Vegna verðurspár höfum við breytt ýmsu á dagskrá Hamingjudaga í ár, fært til og aðlagað þannig að við getum haldið í gleðina úti og inni eftir því sem veður leyfir.

Ný dagskrárblöð hafa verið hengd upp á fjölförnum stöðum en auk þess má finna dagskránna á Facebook, Instagram og á heimasíðu Hamingjudaga.

Dagskrá Hamingjudaga hefur verið birt með fyrirvara um breytingar. Hún birtist á ensku eftir helgina.

Ef þitt framlag vantar á dagskránna er velkomið að hafa samband.

Fylgist vel með á hamingjudagar.is, Facebook síðu Hamingjudaga og instagram Strandabyggd

NETnótan, uppskeruhátíð tónlistarskóla 2021, verður sýnd í þremur þáttum á N4 í júní. Tónlistarskólar sendu inn myndbönd úr skólastarfinu sem N4 fléttuðu saman í skemmtilega þætti.

Myndbönd hvers skóla, í heild sinni, verða birt á vefsíðu KÍ og FB síðu Nótunnar á sama tíma og viðkomandi sjónvarpsþáttur verður sýndur. Þegar allir þættirnir hafa verið sýndir verða svo öll myndböndin einnig aðgengileg í N4 safninu á sjónvarpi símans. 

Þegar myndband Tónskólans á Hólmavík hefur birst verður það einnig aðgengilegt á Youtube síðu skólans.

Í gær var ársreikningur sveitarfélagsins samþykktur á fundi sveitarstjórnar.  Rekstrarniðurstaða sveitarfélagsins samkvæmt samanteknum ársreikningi A og B hluta var neikvæð um 44.5 millj. kr. en í A hluta var rekstrarniðurstaðan neikvæð um 36.7 millj. kr. Skuldir og skuldbindingar A og B hluta nema 828.5 millj. kr. skv. efnahagsreikningi. Veltufé til rekstrar nemur 5,1 millj. kr. og er veltufjárhlutfall 0,54. Eigið fé sveitarfélagsins í árslok 2020 nam 246.4 millj. kr. samkvæmt efnahagsreikningi, en eigið fé A hluta nam 334.6 millj. kr.

Ársreikningurinn var samþykktur samhljóða. Sveitarstjórn heldur áfram aðgerðum til að efla aðhald í rekstri og bæta fjárhagsstöðu sveitarfélagsins til lengri tíma. Verður unnið að þeim breytingum í samráði við Ráðrík ehf, forstöðumenn og starfsmenn sveitarfélagsins.

Ársreikninginn má finna hér

Frestur til að tilnefna til Lóunnar, menningarverðlauna Strandabyggðar hefur verið framlengdur til hádegis mánudaginn 14. júní.
Tilnefningar berist til tómstundafulltrúa Strandabyggðar til dæmis í tölvupósti tomstundafulltrui@strandabyggd.is
Nánar um málið hér.