Það er mörgum í fersku minni þegar íbúar í Strandabyggð og gestir Hamingjudaga á Hólmavík settu Íslandsmet í hópplanki í sumar. Samkvæmt talningu voru 212 manns sem plönkuðu á Hólmavík, en nú hafa íbúar í Mosfellsbæ sett stefnuna á að slá þetta ríkjandi met um komandi helgi. Þá verður haldin með pompi og prakt bæjarhátíðin Í túninu heima, en þar er á dagskránni í kvöld að slá Íslandsmetið frá því í sumar.

Ekki virðist standa til að bæjarstjórnin þar syðra planki eins og sveitarstjórn Strandabyggðar gerði svo einstaklega fallega á Hamingjudögum. Við sendum hlýjar kveðjur til Mosfellinga, óskum þeim velfarnaðar í hópplankinu og minnum þá á að telja vel og vandlega!

Sveitarstjórnarfundur 1187 verður haldinn í sveitarstjórn Strandabyggð þriðjudaginn 30. ágúst 2011 á skrifstofu sveitarstjóra. Dagskrá fundarins má sjá hér.

Fundur verður haldinn í Byggingar-, umferðar- og skipulagsnefnd mánudaginn 29. ágúst kl. 18:00.

Þessa vikuna eru nemendur í Grunn- og Tónskólanum á Hólmavík að stíga sín fyrstu lærdómsskref skólaárið 2011-2012. Skólasetning fór fram föstudaginn 19. ágúst 2011 þar sem Bjarni Ómar Haraldsson skólastjóri fór yfir skólastarfið framundan. Heilmiklar breytingar hafa verið gerðar á húsnæði og starfsemi skólans fyrir komandi skólaár 2011 - 2012 eins og sjá má í setningarræðu Bjarna Ómars hér að neðan. Sveitarfélagið Strandabyggð óskar nemendum og starfsfólki Grunn- og Tónskólans á Hólmavík gleði- og innihaldsríkra skóladaga....
Meira

Fimmtudaginn 1. september 2011 verður tekið á móti refaskottum fyrir grenjaveiði vorið 2011 og vetrarveiði 2010-2011 í Sorpsamlagi Strandabyggðar milli kl. 10:00 - 12:00. Veiðimenn á skilgreindum veiðisvæðum skila skottum samkvæmt reglum um refaveiðar sem samþykktar voru í sveitarstjórn Strandabyggðar í maí 2011, sjá hér. Veiðitímabil í Strandabyggð hefst 1. september ár hvert og lýkur 31. ágúst....
Meira

Auglýsing Frumherja hf. um afgreiðslutíma færanlegrar stöðvar 2011.
Nú er komið að síðari ferð færanlegu skoðunarstöðvarinnar um landið. Skoðanir verða sem hér segir:

Hólmavík 13. - 14. september 2011.

Færanlega skoðunarstöðin er nú beintengd við ökutækjaskrá og því hægt að afla allra upplýsinga og gagna frá viðskipum eins og í fastri skoðunarstöð. Tekið er á móti öllum geiðslukortum (kredit og debet). Hvorttveggja er háð því að gsm-samband sé í lagi.

Færanleg skoðunarstöð Frumherja hf. sími: 892 4507.