Strandabyggð auglýsir stöðu forstöðumanns íþróttamiðstöðvar- afleysingastarf

Sveitarfélagið Strandabyggð  óskar eftir að ráða starfsmann til að leysa af forstöðumann Íþróttamiðstöðvarinnar á Hólmavík í tímabundinni fjarveru hans.  Ráðið er í starfið frá 1. júlí n.k.

Við leitum að einstaklingi sem hefur leiðtogahæfni, er lipur í mannlegum samskiptum og hefur brennandi áhuga á uppbyggingu íþrótta- og lýðheilsustarfs í Strandabyggð.

Verkefni forstöðumanns felast m.a. í:

• Stjórnun og ábyrgð á daglegri starfsemi, fjárhagsáætlunum og rekstri íþróttamiðstöðvar
• Að hafa umsjón með viðhaldi og rekstri tækja og búnaðar
• Faglegri forystu og starfsmannastjórnun
• Að stuðla að framþróun íþróttamiðstöðvarinnar sem og íþróttastarfs í sveitarfélaginu.

 Gerðar eru kröfu um að viðkomandi:

• Uppfylli skilyrði sem fram koma í reglugerð nr. 814/2010 um hollustuhætti á sund- og baðstöðum
• Búi yfir skipulags- og stjórnunarfærni
• Búi yfir góðri samskiptafærni  og getu til að geta tjáð sig í ræðu og riti
• Hafi til að bera frumkvæði og styrk til ákvarðanatöku
• Menntun sem nýtist í starfi
• Sé í starfi sínu hvetjandi og góð fyrirmynd

Forstöðumaður er hluti af stjórnendateymi Strandabyggðar, en í því eru forstöðumenn og sveitarstjóri.  Starfinu fylgja því töluverð samskipti við skriftstofu Strandabyggðar og aðrar stofnanir sveitarfélagsins, s.s. leik- og grunnskóla og áhaldahús sem og íþróttafélög og önnur félög á staðnum.

Allar frekari upplýsingar um starfið veitir Ingibjörg Benediktsdóttir í síma 663-0497, eða á netfangið ingibjorgben@strandabyggd.is.

 Umsóknir skulu sendar á strandabyggð@strandabyggd.is

Umsóknarfrestur er til og með sunnudagsins 28. apríl 2019

 

 

 

The municipality of Strandabyggð seeks to recruit a director of the Sports Center in Hólmavík for a temporary position.

The ideal candidate will be a constructive team player with good leadership and human resource management skills, with passion for developing excellent sports and public health service in Strandabyggð.

Director's responsibilities include:

Managing daily operations, scheduling activities and events

Keeping inventory of supplies and budgeting planning and execution

Coordinating, planning, maintain and supervising the operation of various facilities and equipment.

Developing and promoting the sports center, as well as sports activities in the municipality.

Fulfilling legal obligations and regulation no. 814/2010 on sanitary and bathing facilities

Personal skills required:

Directors must possess strong interpersonal and public relations skills (both in speech and writing)

Ability to communicate and build cooperative relationships and connections with the directors at other facilities too.

Strong managerial skills, critical thinking, problem solving, initiative, decision-making, strategic planning, and other related business skills is crucial.

Professional Leadership and Human Resources Management experience is beneficial, but inspiring, envisioning and encouraging personality is crucial where a good role model is presented.

The director is part of the Management Team of Strandabyggðar. Therefore the job entails considerable communication with Strandbyggð’s office and other municipality institutions, e.g.  the Primary and Secondary Schools as well as several sport clubs or other local clubs.

Kæru íbúar

Í dag tökum við á móti nýjum slökkvibíl í Strandabyggð.  Bíllinn var keyptur hjá Krafti og fullsmíðaður hjá Ósland ehf á Ólafsfirði.

Bíllinn verður til sýnis við Þambárvelli kl. 11.30, við Broddanes kl. 12.30 og við Félagsheimilið á Hólmavík kl. 14.00, við hvetjum alla íbúa til að mæta og skoða þennan glæsilega bíl.   

 

Sveitarstjórnarfundur 1288 í Strandabyggð

Fundur nr. 1288 í sveitarstjórn Strandabyggðar verður haldinn þriðjudaginn 16. apríl 2019 kl 16:00 í Hnyðju.

 

Fundardagskrá er svohljóðandi:

 

1. Ársreikningur Strandabyggðar vegna 2018 – fyrri umræða
2. Beiðni um tilnefningu í  verkefnaráð vegna undirbúnings vegna uppsetningar tengivirkis í Djúpi og tengingu Hvalár
3. Fréttatilkynning 9. apríl 2019 – viðburðir á aldarafmæli sjálfstæðis og fullveldis Íslands, lagt fram til kynningar
4. Málalykill Strandabyggðar 2019-2024
5. Veraldarvinir, fyrirspurn um samstarf
6. THE Ráðgjöf – kynning á húsnæðisvalkostum.

 

 

Gert er ráð fyrir að eftirtaldir sveitarstjórnarmenn sitji fundinn:

Aðalbjörg Sigurvaldadóttir

Guðfinna Lára Hávarðardóttir

Ingibjörg Benediktsdóttir

Jón Gísli Jónsson

Pétur Matthíasson

Þessir hressu krakkar úr Grunnskólanum komu að Þróunarsetrinu í dag og mótmæltu.  Þau mótmæltu gróðurhúsaáhrifum og því hvernig við horfumst ekki í augu við afleiðingar þess.  Þau mótmæltu því líka að Strandabyggð sá sér ekki fært að taka við flóttafólki að beiðni Útlendingastofnunar.  Við ræddum saman dágóða stund og skýrðum málin, en fengum líka upp margar góðar hugmyndir, sem ég læt hér með fylgja inn í umræðuna:

• Byggjum húsnæði úr gámum til að taka við flóttafólki
• Sveitarfélagið kaupir Hostelið fyrir flóttafólkið
• Setjum upp moltustöðvar á vissa staði í þorpinu
• Eflum þekkingu á flokkun á rusli
• Borðum minna og hendum ekki mat
• Göngum í vinnuna
• Kaupum minna inn í hvert skipti 
• Við þurfum ekki að eiga alltaf nýjustu útgáfu af farsíma, sem smábörn víða um heim búa til við óviðunandi aðstæður
• ofl.

Það er frábært að eiga svona krakka sem láta sér umhugað um umhverfið og náungann.  Þetta er framtíðin okkar og við skulum hlusta á hana! 

Flott krakkar, takk fyrir komuna! Komið sem oftast.