Umhverfisdagur fyrirtækja og stofnanna á Hólmavík verður haldinn miðvikudaginn 16. maí 2012. Þann dag geta fyrirtæki og stofnanir óskað eftir að starfsmenn Áhaldahúss Strandabyggðar fjarlægi rusl. Þegar hafa Kaupfélag Steingrímsfjarðar á Hólmavík, Þróunarsetrið á Hólmavík, Hólmadrangur, Hólmavíkurhöfn og Sorpsamlag Strandasýslu tilkynnt þátttöku í deginum. Þeir sem vilja taka þátt er bent á að hafa samband við starfsfólk Áhaldahússins í síma 894 4806, en góð þátttaka var í umhverfisdegi fyrirtækja og stofnanna árið 2011....
Meira

Að fenginni umsókn Sorpsamlags Strandasýslu um starfsleyfi fyrir urðunarstað í landi Skeljavíkur, hefur Umhverfisstofnun unnið tillögu að starfsleyfi fyrir starfsemina. Umsókn Sorpsamlags Strandasýslu, fylgigögn og tillaga að starfsleyfi liggja frammi til kynningar í móttöku Strandabyggðar í Hnyðju, Höfðagötu 3 Hólmavík, á tímabilinu 9. maí - 4. júlí 2012. Öllum er frjálst að skoða gögnin og gera athugasemdir við starfsleyfistillöguna en þær skulu vera skriflega og sendar Umhverfisstofnun. Frestur til að skila inn athugasemdum er til 4. júlí 2012.

 

 

Sveitarfélagið Strandabyggð auglýsir íbúðarhúsnæði að Austurtúni 8, 510 Hólmavík til sölu. Um er að ræða 117,5 fm, fjögurra herbergja íbúð á tveimur hæðum. Á neðri hæð er stofa, eldhús, klósett, þvottahús og lítil geymsla. Á efri hæð eru þrjú svefniherbergi og baðherbergi. Íbúðin er í fallegu raðhúsi sem var byggt árið 1989. Hún er laus til afhendingar 1. júní 2012.

 

Óskað er eftir tilboðum í eignina. Upplýsingar veitir Ingibjörg Valgeirsdóttir sveitarstjóri í síma 616 9770 eða sendið póst á sveitarstjori@strandabyggd.is.

Kvennakórinn Norðurljós heldur sína árlegu vortónleika í Hólmavíkurkirkju þriðjudaginn 8. maí og hefjast þeir kl. 19.30. Að þessu sinni mun Heiða Ólafs koma fram með kórnum. Undirleikarar eru Viðar Guðmundsson og Gunnlaugur Bjarnason og stjórnandi Sigríður Óladóttir.

Að venju býður kórinn upp á kaffihlaðborð að tónleikum loknum í félagsheimilinu á Hólmavík. Miðaverð 2000 fyrir fullorðna og 1000 fyrir börn. Ekki er tekið við kortum.

Fimmtudaginn 3. maí sl. var haldinn íbúafundur um tómstundir í Félagsheimilinu á Hólmavík. Tómstundafulltrúi Strandabyggðar, Arnar S. Jónsson, stóð fyrir fundinum sem var ágætlega sóttur og afar gagnlegur til að varpa ljósi á stöðu og framtíðarsýn tómstundastarfs, menningarstarfs, íþrótta og aðstöðu fyrir þessa málaflokka innan sveitarfélagsins.

Unnið var í fjórum hópum; félagslífi og tómstundastarfi, menningarstarfi og mannlífi, húsnæði og aðstöðu og íþróttum og heilsu. Í hverjum hópi fóru fram umræður um hvað væri vel gert, hvað mætti bæta og hvað væri mikilvægast.

Mjög mikill fjöldi athugasemda og góðra hugmynda kom fram á fundinum sem verður án efa nýtt til stefnumótunar til framtíðar í þessum málaflokki. Tómstundafulltrúi vinnur nú úr gögnunum sem munu birtast hér á vefnum eins fljótt og mögulegt er. Íbúum er þökkuð góð og virk þátttaka á fundinum.