Opnað hefur verið fyrir skráningar á sumarnámskeið í Strandabyggð. Skráningarskjalið er að finna hér: https://forms.gle/yx6h1SLstf9yJaTv7

Í boði eru fjölbreytt námskeið fyrir börn á öllum aldri; Íþróttir- og leikir, Náttúrubarnaskóli, stuttmyndagerð, leiðtogaþjálfun, skíði og sirkus svo fátt eitt sé nefnt. Auk þess er Geislinn með námskeið og heldur utan um eigin skráningu. Á öllum námskeiðum starfa úrvalsleiðbeinendur sem eru vanir að vinna með börnum og njóta aðstoðar ungmenna úr Vinnuskólanum.

Hægt er að skrá sig í hádegismat meðan á námskeiðum stendur.

Við miðum við að taka saman skráningu á námskeið hverrar viku miðvikudaginn fyrir og sendum í kjölfarið út nákvæmari upplýsingapóst.

Öllum börnum er velkomið að skrá sig á námskeiðin en Strandabyggð niðurgreiðir 5.000 kr. á hvert námskeið fyrir börn forsjáraðila sem búa í sveitarfélaginu.

Góða skemmtun og gleðilegt sumar!

Íþróttamiðstöðin er lokuð til kl.17 dagana 1. og 2. júní vegna námskeiða starfsmanna en verður síðan opin frá kl. 17-21.  


Verið öll hjartanlega velkomin!

Í dag, föstudag, kl 16-18 er opin kynning á bogfimi í Íþróttamiðstöðinni á Hólmavík, öll velkomin.

Um helgina fer svo fram námskeið í íþróttinni. Nánari upplýsingar og skráning hér: https://www.facebook.com/events/863805147903093

---Frestur til tilnefninga hefur verið framlengdur til hádegi 14. júní 2021---

Tómstunda-, íþrótta- og menningarnefnd Strandabyggðar auglýsir eftir tilnefningum til Menningarverðlauna Strandabyggðar árið 2021.

Öflugt lista og menningarstarf er verðmætt öllum samfélögum en ekki síst litlum sveitarfélögum á borð við Strandabyggð og því er dýrmætt að verðlauna það sem vel er gert.

Tilnefningum, ásamt rökstuðningi, má skila á skrifstofu Strandabyggðar eða á netfangið tomstundafulltrui@strandabyggd.is til kl.12:00 mánudaginn 7.júní.

Tómstunda-, íþrótta- og menningarnefnd skipar dómnefnd sem velur úr innsendum tillögum og veitir verðlaunin á opnun Hamingjudaga.

...
Meira