Skrifstofa Strandabyggðar verður lokuð á aðfangadag og gamlársdag en að öðru leiti verður hefðbundinn opnunartími.

Gleðileg jól!

Árlegt jólabingó verður haldið í félagsheimilinu á Hólmavík sunnudaginn 21. desember kl. 16:00

Þetta árið sér félagsmiðstöðin Ozon um bingóið. Vinningarnir eru stórglæsilegir og koma flestir frá fyrirtækjum hér á svæðinu. Stuðningur þessara fyrirtækja og stofnanna er ómetanlegur en unga fólkið safnar sjálft fyrir allri starfsemi og tækjakaupum félagsmiðstöðvarinnar.

Ozon mun einnig sjá um veitingasölu í hléi. Athugið að enginn posi verður á staðnum.

Ozon hvetur fólk til að mæta á þennan skemmtilega viðburð sem hentar allri fjölskyldunni og styttir biðina eftir jólunum.

Gleðileg bingójól

Jólatrésnefndin minnir á hið árlega jólaball sem haldið verður annan í jólum í Félagsheimilinu á Hólmavík. Skemmtunin hefst kl. 14:00 og eru allir íbúar á Ströndum og nærsveitum hjartanlega velkomnir! Boðið verður upp á ekta íslenska jólaballastemningu með skemmtilegum jólalögum undir stjórn Barböru Guðbjartsdóttur, dansað verður í kringum jólatréð og vonandi sjá jólasveinar sér fært að kíkja í heimsókn – jafnvel með eitthvað góðgæti í poka. Verð er 500kr á barn.

 

Ágætu íbúar Strandabyggðar. 

Ég vil upplýsa ykkur um það að ég verð í veikindaleyfi frá og með 12. desember. Taka þarf úr mér legið vegna hnúta sem hafa fundist í því, allt góðkynja þó, og mun ég fara í aðgerð næstkomandi föstudag (á morgun ef veðurguðir leyfa). Í kjölfarið þarf ég að hafa hægt um mig í allt að 6 vikur og ætla Jói og börnin að hjúkra mér vel og töfra fram jólin í Mosfellsbænum að þessu sinni. Jón Gísli og Salbjörg munu sinna öllum brýnum verkefnum sveitarstjóra í fjarveru minni en svo tek ég upp þráðinn þegar ég mæti galvösk til vinnu á nýju ári.

...
Meira