Strandabyggð, Kaldrananeshreppur og Árneshreppur tóku ákvörðun um það fyrir nokkrum árum að sameina almannavarnarnefndir sveitarfélaganna í eina almannavarnaefnd.  Rætt hefur verið um að bæta almannavarnarnefnd Reykhóla við þessa sameiginlegu nefnd og er vilji fyrir því.  Sem betur fer er sjaldgæft að þessar nefndir séu virkjaðar, en þær þurfa engu að síður að vera til.

 

Samkvæmt lögum um almannavarnir nr. 82/2008, eu hlutverk þeirra eftirfarandi, samkvæmt gr.10:

• Almannavarnanefndir móta stefnu og skipuleggja starf sitt að almannavörnum í héraði í samræmi við lög þessi.
• Í umdæmum sínum vinna almannavarnanefndir að gerð hættumats og viðbragðsáætlana, í samvinnu við ríkislögreglustjóra, sbr. 16. gr.
• Almannavarnanefndir skulu endurskoða hættumat og framkvæma prófanir á viðbragðsáætlunum í samvinnu við ríkislögreglustjóra.

 

Í lögunum segir einnig um aðgerða- og vettvangsstjórn í héraði:

• 11. gr. Stjórn aðgerða í héraði þegar almannavarnaástand ríkir er í höndum lögreglustjóra í viðkomandi lögregluumdæmi. Hann situr í aðgerðastjórn ásamt fulltrúa almannavarnanefndar, fulltrúa Slysavarnafélagsins Landsbjargar, fulltrúa Rauða kross Íslands, hlutaðeigandi viðbragðsaðila, sbr. viðbragðsáætlun, svo og öðrum hlutaðeigandi aðilum sem tengjast aðgerðum hverju sinni. Aðgerðastjórn starfar í samvinnu við samhæfingar- og stjórnstöð. Í stjórn aðgerða felst m.a. skipulag björgunar- og hjálparstarfa vegna hættu eða tjóns sem getur eða hefur skapast og að stýra neyðaraðgerðum í samvinnu við samhæfingar- og stjórnstöð, sbr. 12. gr.
• 12. gr. Lögreglustjóri tilnefnir vettvangsstjóra er fari með stjórn og samhæfingu á vettvangi.

 

Almannavarnarnefndin hefur bakland sitt í Aðgerðarstjórn á Ísafirði.

 

Í ljósi aðstæðna í samfélaginu er mikilvægt að tilvist þessarar nefndar sé skýr og að hún sé tilbúin til starfa ef þörf krefur.  Fulltrúi Strandabyggðar í nefndinni er Jón Gísli Jónsson, oddviti Strandabyggðar.

Samkvæmt tilkynningu frá heilbrigðisráðherra um hertar aðgerðir vegna samkomubanns skal loka öllum söfnum á tímabilinu 24. mars - 12. apríl.

Bókasafnið er þess vegna ekki opið eins og venjulega, en það voru að koma nokkrar nýjar bækur og ef ykkur langar að glugga í einhverja góða bók, sendið þá skilaboð á facebook og Svanur Kristjánsson bókavörður leitast við að koma bókinni til ykkar, innan Hólmavíkur.

Hafsjór af hugmyndum - Hólmadrangur

Nýsköpunarkeppnin Hafsjór af hugmyndum er spennandi tækifæri fyrir frumkvöðla til að vinna að nýjum hugmyndum sem efla Vestfirskan sjávarútveg.

Kíktu á skemmtilegt myndband frá Hólmadrangi

https://www.facebook.com/vestfjardastofa

Kæru íbúar Strandabyggðar,

Eins og þið sjálfsagt vitið sem fylgist náið með fréttum af aðgerðum yfirvalda, hafa aðgerðir nú verið hertar til að sporna enn frekar við útbreiðslu Covid-19 veirunnar.  Við aðlögum okkur að þeim aðgerðum en mótum einnig okkar eigin í ljósi aðstæðna hér.

 

Frá og með hádegi í dag, 23. mars 2020, er lokað fyrir aðgang að íþróttamiðstöðinni og sundlauginni um óákveðinn tíma, eða þar til breytingar verða á aðgerðum yfirvalda

Nú eru skrýtnir og fordæmalausir tíma í okkar samfélagi og það reynir á okkur öll á einhvern hátt.  Samstaða og samvinna íbúa er mikilvæg nú sem aldrei fyrr og  því hafa  Strandabyggð, Rauði Krossinn og sóknarprestur, í sameiningu ákveðið að útbúa lista yfir sjálfboðaliða sem gætu hugsað sér að aðstoða íbúa Strandabyggðar sem eiga erfitt  eða þurfa aðstoð í daglegu lífi.  Hér sjáum við fyrir okkur aðstoð við að fara í búð fyrir þá sem eiga ekki heimangengt, aðstoð varðandi ferðir á pósthús eða aðrar útréttingar, eða bara símtal og spjall, sáluhjálp eða annar stuðningur.

Við leitum að sjálfboðliðum í þessi verkefni.  Ef þú vilt hjálpa, hafðu þá samband við skrifstofu Strandabyggðar í síma 451-3510 eða í síma sóknarprests, Sigríðar Óladóttur; 862-3517 og látið skrá ykkur á listann.  Skrifstofa Strandabyggðar mun halda utan um listann og hafa samband ef aðstoðar er þörf.

Stöndum saman á þessum skrýtnu tímum.  Það auðveldar okkur lífið.