverfisdagur Grunnskólans á Hólmavík.
Af því tilefni ætlum við að plokka og flokka.

Klukkan 8:30 er mæting við Grunnskólann þar sem skipaðir eru hópstjórar og skipt í hópa eftir hverfum.
Klukkan 10:00 er nestistími á hverju svæði fyrir sig sem hópstjóri skipuleggur og stjórnar.
Klukkan 12:00 og 12:40 er pizzuveisla fyrir plokkara á Café Riis í boði Strandabyggðar (hópnum er skipt).
Klukkan 13:00 verður sundpartý í sundlauginni og þar verður frítt í sund fyrir þá sem plokka.
Það rusl sem við finnum verður flutt á Hafnarvogina þar sem það verður flokkað og vigtað. Þetta er ekki keppni milli hópa heldur keppumst við öll við að standa okkur sem allra best. Starfsmenn þjónustumiðstöðvar aðstoða við flutning á rusli.

Öllum er velkomið að taka þátt með okkur og leggja hönd á plóginn. Hægt er að bætast í hvaða hóp sem er eða taka daginn snemma með okkur í skólanum.
Samstarfsaðilar á þessum degi eru þjónustumiðstöð, íþróttamiðstöð, frístundamiðstöð og leikskólinn Lækjarbrekka.
Umhverfisdagurinn er nú í miðri útikennslu- og hreyfiviku þar sem unnið er með hefðbundin og óhefðbundin verkefni úti í náttúrunni og hreyfing er alls ráðandi. Umhverfisnefnd Grunnskólans sér um skipulagningu dagsins en nefndina skipa sjö fulltrúar nemenda auk fulltrúa starfsmanna, kennara, foreldra og skólastjóra. 

Vortónleikar Tónskólans verða í Hólmavíkurkirkju þriðjudaginn 22. maí klukkan 19:30. Þar koma fram nemendur skólans og syngja og leika. Stjórnendur eru Vera Ósk Steinssen og Argyrios Perdikaris. Allir velkomnir.

Allir aðilar skólasamfélagsins vinna að mótun framtíðarsýnar og stefnu Grunnskólans á Hólmavík.
Foreldrar nemenda í skólanum fá gott tækifæri til að hafa áhrif og taka þátt.

Fimmtudaginn 3. maí klukkan 16:30 verður fundur í setustofu skólans.

Dagskrá fundarins:

1) Sýn og stefna grunnskóla.

2) Framtíðarsýn og 10 ára sýn.

Fundarstjóri er Kristrún Lind Birgisdóttir

Foreldrar eru hvattir til að mæta og hafa áhrif á framtíðarsýn og stefnu.

​

 

Stóra upplestrarkeppnin verður haldin í félagsheimilinu á Hólmavík fimmtudaginn 22. mars, klukkan 17:00.

Raddir, samtök um vandaðan upplestur og framsögn bjóða þér á lokahátíð Stóru upplestrarkeppninnar.

Á hátíðinni munu nemendur frá Reykhólaskóla og Grunnskólanum á Hólmavík lesa ljóð og brot úr skáldverki. Dómnefnd mun velja þrjá bestu upplesarana og veita verðlaun. Fram koma einnig sigurvegari upplestrarkeppninnar frá því í fyrra og fulltrúar Tónlistarskólans á Hólmavík.

Allir velkomnir!

Grunnskólinn á Hólmavík og Tómstundafulltrúi Strandabyggðar auglýsa saman eftir stuðningsfulltrúa í 100% starf. Sjá nánar undir Laus störf.