Nú hefur Sorpsamlag Strandasýslu opnað fyrir flokkun beint inn í húsið á Skeiði 3 á Hólmavík eins og lengi hefur staðið til. Forsvarsmenn Sorpsamlagsins vona að þetta komi sér vel fyrir þá sem eru að flokka og benda hinum sem enn eru ekki farnir að flokka sinn úrgang á að nú er ekkert því til fyrirstöðu að hefjast handa.

,,Við erum þess fullviss að flokkunin verður eins vönduð og verið hefur þó þessi breyting verði, enda hefur þessi aðferð gengið mjög vel á þeim stöðum þar sem gámar eru staðsettir. Við hvetjum fólk til að lesa vel leiðbeiningar um flokkun" kemur fram í tilkynningu frá Sorpsamlaginu sem dreift hefur verið inn á heimili á svæðinu....
Meira

Í dag fóru fram kosningar um sameiningu Bæjarhrepps og Húnaþings vestra. Niðurstaðan liggur nú fyrir og er birt á vef Húnaþings vestra. Sameining var samþykkt í báðum hreppum. Alls kusu 323 í Húnaþingi vestra. Já sögðu 271 eða 83,9%. Nei sögðu 50 eða 15,4%. Auðir og ógildir voru 2 eða 0,7%. Í Bæjarhreppi kusu alls 61. Já sögðu 39 eða 63,9%, en nei sögðu 22 eða 36,1%. Enginn seðill var ógildur eða auður. Sveitarfélögum á Ströndum mun því fækka úr fjórum í þrjú.

Frétt af www.strandir.is

Það er vel við hæfi á þessum fyrsta degi aðventunnar að tilnefna eldri íbúa á Ströndum til fyrirmyndar fyrir öflugt framlag og virka þátttöku í menningar- og félagslífi hérlendis sem erlendis og fyrir gefandi nærveru. Spila- og skákdagar í flugstöðinni á sunnudögum, samveru- og upplestrarstundir á Heilbrigðisstofnuninni á Hólmavík á miðvikudögum, boccia í Íþróttamiðstöðinni á föstudögum og skiplagðar gönguferðir um Hólmavík og nágrenni tvisvar í viku er meðal þess sem Félag eldri borgara í Strandabyggð stendur fyrir en formaður félagsins er Maríus Kárason....
Meira

Skólum á grænni grein vex fiskur um hrygg á fullveldisdaginn, 1. desember. Þá verður undirritaður þriggja ára styrktarsamningur milli umhverfisráðuneytisins, mennta- menningarmálaráðuneytisins og Landverndar, sem stýrir verkefninu en það er einnig þekkt sem Grænfánaverkefnið. Grunnskólinn á Hólmavík er einn þeim skólum sem eru til fyrirmyndar í umhverfismálum og hafa hlotið Grænfánann....
Meira

Í dag verður opið hús í Grunnskólanum á Hólmavík milli kl. 13:00 -14:00 í tilefni af ADHD dögum í skólanum sem hafa staðið í viku. Markmiðið með verkefninu er að auka fræðslu og skilning á ADHD röskun sem leiðir til betri hegðunar, líðan og viðhorfa í samfélaginu. Nemendur sýna verkefni sín á opna húsinu, myndband frá vikunni, tónlistaratriði og listaverk nemenda verður afhjúpað. Allir eru velkomnir á opna húsið.