Grunnskólinn á Hólmavík og Tómstundafulltrúi Strandabyggðar auglýsa saman eftir stuðningsfulltrúa í 100% starf. Sjá nánar undir Laus störf.

Grunnskólinn á Hólmavík auglýsir eftir stuðningsfulltrúa í afleysingar. Sjáið nánar undir Laus störf í Strandabyggð.

Umhverfisnefnd Grunnskólans á Hólmavík og Íþróttamiðstöðin á Hólmavík halda sameiginlega lýðheilsudag og íþróttahátíð 17. janúar 2018.
Dagskráin hefst í Félagsheimilinu á Hólmavík klukkan 17:00 þar verða stuttir fyrirlestrar: Esther Ösp Valdimardóttir, Jón Eðvald Halldórsson, Birna Karen Bjarkadóttir og aðalfyrirlesari Sigurjón Ernir Sturluson íþróttafræðingur.
Vörukynningar úr heimabyggð verða í gangi og tilkynnt verður um val á Íþróttamanni Strandabyggðar 2018.
Íþróttahátíð grunnskólanema hefst í Íþróttamiðstöðinni að lokinni dagskrá í Félagsheimili. 

Tónleikar Tónlistarskólans á Hólmavík verða fimmtudaginn 14. desember klukkan 19:30 í Hólmavíkurkirkju. Allir eru velkomnir á tónleikana.

Leikritið Jóladagatalið verður sýnt föstudaginn 15. desember klukkan 17:00 í Félagsheimilinu, önnur sýning mánudaginn 18. desember klukkan 18:00. Nemendur í 5., 6. og 7. bekk sýna. Leikstjóri er Ingibjörg Emilsdóttir.

Litlu jól Grunnskólans verða þriðjudaginn 19. desember klukkan 13:00 - 15:00 í Félagsheimilinu. Þar leika nemendur og syngja eins og þeim einum er lagið. Gengið verður í kringum jólatréð og jólasveinarnir mæta. Allir velkomnir.

Stofujól í Grunnskólanum verða miðvikudaginn 20. desember. Nemendur mæta þá klukkan 11:00 og eiga rólega stund með umsjónarkennara og bekknum. Stofujólum lýkur klukkan 12:00 og þá fara allir heim. Að stofujólum loknum hefst jólafrí nemenda við Grunnskólann á Hólmavík. Kennsla hefst aftur 3. janúar 2018 samkvæmt stundaskrá. 

Skólaakstur fellur niður í dag þriðjudag 21. nóvember vegna veðurs og ófærðar.

Foreldrar eru minntir á að meta sjálfir aðstæður þegar veður eða veðurútlit er vont eða líkur á ófærð. Þeir sem vilja halda börnum sínum heima, sé skóla ekki aflýst formlega, er velkomið að gera það. Í þeim tilfellum er mikilvægt að tilkynnt sé um fjarveru nemandans til skólans svo ekki leiki vafi á því hvort hann sé úti í óveðrinu eða ekki.

Grunnskólinn á Hólmavík verður settur í Hólmavíkurkirkju þriðjudaginn 22. ágúst klukkan 13:00. Að því loknu verður gengið í skólann og nemendur hitta umsjónarkennara sína. Íris Ósk Ingadóttir tómstundafulltrúi mun kynna samfelldan dag barna í 1.-4. bekk fyrir foreldrum og nemendum. 
Allir eru velkomnir á skólasetningu.

Athugið að sveitarstjórn Strandabyggðar hefur ákveðið að greiða fyrir námsgögn nemenda við Grunnskólann á Hólmavík.

Fimmtudaginn 1. júní klukkan 16:00 munu nemendur í umhverfisnefnd Grunnskólans á Hólmavík og Pokastöðin Strandir afhenda fulltrúum Kaupfélags Steingrímsfjarðar á Hólmavík 75 fjölnota poka. Á nýliðnum umhverfisdegi skólans bjuggu nemendur til poka úr bolum sem íbúar á Ströndum gáfu sérstaklega til verkefnisins.

Grunnskólinn á Hólmavík er grænfánaskóli sem leggur sig fram um að vinna í þágu umhverfisins.

Pokastöðin Strandir er hluti af samfélagi pokastöðva víðs vegar um landið sem eru í samstarfi við alþjóðlega verkefnið Boomerang bags.

 

Skólaslit Grunn- og Tónskólans á Hólmavík verða föstudaginn 2. júní klukkan 12:00 í Hólmavíkurkirkju. Allir velkomnir.

Tónleikar Tónskólans verða í Hólmavíkurkirkju þriðjudaginn 16. maí klukkan 19:30. Nemendur syngja og leika eins og þeim einum er lagið. Stjórnendur eru Vera Ósk Steinsen og Gunnur Arndís Halldórsdóttir. Allir velkomnir!