Hamingjudagar á Hólmavík hefjast í næstu viku og vefsíða Strandabyggðar er komin í hátíðarskap eins og sjá má á nýjum lit sem rekja má til heimasíðu Hamingjudaga, www.hamingjudagar.is. Íbúar eru farnir að huga að skreytingum og dagskrá hátíðarinnar verður birt miðvikudaginn 20. júní. Fjölmörg flott dagskráratriði hafa veirð kynnt til leiks nú þegar, m.a. töfrasýning í Félagsheimilinu, tónleikar með KK, dansleikur með Hvanndalsbræðrum, gokart-braut, Furðuleikar Sauðfjársetursins og margt annað.

Nú á næstu dögum er vert að fylgjast vel með vef Hamingjudaga, smella einu "læki" á fésbókarsíðu hennar og taka fullan þátt í hátíðinni sem mun einkennast af blíðuveðri og sólskini ef allt gengur eftir. Verið velkomin á Hamingjudaga 2012!

Tómstunda-, íþrótta- og menningarmálanefnd Strandabyggðar auglýsir eftir tilnefningum til Menningarverðlauna Strandabyggðar, en þau verða veitt á Hamingjudögum. Þetta er í þriðja skiptið sem verðlaunin og verðlaunagripurinn Lóan verða veitt, en áður hafa Grunnskólinn á Hólmavík og Þjóðfræðistofa á Ströndum hlotið þau.

Verðlaunin eru veitt árlega til einstaklings, félags, stofnunar, fyrirtækis eða hóps fyrir eftirtektarvert framtak á sviði lista og menningar í sveitarfélaginu á liðnu ári.
 
Tilnefningum má skila á skrifstofu Strandabyggðar eða á netfangið skrifstofa@strandabyggd.is til miðnættis föstudaginn 22. júní. Tómstunda-, íþrótta- og menningarmálanefnd skipar dómnefnd sem velur úr innsendum tillögum.

Gísli Gunnlaugsson byggingarfulltrúi er með opinn viðtalstíma á 2. hæð í Þróunarsetrinu í dag milli kl. 13:00 - 15:00. 

Fundur verður hjá Umhverfis- og skipulagsnefnd kl. 16:00 í dag.

Alls sóttu 29 um starf sveitarstjóra í Strandabyggð, en umsóknarfrestur rann út í gær. Umsækjendur eru með fjölbreytta reynslu og menntun, en í hópnum eru 6 konur og 23 karlar. Hagvangur sér um að vinna úr umsóknum ásamt Strandabyggð.

Andrea K. Jónsdóttir
Arnar Snæberg Jónsson
Ágúst Bjarni Garðarsson
Árni Guðmundur Guðmundsson
Bergvin Oddson
Birgir Guðmundsson
Birgir Júlíus Sigursteinsson
Björg Sigurðardóttir
Björk Sigurgeirsdóttir
Bryndís Bjarnarson
Dagbjört Hildur Torfadóttir
Elías Pétursson
Heimir Gunnarsson
Hjörtur Narfason
Indriði Jósafatsson
Inga Rut Hjaltadóttir
Ingimundur Einar Grétarsson
Kristján Albert Jóhannesson
Kristján Eiríksson
Magnús Sigurðsson
Ófeigur Friðriksson
Páll Ólafson
Pjetur Stefánsson
Rúnar Fossádal Árnason
Rögnvaldur Johnsen
Sigurjón Haraldsson
Svafar Jósefsson
Sveinn Óskar Sigurðsson
Þór Jónsson

Fundur verður haldinn í Umhverfis- og skipulagsnefnd fimmtudaginn 14. júní kl. 16:00. Frekari upplýsingar veitir Gísli Gunnlaugsson byggingarfulltrúa í netfang gisli@tvest.is. Einnig er hægt að hafa samband við Gísla í síma 892 3952.