Tómstunda-, íþrótta- og menningarmálanefnd Strandabyggðar auglýsir eftir tilnefningum til Menningarverðlauna Strandabyggðar.

Í ár verður Lóan, menningarverðlaun Strandabyggðar, veitt í fimmtánda skiptið. Verðlaunin eru veitt árlega til einstaklings, félags, stofnunar, fyrirtækis eða hóps fyrir eftirtektarvert framtak á sviði lista og menningar í sveitarfélaginu á liðnu ári ásamt því að stundum eru veitt hvatningarverðlaun til frekari starfa í menningarmálum.

Tilnefningum ásamt rökstuðningi, má skila á skrifstofu Strandabyggðar eða á netfangið strandabyggd@strandabyggd.is til miðnættis fimmtudaginn 30. maí.

Tómstunda-, íþrótta- og menningarnefnd skipar dómnefnd sem velur úr innsendum tillögum.

Kæru íbúar Strandabyggðar,

Nú fara drög að endurgerðu Aðalskipulagi Strandabyggðar að líta dagsins ljós.  Stórt og sérlega mikilvægt verkefni þar, er uppbygging íbúðakjarna í Brandskjólum.  Í aðalskipulaginu kemur fram, að „gert sé ráð fyrir lágreistri byggð á einni hæð með fjölbreyttum húsagerðum, þ.e. einbýli, par- og raðhús á einni hæð“. Um er að ræða allt að 35 íbúðir.  Þarna gerum við líka ráð fyrir að í framtíðinni geti risið þjónustukjarni fyrir aldraða.

Enginn efast um mikilvægi þess að auka framboð íbúða í Strtandabyggð.  Uppbygging í Brandskjólum, mætir þeirri eftirspurn til lengri tíma litið.

Kveðja

Þorgeir Pálsson

oddviti

Kæru íbúar Strandabyggðar,

 

Frá og með morgundeginum, laugardeginum 4. maí, verður sundlaugin opin að nýju.  Eftir að ákveðið var að sundkennsla grunnskólans yrði hér á Hólmavík en ekki í Bjarnarfirði, hefur laugin verið hituð upp og nú er allt að verða tilbúið fyrir notkun.  

Við hvetjum íbúa til að skella sér í sund um helgina.

Kveðja
Starfsfólk íþróttamiðstöðvarinnar

Skúli Hakim Thoroddsen staðgengill sýslumannsins á Vestfjörðum verður til viðtals á sýsluskrifstofunni á Hólmavík mánudaginn 6. maí n.k.