Á degi barnsins var úthlutað í annað sinn úr Barnamenningarsjóði sem er átaksverkefni að efla barnamenningu á Íslandi og var stofnaður í tilefni aldarafmælis fullveldis Íslands. Galdrasýningin fékk styrk að upphæð 1,3 milljón í Galdraskólann: viltu kynnast göldrunum innra með þér? Þetta er samstarfsverkefnið við grunnskólana á Hólmavík, Drangsnesi og Reykhólum auk fræði- og listamanna. Þetta er í annað sinn sem Galdrasýningin fær úthlutun úr sjóðnum en í fyrra var sýningunni úthlutað styrkur í verkefnið Galdrar og þjóðtrú á Ströndum, sem var átaksverkefni í að fræða grunnskólabörn í Strandasýslu um þennan merka menningararf okkar.  https://www.rannis.is/frettir/barnamenningarsjodur-islands-uthlutun-2020

 

Boðið verður upp á tvö sumarnámskeið í samstarfi Strandabyggðar, Náttúrubarnaskólans og Henrike Stuehff.

Námskeiðin eru fyrir grunnskólanemendur, 6-12 ára, í boði eru hálfir/heilir dagar.

Vika 1 (8.-12.júní): Fjölbreytt dagskrá - fjara, tilraunir, bréfaskrift til eldri borgara ofl. fyrir hádegi og Náttúrubarnaskóli eftir hádegi.

Vika 2 (15.-19.júní): Útivistarnámskeið - ganga, hjól,  ofl. fyrir hádegi og Náttúrubarnaskóli eftir hádegi.

Umsjónaraðili á Hólmavík verður Halldóra Halldórsdóttir og eru námskeiðin frá kl.8.30 - 12.30.

Í Náttúrubarnaskólanum verður lögð áhersla á leiki, útivist, náttúrutúlkun og fjör! Um námskeiðin sér Guðlaug Guðmunda Ingibjörg Bergsveinsdóttir ásamt Dagrúnu Ósk Jónsdóttur.

Námskeiðin fara fram við/í Félagsheimilið á Hólmavík og  Náttúrubarnaskólann í Sævangi, en þangað verður boðið uppá skólabíl.

Verð:
Fyrir börn sem eiga foreldri með lögheimili í Strandabyggð:
Fyrri vika (5 dagar): 15.000 kr hálfur dagur og 20.000 kr.  allur dagurinn.
Seinni vika (4 dagar): 13.000 kr hálfur dagur og 18.000 kr allur dagurinn.

Fyrir börn sem ekki eiga foreldri með lögheimili í Strandabyggð:
Fyrri vika (5 dagar): 19.000 kr hálfur dagur og 24.000 kr allur dagurinn.
Seinni vika (4 dagar): 17.000 kr hálfur dagur og 22.000 kr allur dagurinn.

Innifalið er kennsla, gögn, ávaxtastund fyrir hádegi, kaffitími eftir hádegi og akstur í Náttúrubarnaskólann. Boðið er upp á 20% systkinaafslátt.
Sundnámskeið 2.-12.júní fyrir 3 – 6 ára nemendur leikskólans.

Henrike Stuehff bíður uppá sundnámskeið fyrir 3 – 6 ára leikskólanemendur, námskeiðið mun vera dagana
2. – 12.júní og byrja kl.9.00 – 9.30  á morgnanna. Verð á sundnámskeið er 7500.- og greiðist hjá Henrike. Nauðsynlegt er að annað foreldrið sé með í lauginni.

Skráning á námskeiðin fer fram hér, https://forms.gle/XC9jyeN1QrPLdmTy6 og stendur til 2.júní 2020

 

Auka fundur nr. 1304, í sveitarstjórn Strandabyggðar verður haldinn þriðjudaginn 19. maí 2020 kl 16:00 í Hnyðju.

 

Fundardagskrá er svohljóðandi:

1. Ársreikningur 2019- fyrri umræða
2. Framkvæmdaáætlun 2020, endurskoðun
3. KPMG – Viðbrögð Strandabyggðar við Covid-19
4. Hitaveituáform - TRÚNAÐARMÁL
5. Fundargerð Atvinnu-, dreifbýlis- og hafnarnefndar, 18.05.20
6. Fundargerð Ungmennaráðs frá 11.05.20
7. Aðalskipulag Strandabyggðar – skipan í verkefnisstjórn
8. Húsnæðisverkefni Strandabyggðar, staðfesting á umsókn til HMS
9. Matvælastofnun – umsögn Strandabyggðar vegna fjarlægðar milli þessa tveggja eldissvæða í Skötufirði
10. Vestfjarðastofa, fundargerð nr. 26, frá 07.05.20
11. Vestfjarðastofa – ársreikningur 2019
12. Samband íslenskra sveitarfélaga – stjórnarfundur 883, frá 08.05.20
13. Samband íslenskra sveitarfélaga – stuðningur við fráveituframkvæmdir
14. Hafnarsamband Íslands, fundur nr. 422, frá 27.04.20.

 

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Aðalbjörg Signý Sigurvaldadóttir

Ásta Þórisdóttir

Eiríkur Valdimarsson

Guðfinna Lára Hávarðardóttir

 

Kæru íbúar Strandabyggðar,

Eins og þið vitið, hefur verið unnið að umhverfisátaki í Strandabyggð frá því haustið 2018.  Mjög góður árangur náðist í fyrra og er þar fyrst og fremst að þakka góðri samvinnu við íbúa.  Tugir bíla voru fjarlægðir auk þess sem Sorpsamlagið tók við miklu magni af drasli til förgunar.

Sveitarstjórn samþykkti síðan gerð bílastæðis á Skeiði sem er ætlað stærri vinnuvélum og farartækjum, sem eru í gangfæru og löglegu ástandi.  Verður þetta bílastæði tekið í notkun á næstunni og kynnt sérstaklega þegar þar að kemur.

Framundan er heimsókn Heilbrigðiseftirlits Vestfjarða í byrjun júní og eins og staðan er í dag, má búast við að einhverjir númerslausir bílar fái límmiða.  Þeir sem þekkja ferlið, vita að frá því límmiði er settur á bíl, hefur eigandinn tvær vikur til að fjarlægja bílinn eða hafa samband við sveitarfélagið og ræða aðrar lausnir. 

Ég hvet alla sem eru í þeirri stöðu að eiga númerslausar bifreiðar að gera ráðstafanir og/eða hafa samband við okkur, þannig að við getum farið yfir stöðuna.  Samvinna í þessu sem og öðru, er lykillinn að árangri.

Kveðja

Þorgeir Pálsson
Sveitarstjóri Strandabyggðar

Sæl öll,

Öllum verður okkur á að gleyma að taka til eftir okkur af og til. Hér virðist sem einhver hafi gleymt brettum, brúsa og hellusteini.  Viðkomandi er vinsamlegast beðin(n) að fjarlægja þetta sem fyrst, þannig að þessi fallegi stoppustaður við höfnina verði áfram fallegur.

Kveðja
Þorgeir Pálsson
Sveitarstjóri Strandabyggðar