Könnun v. Sorpmála
Salbjörg Engilbertsdóttir | 14. mars 2024
Minnum á að frestur til að svara könnuninni rennur út í kvöld og hvetjum íbúa til að svara.https://forms.office.com/Pages/ResponsePage.aspx...
Til áréttingar viljum við taka fram að það samræmist ekki lögum að hafa eina tunnu við hvert hús og því þarf að breyta í fjögurra flokka kerfi eins og er víðast hvar, eða tunnukerfi/botnlangastöð á nærliggjandi lóð þar sem verður fjögurra flokka kerfi með fyrir almennt heimilissorp, plast, pappa og fl.
Áfram verður stöð út á Skeiði en um leið og hægt er, verður svæðið girt af og eingöngu tekið við flokkun á opnunartíma stöðvarinnar. Jafnframt verður þá byrjað að vigta það sem skilað verður á stöðina og greitt eins og hent er.
Kostnaður við fjögurra flokka kerfið við hverja íbúð verður alltaf kostnaðarsamari fyrir íbúa og mun hækka sorpgjöld.
Því betur sem við vöndum flokkun og veljum ódýrari lausnir því lægri verður kostnaður fyrir íbúa. Það er einfaldlega ekki í boði lengur að setja allt í sömu tunnuna. En í stað þess að vigta tunnur frá hverju og einu heimili viljum við fara þá leið í sorpmálum að hafa val um tunnur við heimili eða botnlangastöð/tunnur á nærliggjandi lóðum.
Frekari upplýsingar í síma 451-3510
