Hreinsunarátak - umhverfisvikur eru nú hafnar í Strandabyggð og eru fyrirtæki, stofnanir og íbúar hvattir til að taka þátt. Kvennakórinn Norðurljós reið á vaðið með ruslatínslu meðfram vegum á vegum Vegagerðarinnar og Vinnuskólinn í Strandabyggð fegrar umhverfið á hverjum degi. Þá hefur fjöldi íbúa lagt hönd á plóg með hreinsun í kringum bæi, tún og fjörur og í kringum íbúðarhús og götur á Hólmavík sem er til fyrirmyndar.

...
Meira

Fundur 1184 í sveitarstjórn Strandabyggðar verður haldinn þriðjudaginn 21. júní 2011 og hefst fundurinn kl. 18:00 á skrifstofu Strandabyggðar að Höfðagötu 3. Dagskrá fundarins má sjá hér: http://www.strandabyggd.is/stjornsysla/tilkynningar/skra/230/

Mánudaginn 20. júní verður fundur haldinn í Byggingar-, umferðar- og skipulagsnefnd og hefst hann kl. 18:00. Er þetta síðasti fundur Byggingar-, umferðar- og skipulagsnefndar fyrir sumarfrí. Þeir sem eru með erindi á fund nefndarinnar eru beðnir um að koma með þau á skrifstofu Strandabyggðar mánudaginn 20. júní milli kl. 10:00 - 14:00 eða senda tölvupóst á strandabyggd@strandabyggd.is fyrir kl. 16:00.

Atvinnumála- og hafnarnefnd og Tómstunda-, íþrótta- og menningarnefnd munu einnig funda 20. júní 2011.

Fimm nemendur útskrifuðust úr leikskólanum Lækjarbrekku þann 16. júní 2011 á fjölmennum og skemmtilegum grilldegi sem haldinn var við skólann. Sveitarfélagið Strandabyggð óskar útskriftarnemunum þeim Brynhildi, Jóni Hauk, Míró, Sólveigu Maríu og Sævari og fjölskyldum þeirra innilega til hamingju með áfangann! Victor Örn Victorsson frá Strandahestum mætti á grilldaginn ásamt hestinum Degi og vöktu þeir félagar miklar vinsældir. Gestir fengu grillaða hamborgara og glæsilega andlitsmálningu og héldu nemendur og starfsfólk skólans glaðir í sumarfrí að hátíðinni lokinni. Fyrsti dagur eftir sumarfrí er þriðjudagurinn 26. júlí.

 

Vilt þú vinna í skemmtilegu og líflegu umhverfi við bæði gefandi og skapandi starf? Spennandi tímar eru framundan í leikskólanum Lækjarbrekku. Starfsfólk leikskólans er að hefja stefnumótunarvinnu fyrir skólann og er fyrirhugað að innleiða nýja leikskólastefnu næsta vetur. Leikskólinn Lækjarbrekka auglýsir tvö störf haustið 2011:

Leikskólakennari - leiðbeinandi
Auglýst er eftir leikskólakennara í 100% starf. Um er að ræða tímabundna stöðu til eins árs. Starfsmaður þarf að geta hafið störf þann 26. júlí 2011.

Nýtt starf
Leikskólinn Lækjarbrekka auglýsir nýtt starf matráðs og ræstitæknis Um er að ræða 100% starf frá kl. 08:00 - 16:00. Umsækjandi þarf að geta hafið störf þann 26. júlí 2011.
...
Meira

Sumarið er tíminn! Það er líflegt um að litast í Strandabyggð þessa dagana. Börn að leik, ferðamenn á götum úti, Vinnuskólinn að fegra bæinn, kaffihús á hverju horni og gróðurinn farinn að sýna sínar bestu hliðar. Sveitarfélagið Strandabyggð minnir ökumenn á að hafa gangandi vegfarendur sérstaklega í huga þegar ekið er um Hólmavík og framhjá bæjum í dreifbýli. Gleðilegt sumar!