Vegna smita á covid-19 hefur verið ákveðið að Daníel komi ekki til Hólmavíkur í dag, fimmtudaginn 18. nóvember til að sinna hreinsun á hundum og köttum.
Lyfin verða send með pósti í ár og ef einhverjar breytingar eru á skráningarupplýsingum er velkomið að senda upplýsingar á netfangið dannidyralaeknir@gmail.com eða á strandabyggd@strandabyggd.is

Stjórn foreldrafélags leik- og grunnskóla Hólmavíkur hefur óskað eftir því að ályktun þeirra sem tekin var fyrir á síðasta fundi sveitarstjórnar Strandabyggðar verði birt á vef sveitarfélagsins. Hún er svohljóðandi:

"Ályktun stjórnar foreldrafélags leik- og grunnskóla Hólmavíkur.

Stjórn foreldrafélagsins lýsir yfir miklum vonbrigðum með þá ákvörðun sveitarstjórnar að skera niður tónlistarkennslu í grunn- og leikskóla Hólmavíkur....
Meira

Kæru íbúar!
Vegna framkvæmda við nýjan brunahana við grunnskólann verður lokað fyrir vatnið miðvikudaginn 17. nóvember frá kl 20:00, áætlað er að framkvæmdin taki allt að þrjár klukkustundir.
Þetta á við um öll hús innan við Sýslumannshalla eða frá Hafnarbraut 1.
Biðjumst við velvirðingar á því ónæði sem þetta kann að valda.
Starfsmenn áhaldahúss.

Greinst hefur Covid-smit á Hólmavík og sóttkví og smitgát eru staðreynd hjá nokkrum íbúum sveitarfélagsins. Strandabyggð vill hvetja fólk til að fara að öllu með gát og sinna persónulegum sóttvörnum. Jafnframt er mikilvægt að við höldum ró okkar og ræðum við yngri kynslóðina og úrskýrum málin. Enn er ekki ljóst hvort smit sé útbreitt, en sýnatökur eru í gangi í dag. Unnið er í samráði við sóttvarnayfirvöld á landsvísu og rakningateymið er að störfum. 

Helstu ráðin til íbúa eru að muna eftir handþvotti, sprittnotkun og að halda fjarlægð við aðra. Notum grímu þar sem ekki er hægt að virða nándarmörk. Pössum að þrífa algenga snertifleti og ef við þurfum að hósta, gerum það í olnbogabót eða einnota klút/pappír.

Ef fólk finnur fyrir einkennum eða hefur grun um smit, er mjög mikilvægt að hringja eða hafa samband, en ekki mæta á heilsugæslustöðina. Hægt er að hafa samband við heilsugæsluna á Hólmavík (sími: 432-1400), Læknavaktina (sími: 1700) eða á netspjalli Heilsuveru, jafnvel þó viðkomandi sé bólusettur. 

Einkenni geta verið: Hósti, hiti, hálssærindi, kvefeinkenni, andþyngsli, bein- og vöðvaverkir, þreyta, kviðverkir, niðurgangur, uppköst, skyndilegt tap á lyktar- og bragðskyni, höfuðverkur.

Ítrekað er að það má alls ekki fara í eigin persónu á heilsugæslustöð eða inn á aðrar heilbrigðisstofnanir ef þú ert með einkenni, fyrst á að hringja og fá ráð. 

Ef þig grunar að einhver í þínu nærumhverfi hafi smitast: Gættu þess að eiga ekki í nánu samneyti við viðkomandi og ráðlegðu viðkomandi að hafa samband við heilsugæslu, fara í sýnatöku og einangra sig þar til neikvæð niðurstaða fæst.

Upplýsingasíða Embætti landlæknis og almannavarnadeild ríkislögreglustjóra er á slóðinni: www.covid.is Þar má m.a. finna gagnlegar upplýsingar um sýnatöku, sóttkví, smitgát, einangrun, einkenni og almenna líðan.