Á sveitarstjórnarfundi sem haldinn var 13. mars s.l. voru húsnæðismál til umræðu sem er eitt stærsta hagsmunamál sveitarfélagsins um þessar mundir. Samþykkt var að ganga til viðræðna við Hornsteina fasteignafélag ehf. um kaup á íbúðum í þriggja íbúða raðhúsi sem Hornsteinar hafa hug á að byggja á Hólmavík. Mikil eftirspurn er eftir húsnæði í sveitarfélaginu og hefur sú eftirspurn aukist jafnt og þétt á síðustu misserum. Fjölskyldur hafa ítrekað lent í vandræðum vegna húsnæðisleysis á Hólmavík og algengt að fólk hafi bjargað sér tímabundið með búsetu inn á ættingjum, í sumarhúsum og jafnvel á gistiheimilum á svæðinu.

...
Meira

Stærsti íþróttaviðburður á Ströndum, hin árlega Strandaganga Skíðafélags Strandamanna, fer fram í Selárdal við Hólmavík á laugardag. Keppt verður í 5 km, 10 km og aldurskipti 20 km göngum, auk þess sem stelpur og strákar 12 ára og yngri geta keppt í 1 km göngu. Þá verður einnig keppt í sveitakeppni í öllum vegalengdum, en hún fer þannig fram að þriggja manna lið ganga sömu vegalengdina og samanlagður tími þeirra gildir. Ræst verður í 1 km gönguna klukkan 12.20 og í aðrar vegalengdir klukkan 13.00....
Meira

Fjögurra manna fjölskylda óskar eftir húsnæði til leigu á Hólmavík,  ekki seinna en frá og með 15. ágúst í sumar. Æskilegt stærð eru þrjú svefnherbergi og einnig væri gott að hafa stóra stofu og gott geymslupláss. Við erum þó tilbúin til að skoða allt og viljum gjarnan gera leigusamning til tveggja ára. Erum reyklaus og reglusöm og heitum góðri umgengni og skilvísum greiðslum. Upplýsingar gefa Kristín S. Einarsdóttir (sími 8673164) og Alfreð G. Símonarson (sími 8613164).

Á dögunum var skrifað undir styrktarsamning milli sveitarfélagsins Strandabyggðar og Leikfélags Hólmavíkur, en slíkir samningar hafa verið gerðir við nokkur félög og samtök í sveitarfélaginu undanfarnar vikur. Samningurinn kveður á um árlegt fjárframlag sveitarfélagsins til leikfélagsins sem hefur verið mjög öflugt undanfarin ár og lagt æ ríkari áherslu á starf fyrir yngri kynslóðina ásamt því að setja upp stór leikrit á hverju ári. Þá hefur félagið einnig átt í góðu samstarfi við Grunnskólann á Hólmavík um uppfærslur á söngleikjum með þátttöku ungra leikara. Einnig fjallar samningurinn um afnot félagsins af aðstöðu í kjallara félagsheimilisins á Hólmavík og framlag félagsins til uppbyggingar á búnaði og aðstöðu í félagsheimilinu.

Undir samninginn skrifuðu Ingibjörg Valgeirsdóttir sveitarstjóri Strandabyggðar og Kristín Sigurrós Einarsdóttir, formaður Leikfélags Hólmavíkur. Einnig var Arnar S. Jónsson tómstundafulltrúi viðstaddur, en hann sá um samningsgerðina fyrir hönd sveitarfélagsins.

Fjölskylda auglýsir eftir íbúðarhúsnæði á Hólmavík til leigu. Allar ábendingar eru vel þegnar. Vinsamlegast hafið samband við Gauta Má Þórðarson í síma 894 4896.