Ríkisstjórn Íslands mun halda fund á Ísafirði í næstu viku með sveitarstjórnarfólki úr öllum sveitarfélögum á Vestfjörðum. Í frétt á heimasíðu RÚV kemur fram að ríkisstjórnin boði aðgerðir til uppbyggingar á Vestfjörðum, meðal annars í mennta- og velferðarmálum.  Í viðtali við Jóhönnu Sigurðardóttur forsætis- ráðherra kemur fram að  stjórnin vilji ræða ýmsar hugmyndir sem snerti mennta- og velferðarmál við Vestfirðinga. Aðgerðirnar svipi til þeirra sem ríkisstjórnin kynnti á Suðurnesjum í lok síðasta árs. Ekki sé um stór verkefni að ræða en margt smátt skipti máli. Sveitarstjóri Strandabyggðar, Ingibjörg Valgeirsdóttir, mun kynna brýnustu áherslur og hagsmunamál Stranda og Reykhólahrepps fyrir ríkisstjórninni.

Landaður afli fyrstu 2 mánuði ársins er sem hér segir

 

Guðmundur Jónsson ST 17      10.308kg í 3 róðrum

Hafbjörg ST 77                           10.652kg í 5 róðrum

Hlökk ST 66                                92.820kg í 21 róðri

Hilmir ST 1                                  11.097kg í 4 róðrum

Kópnes ST 64                              5.939kg í 2 róðrum

Straumur ST 65                            2.621kg  í 2 róðrum

Byggingarfulltrúi, Gísli Gunnlaugsson, verður með viðtalstíma á skrifstofu Strandabyggðar mánudaginn 14. mars n.k. milli kl. 13:00 - 16:00.  Fundur verður hjá Byggingar-, umferðar- og skipulagsnefnd sama dag kl. 16:00.

Námskeið fyrir fólk í nefndum og sveitarstjórn Strandabyggðar hefur verið fært úr Félagsheimilinu yfir á Café Riis. Á námskeiðinu verður m.a. farið yfir eftirfarandi þætti: 

• Fundarsköp
• Undirbúning undir nefndarfundi
• Tillögugerð
• Ritun fundargerða

Þeir sem ekki eru skráðir geta enn bæst í hópinn og mætt á Café Riis. Námskeiðið hefst kl. 17:00 í dag og stendur til klukkan 20:30. 

Um þessar mundir eru átta mánuðir síðan ný sveitarstjórn tók við í Strandabyggð og sex mánuðir síðan undirrituð tók við starfi sveitarstjóra. Á þessum mánuðum höfum við fengið mikilvægt tækifæri til að kynnast hagsmunum íbúa Strandabyggðar og starfsemi sveitarfélagsins nánar.  Það hefur verið ánægjulegt að ræða við íbúa og starfsfólk í stofnunum og nefndum á vegum Strandabyggðar og finna fyrir bæði metnaði og áhuga á þróun og uppbyggingu samfélagsins. Þetta hefur verið lærdómsríkur tími og ljóst að þannig verður það áfram, enda mikilvægt að starfsemi sveitarfélagsins sé í stöðugri þróun og endurskoðun.

 

Virk skoðanaskipti þar sem dregnar eru fram ólíkar hliðar á málum áður en ákvarðanir eru teknar er farsæl leið til framfara. Slík skoðanaskipti viljum við eiga sem oftast við íbúa Strandabyggðar, hvort sem er á skipulögðum fundum, í óformlegu spjalli  eða með því að taka við erindum til nefnda og sveitarstjórnar.  Við hvetjum ykkur eindregið til að láta í ykkur heyra varðandi þá þætti sem þið eruð ánægð með í sveitarfélaginu og  benda okkur á það sem betur má gera.

 

Til upplýsingar fyrir íbúa verður hér farið lauslega yfir helstu verkefni sem sveitarstjórnarfólk og starfsfólk Strandabyggðar hefur unnið að undanfarna mánuði.

Hlökkum til áframhaldandi samstarfs.

F.h. sveitarfélagsins Strandabyggðar,
Ingibjörg Valgeirsdóttir, sveitarstjóri.