Staða deildarstarfsmanns

Leikskólinn Lækjarbrekka auglýsir eftir starfsmanni á deild í 100% stöðu. Leitað er eftir leikskólakennara, uppeldismenntuðu fólki eða fólki með reynslu af starfi með börnum. Vinnutíminn er 8:00-16:00. Viðkomandi þarf að geta hafið störf sem fyrst.

 

...
Meira

Kæru íbúar Strandabyggðar,

 

Eins og þið vitið, er umhverfisátak í Strandabyggð eitt af megin áhersluatriðum þessarar sveitarstjórnar.  Umhverfisátakið hófst í raun fyrir Jól, með því að grjót var fjarlægt af Borgabrautinni.  Nú ætlum við að ýta af stað undirbúningi fyrir tiltekt á Skeiðinu.  Það er stórt verkefni sem mun taka okkur talsverðan tíma.  Við byrjum hins vegar á því að kalla saman alla rekstraraðila á Skeiðinu á næstu dögum og hefja undibúning framkvæmda.  Þetta verður auglýst nánar fljótlega.

 

Við ætlum okkur að gera Strandabyggð fallegra og vistvænna samfélag og til þess þurfum við stuðning og samtakamátt allra.

Strandabyggð og Hvatastöðin sem Esther Ösp Valdimarsdóttir er í forsvari fyrir, hafa gert með sér samstarfssamning til næstu sex mánaða um að Strandabyggð veiti Hvatastöðinni aðgang að húsnæði undir sína starfsemi, sem verður í Flugstöðinni.  Markmið þessa samnings er að efla lýðheilsu íbúa Strandabyggðar og stuðla um leið að uppgangi  nýrra frumkvöðlafyrirtækja í Strandabyggð.

 

Hvatastöðin vill að veita íbúum Strandabyggar sem og öðrum, tækifæri til slökunar, andlegrar eflingar og almennrar hreysti með fjölbreyttu framboði heilsueflandi æfinga og námskeiða.  Á vegum Hvatastöðvarinnar verður í fyrstu boðið upp á jogatíma en í  kjölfarið verður ýmislegt fleira á döfinni, ýmis námskeið og viðburðir við allra hæfi

 

Hvatastöðin opnar laugardaginn 19. janúar, í Flugstöðinni á hátíðinni Vetrarsól á Ströndum, sem stendur helgina 18-20 janúar 2019.

Nú undanfarið hefur færst enn meira líf í Flugstöðina á Hólmavík en um nokkura ára skeið hefur félag eldri borgara haft þar aðstöðu til félagsstarfs.  Í haust bættust í hópinn Tafl-og bridsfélag Strandamanna sem spilar öll mánudagskvöld frá kl. 19.30 og Lionsklúbburinn á Hólmavík sem fundar annan miðvikudag í hverjum mánuði.  Á laugardaginn verður síðan formleg opnun Hvatastöðvarinnar í Flugstöðinni en Esther Ösp Valdimarsdóttir jogakennari mun bjóða upp á jogatíma og einnig fær hún til sín góða gesti á næstunni og býður upp á viðtalstíma.

Kæru íbúar Strandabyggðar,

Í gær hófst undirbúningur í tengslum við hitaveituáfrom Strandabyggðar í Hveravík.  Fulltrúi ISOR kom og mældi dýpt og hitastig í borholunum og framundan er álagsprófun sem segir til um vænleika frekari framkvæmda.

Þetta verkefni er ein af lykiláherslum þessarar sveitarstjórnar og því gleðiefni fyrir alla að þessi vinna sé nú hafin.