Flughálka er nú á vegum í dreifbýli í Strandabyggð samkvæmt korti Vegagerðarinnar. Þá er mikil hálka innanbæjar á Hólmavík. Starfsmenn Áhaldahúss vinna nú hörðum höndum að hálkuvörnum í bænum og forgangsraða fjölförnum og erfiðum svæðum. Eru bæði gangandi og akandi vegfarendur á Ströndum hvattir til að fara varlega. Áhugasömum er bent á að mannbroddar fást nú í Kaupfélagi Steingrímsfjarðar á Hólmavík sem geta komið sér vel við þessar aðstæður þar sem flughálir blettir leynast víða.

Leikskólinn Lækjarbrekka auglýsir eftir leikskólakennara/leiðbeinanda í 62,5% starf og er vinnutíminn 8:00-13:00....
Meira

Skrifstofa Strandabyggðar verður lokuð á hefðbundnum frídögum yfir jólin (jóladag, annan í jólum og nýársdag), auk þess sem lokað verður aðfangadag og gamlársdag.

Opið verður á hefðbundnum opnunartíma kl. 10:00-14:00 dagana 27. og 28. desember. Sveitarstjóri, félagsmálastjóri og tómstundafulltrúi verða ekki við á skrifstofunni þessa daga. Félagsmálastjóri verður við alla fyrstu vikuna á nýju ári, þ.e. 2.-4. janúar frá kl. 8:00-16:00.

Opnunartímar hjá Íþróttamiðstöðinni á Hólmavík verða eftirfarandi um hátíðirnar: 

Þorláksmessa - lokað
Aðfangadagur - opið 10:00-12:00
Jóladagur - lokað
Annar í jólum - opið 15:00-18:00
30. desember - lokað
Gamlársdagur - opið 10:00-12:00
Nýársdagur - lokað

Aðra daga verður hefðbundinn opnunartími í gildi.