Frá og með 1. febrúar tekur í gildi breyttur opnunartími í Íþróttamiðstöðinni á Hólmavík. Um er að ræða styttingu á opnunartímum á föstudögum og laugardögum. Við ákvörðunartöku varðandi opnunartímann var tekið mið af aðsókn í Íþróttamiðstöðina undanfarna vetur. Opnunartíminn verður sem hér segir:

 Vetraropnun

Sundlaug og gufubað
Mánudaga til fimmtudaga ................kl. 18:00 - 21:00
Föstudaga ..................................lokað
Laugardaga ................................kl. 14:00 - 19:00 - NÝR OPNUNARTÍMI FRÁ 1. FEBRÚAR 2011: 15:00 - 18:00

Þreksalur
Mánudaga til fimmtudaga ................kl. 10:00 - 21:00
Föstudaga ..................................kl. 10:00 - 17:00  NÝR OPNUNARTÍMI FRÁ 1. FEBRÚAR 2011: 10:00 - 14:00
Laugardaga ................................kl. 14:00 - 19:00  NÝR OPNUNARTÍMI FRÁ 1. FEBRÚAR 2011: 15:00 - 18:00


Heitur pottur opinn á ofanskráðum tímum.

Til ákvörðunar hvort forsvaranlegt sé að hafa sundlaugina opna vegna kælingar er meðfylgjandi tafla notuð til hliðsjónar:(Smelltu hér til að sjá viðmiðunartöflu vindkælingar)

Taflan sýnir áhrif vinds til kælingar og ef t.d. vindur er 5 metrar á sekúndu (m/s) og lofthiti -5°C þá er kæling á við -14°C í logni. Ef vindur er 8 m/s og lofthiti við frostmark er kælingin -14°C o.s.fr.

Sjálvirk veðurstöð er við sundlaugina og hún notuð við áhvörðun starfsmanna um opnun sundlaugar en pottur er opin eftir sem áður og gufubað ef við á.

Sveitarfélagið Strandabyggð stendur frammi fyrir þeim lúxusvanda að hér vantar bæði húsnæði og fleiri leikskólapláss. Þessa dagana er verið að standsetja íbúð í gamla skrifstofuhúsnæði sveitarfélagsins að Hafnarbraut 19 sem fer í útleigu um helgina. Á sveitarstjórnarfundi þann 12. janúar s.l. var samþykkt erindi frá fasteignafélaginu Hornsteinum um viðræður við sveitarfélagið um mögulega aðkomu þess að byggingu íbúðarhúsnæðis á Hólmavík.

Vegna plássleysis í leikskólanum Lækjarbrekku fékk starfsfólk skólans þá góðu hugmynd að fjárfesta í borðum sem hægt er að fella upp að vegg þegar þau eru ekki í notkun. Með borðunum skapast aukið leikrými á Dvergakoti þar sem yngstu íbúar Strandabyggðar una sér í leik og starfi.

Vegna lítillar eftirspurnar eftir vistun í Skólaskjólinu á föstudögum hefur verið ákveðið að fella þjónustuna niður þá daga fram á vor. Aðeins 1 barn er skráð í fulla vistun á föstudögum. Breytingin tekur gildi 1. febrúar n.k.

Lagt hefur verið fram frumvarp að fjárhagsáætlun Strandabyggðar fyrir árið 2011 og er áætluð rekstrarniðurstaða neikvæð um rúmar 15 milljónir króna. Frumvarpið endurspeglar harðnandi rekstrarumhverfi og lækkandi tekjur sveitarfélagsins. Munar þar mestu um lækkandi framlög Jöfnunarsjóðs. 

Þrátt fyrir þetta leggur sveitarfélagið Strandabyggð áherslu á þróun og uppbyggingu á þeirri þjónustu sem sveitarfélagið býður upp á til eflingar lífsgæða íbúa Strandabyggðar. Þannig vill sveitarfélagið standa vörð um grunnþjónustu og blómlegt mannlíf.

Samanlagðar tekjur A- og B- hluta sjóða sveitarfélagsins eru áætlaðar 360.683.000 kr. Samanlögð gjöld A- og B- hluta sjóða sveitarfélagsins eru áætluð 350.688.000 kr. Þegar aðalsjóður og B-hluta sjóðir sveitarfélagsins eru teknir saman í samstæðureikning er því gert ráð fyrir tæpum 10 milljónum í hagnað. Þegar fjármagnsgjöld eru dregin frá er rekstrarniðurstaðan hins vegar áætluð -15.190.000 kr.

Unnið verður að frekari hagræðingu í rekstri allra stofnana sveitarfélagsins fram á vor, en samkvæmt frumvarpinu er gert ráð fyrir að endurskoðun fjárhagsáætlunar fari fram þá. 

Greinargerð, sjá hér.
Áætlaður rekstrarreikningur, sjá hér.
Áætlaður efnahagsreikningur, sjá hér.
Áætlað sjóðsstreymi, sjá hér.
Áætlað rekstraryfirlit, sjá hér.

Skrifstofa Strandabyggðar er flutt að Höfðagötu 3, 2. hæð. Gengið er inn um aðalinngang að Þróunarsetrinu. Net- og símasamband er komið á og starfsemin að falla í réttar skorður. Beðist er velvirðingar á ónæðinu sem flutningarnir hafa haft í för með sér.

Opnunartími skrifstofunnar er óbreyttur, en opið er frá kl. 9:30 - 15:00.

Myndir frá flutningunum má sjá á facebook-síðu sveitarfélagsins Strandabyggðar, sjá hér.