Kvennakórinn Norðurljós heldur sína árlegu vortónleika í Hólmavíkurkirkju kl. 14.00 þriðjudaginn 1. maí. Á dagskránni eru ýmis dægurlög, allt frá gömlum góðum uppáhaldslögum að eldhressum eurovisionslögurum.  Að venju er boðið upp á kaffihlaðborð í Félagsheimilinu á Hólmavík að tónleikum loknum. Stjórnandi er Sigríður Óladóttir og undirleik annast Viðar Guðmundsson, Gunnlaugur Bjarnason og Guðmundur Jóhannson. Aðgangseyrir er kr. 3000 fyrir 14 ára og eldri, 1500 f. 6-13 ára en frítt fyrir leikskólaaldur. Ekki er tekið við kortagreiðslum. 

Bingó verður haldið í félagsheimilinu á Hólmavík sunnudaginn 29. apríl 2018 og hefst kl. 14.00.  Aðgangseyrir er kr. 1.700 fyrir kort, kaffi og kökur.  Aukaspjöld eru seld á kr. 600.  Góðir vinningar í boði og lukkupokar til sölu á kr. 400.-  Ekki er posi á staðnum.  Allir velkomnir!

...
Meira

Björgunarsveitin Dagrenning er að byrja starf fyrir ungliða 13-18 ára hér eru upplýsingar frá þeim:

Sælir kæru foreldrar

Þriðjudaginn 24. apríl mun starf unglingasveitarinnar Sigfúsar hefjast.

Vinnukvöld verður annan hvern þriðjudag frá klukkan 20:30-21:30.

Unglingarnir fengu með sér heim í dag leyfisbréf sem mikilvægt er að þau mæti með útfyllt fyrsta vinnukvöldið sem þau mæta á.
Ef þið hafið einhverjar spurningar er ykkur velkomið að hafa samband við okkur í gegnum

bjorkingvars90@gmail.com eða johannarosmunds@gmail.com

Kær kveðja

Björk og Jóhanna

Svæðisskipulagsnefnd Dalabyggðar, Reykhólahrepps og Strandabyggðar samþykkti þann 26. mars 2018 tillögu að svæðisskipulagi sveitarfélaganna ásamt umhverfisskýrslu, sbr. 25. gr. skipulagslaga og 9. gr. laga um umhverfismat áætlana. Í svæðisskipulagstillögunni er sett fram sameiginleg framtíðarsýn sveitarfélaganna á þróun landbúnaðar, sjávarnytja og ferðaþjónustu í þeim tilgangi að styrkja atvinnulíf og byggð. Greind eru tækifæri sem búa í auðlindum og sérkennum svæðisins og á grunni þess sett fram stefna í atvinnumálum, samfélagsmálum og umhverfismálum og síðan skipulagsstefna sem styður við hana....
Meira