Auglýst er eftir tilnefningum  um íþróttamann eða -konu ársins 2017 í Strandabyggð. Senda skal tilnefningar og stuttan rökstuðning á netfangið tomstundafulltrui@strandabyggd.is eigi síðar en 5. janúar. Allir mega senda inn tilnefningu og frjálst er að nefna fleiri en einn aðila en viðkomandi þurfa að hafa haft lögheimili í Strandabyggð á síðastliðnu ári. Samkvæmt reglugerð um útnefningu á íþróttamanni eða -konu ársins hefur Tómstunda- íþrótta- og menningarnefnd umsjón með valinu á ári hverju.  Upplýst verður um valið á íþróttahátíð Grunnskólans á Hólmavík mánudaginn 15. janúar 2018.

Útnefningin er fyrst og fremst hugsuð sem viðurkenning fyrir íþróttaafrek, framlag til íþróttastarfs og hvatning til frekari afreka.Viðurkenningin var fyrst veitt með þessu sniði fyrir árið 2012, þá hlaut Ingibjörg Emilsdóttir nafnbótina íþróttakona ársins og Jamison Ólafur Johnson hlaut sérstök hvatningarverðlaun. Sigríður Drífa Þórólfsdóttir var hins vegar valin íþróttakona ársins 2013 en Trausti Rafn Björnsson hlaut þá sérstök hvatningarverðlaun. Árið 2014 hlaut Jamison Ólafur Johnsson titilinn og sérstök hvatningarverðlaun hlaut Ingibjörg Benediktsdóttir. Íþróttamaður ársins 2015 er Rósmundur Númason og Vala Friðriksdóttir hlaut sérstök hvatningarverðlaun. Árið 2016 hlaut Ragnar Bragason titilinn og sérstök hvatningarverðlaun hlaut Friðrik Heiðar Vignisson. Handhafi viðurkenningarinnar hlítur farandsbikar í vörslu í eitt ár sem íþróttafélag lögreglumanna á Hólmavík gefur.

Tómstunda- íþrótta- og menningarnefnd Strandabyggðar hvetur alla til að nýta þetta tækifæri til að minnast þeirra afreka sem íþróttafólk okkar hefur unnið á liðnu ári.

Fundur nr. 1268 í sveitarstjórn Strandabyggðar verður haldinn í þriðjudaginn 12. desember 2017, kl. 16.00 í Hnyðju, Höfðagötu 3 á Hólmavík.

 

Fundardagskrá er svohljóðandi:

 

1. Fjárhagsáætlun Strandabyggðar fyrir árið 2018 lögð fram til síðari umræðu
2. Þriggja ára áætlun Strandabyggðar fyrir árin 2019 – 2021 lögð fram til síðari umræðu
3. Afgreiðsla viðauka vegna fjárhagsáætlunar 2017
4. Umsókn um byggðakvóta fiskveiðiársins 2017-2018
5. Erindi frá stjórn Snorrasjóðs, umsókn um stuðning, dagsett 20/11/2017
6. Erindi frá Svani Kristjánssyni, umsókn um tímabundið leyfi frá störfum, dagsett23/11/2017
7. Skýrsla nóvembermánaðar frá sveitarstjóra og forstöðumönnum
8. Fundargerð 106. fundar sjtórnar NAVE frá 22/11/2017
9. Fundargerð Ungmennaráðs frá 7/11/2017
10. Fundargerð Tómstunda-, íþrótta- og menningarnefndar frá 11/12/2017
11. Fundargerð Fræðslunefndar frá 6/12/2017
12. Fundargerð Umhverfis- og skipulagsnefndar frá 29/11/2017

 

 

Gert er ráð fyrir að eftirtaldir sveitarstjórnarmenn sitji fundinn:

Ásta Þórisdóttir

Haraldur V. A. Jónsson

Ingibjörg Benediktsdóttir

Ingibjörg Emilsdóttir

Jón Gísli Jónsson

 

8. desember 2017

 

Andrea Kristín Jónsdóttir

Sveitarstjóri

 

Hér ætlum við að birta atburðadagatal sem hægt er að prenta út ef fólk vill en þó ber að gæta þess að atburðir geta verið að birtast daglega í desember.  Hér er hægt að nálgast dagatalið á pdf.formi

Endilega sendið okkur upplýsingar um viðburði á netfangið skrifstofa@strandabyggd.is

Gísli Gunnlaugsson byggingafulltrúi verður við á skrifstofu Strandabyggðar milli kl. 10 - 12, miðvikudaginn 29/11/2017.

Sveitarstjórn Strandabyggðar hefur samþykkt Reglur um sérstakan húsnæðisstuðning sem varðar;

-stuðning til viðbótar við almennar húsnæðisbætur frá Vinnumálastofnun

-stuðning vegna 15-17 ára barna á heimavist eða námsgörðum

-stuðning vegna námsmanna 18-20 ára sem ekki fá inni á heimavist eða námsgörðum.

Nánari upplýsingar veitir María Játvarðardóttir, félagsmálastjóri í síma 842-2511