Þessir hressu krakkar úr Grunnskólanum komu að Þróunarsetrinu í dag og mótmæltu.  Þau mótmæltu gróðurhúsaáhrifum og því hvernig við horfumst ekki í augu við afleiðingar þess.  Þau mótmæltu því líka að Strandabyggð sá sér ekki fært að taka við flóttafólki að beiðni Útlendingastofnunar.  Við ræddum saman dágóða stund og skýrðum málin, en fengum líka upp margar góðar hugmyndir, sem ég læt hér með fylgja inn í umræðuna:

• Byggjum húsnæði úr gámum til að taka við flóttafólki
• Sveitarfélagið kaupir Hostelið fyrir flóttafólkið
• Setjum upp moltustöðvar á vissa staði í þorpinu
• Eflum þekkingu á flokkun á rusli
• Borðum minna og hendum ekki mat
• Göngum í vinnuna
• Kaupum minna inn í hvert skipti 
• Við þurfum ekki að eiga alltaf nýjustu útgáfu af farsíma, sem smábörn víða um heim búa til við óviðunandi aðstæður
• ofl.

Það er frábært að eiga svona krakka sem láta sér umhugað um umhverfið og náungann.  Þetta er framtíðin okkar og við skulum hlusta á hana! 

Flott krakkar, takk fyrir komuna! Komið sem oftast.

Sæl öll,

 

Það er nokkuð liðið síðan ég sendi frá mér eins konar vinnuskýrslu og þykir mér það miður.  Hér koma því nokkrir punktar yfir nokkur verkefni sem ég hef unnið að síðustu vikurnar.

Hitaveitumál

Nú er að komast skriður á þessi mál.  Búið er að hitamæla holurnar eins og sagt var frá hér fyrir nokkru. Næsta skref er álagsprófun, til að komast að því hvort þarna sé nægjanlegt vatn og af þeim hita sem við þurfum.  Við vinnum nú með ISOR, Verkfræðiskrifstofunni Stoð á Sauðárkróki og Íslenskri Jarðhitatækni ehf, að undirbúningi og vonumst til að álagsprófun hefjist í byrjun maí.

Umhverfisátak

Undirbúningur fyrir umhverfisátak er hafinn, eins og sagt hefur verið frá á heimasíðunni okkar.  Það er að ýmsu að hyggja þegar svona átaki er ýtt af stað, og núna er unnið að því að tryggja að öll geymsluaðstaða innan Strandabyggðar sé til staðar og standist allar kröfur.

...
Meira

Sveitarstjórnarfundur 1287 í Strandabyggð

Fundur nr. 1287 í sveitarstjórn Strandabyggðar verður haldinn þriðjudaginn 9. apríl 2019 kl 16:00 í Hnyðju.

 

Fundardagskrá er svohljóðandi:

 

  

Gert er ráð fyrir að eftirtaldir sveitarstjórnarmenn sitji fundinn:

Aðalbjörg Sigurvaldadóttir

Guðfinna Lára Hávarðardóttir

Ingibjörg Benediktsdóttir

Jón Gísli Jónsson 

Pétur Matthíasson

Sirkus Íslands ferðast nú um landið með nýja fjölskyldusýningu. Kraftmikil sýning sem fer með áhorfendur inn í spennandi töfraheim sirkusins þar sem allt getur gerst! Óttalaus áhættuleikari, ótrúleg línudansmær, lipurt loftfimleikafólk og ljónatemjari flakka um landið og kynna þig fyrir sirkusnum á hátt sem þú hefur aldrei séð áður! 

 

Bæjarsirkusinn er sirkussýning fyrir alla fjölskylduna þar sem töfrar sirkusins vakna til lífsins um land allt. Sýningin er liður í því að gera Sirkus Íslands að sirkus allra landsmanna og leyfa sem flestum að njóta gleðinnar. Sýningar Sirkus Íslands í sirkustjaldinu Jöklu hafa vakið mikla lukku undanfarin sumur en þessi sýning er gerð fyrir félagsheimili og íþróttasali landsins og gerir okkur kleift að ferðast um landið yfir vetrartímann.

 

Bæjarsirkusinn hefur verið sýndur á Suður- og Vesturlandi við góðar undirtektir en heldur nú áfram ferðalaginu um landið. Við verðum í félagsheimilinu í Hólmavík föstudaginn 5. apríl, og félagsheimilinu í Bolungarvík laugardaginn 6. apríl.

Miðasala á TIX.IS