Gengið hefur verið frá ráðningu í 10% stöðugildi við félagsmiðstöðina Ozon.  Það er Ágúst Þormar Jónsson, sem mun sinna því starfi fram til vors. Ágúst, sem er starfsmaður Grunnskólans á Hólmavík, þekkir þennan málaflokk vel, bæði í gegnum starf sitt við Grunnskólann og einnig sem starfsmaður Íþróttamiðstöðvarinnar á sínum tíma.  

Við bjóðum Ágúst velkomin  til starfa í Ozon!

Samráðsfundur bænda í Strandabyggð.

 

Atvinnu-, dreifbýlis- og hafnarnefnd Strandabyggðar boðar hér með til fundar í Sævangi, föstudaginn 8. febrúar n.k.  kl 14:00 – 15.30. 

 

Fundarefni: 

1. Fjallskil 2019, skipulag og framkvæmd
2. Önnur mál.

 
Kaffi og meðlæti.

Vinsamlegast staðfestið þátttöku hjá Þorgeiri í síma 899-0020 eða með pósti á thorgeir@strandabyggd.is sem fyrst.

Íþróttahátíð Grunnskólans á Hólmavík var haldin í gær í íþróttamiðstöðinni.  Hátíðin var vel sótt og komu þar margir foreldrar með sínum börnum og reyndu sig í keppni í hinum ólíklegustu íþróttagreinum.  Stemningin var góð og þessi hátíð sýndi enn og aftur hversu mikilvægt það er að foreldrar komið með krökkunum og tekið þátt. 

 

Íþróttamaður ársins

Á íþróttahátíðinni var tilkynnt um kjör Íþróttamans ársins 2019 og er það Birkir Stefánsson, hlaupari og skíðagarpur með meiru.

...
Meira

Staða deildarstarfsmanns

Leikskólinn Lækjarbrekka auglýsir eftir starfsmanni á deild í 100% stöðu. Leitað er eftir leikskólakennara, uppeldismenntuðu fólki eða fólki með reynslu af starfi með börnum. Vinnutíminn er 8:00-16:00. Viðkomandi þarf að geta hafið störf sem fyrst.

 

...
Meira

Kæru íbúar Strandabyggðar,

 

Eins og þið vitið, er umhverfisátak í Strandabyggð eitt af megin áhersluatriðum þessarar sveitarstjórnar.  Umhverfisátakið hófst í raun fyrir Jól, með því að grjót var fjarlægt af Borgabrautinni.  Nú ætlum við að ýta af stað undirbúningi fyrir tiltekt á Skeiðinu.  Það er stórt verkefni sem mun taka okkur talsverðan tíma.  Við byrjum hins vegar á því að kalla saman alla rekstraraðila á Skeiðinu á næstu dögum og hefja undibúning framkvæmda.  Þetta verður auglýst nánar fljótlega.

 

Við ætlum okkur að gera Strandabyggð fallegra og vistvænna samfélag og til þess þurfum við stuðning og samtakamátt allra.