Leikhópurinn Lotta kemur til okkar á Hólmavík laugardaginn 1. júní kl 18:00 og hlakkar mikið til!

Sýningin fer fram á Braggatúni og er miðverð 3700 kr á mann, frítt fyrir 2ja ára og yngri.

Síðan heimsfaraldur skall á, hefur Leikhópurinn Lotta ekki sett upp splunkunýtt verk eins og öll starfsár fram að því. Það er því fagnaðarefni að í ár taka þau upp þráðinn á ný og bjóða upp á risastóra gleðibombu í glænýjum íslenskum söngleik - Bangsímon. Flestir kannast við vinalega bangsann hann Bangsimon, vini hans Gríslinginn, Kaniku, Eyrnaslapa og Ugluna svo þau þarf vart að kynna. Í höndum Lottu hefur þessum sögum verið gefið nýtt líf og lifna persónurnar nú loksins við frammi fyrir augunum á okkur. Eins og Lottu er von að vísa eru 10 glæný íslensk lög í sýningunni, mikið af dönsum og heill hellingur af bröndurum, bæði fyrir börn og fullorðna.

Bangsímon er sýnd utandyra og því er um að gera að klæða sig eftir veðri, grípa með sér teppi að sitja á, nesti til að maula og myndavél til að taka myndir með persónunum eftir sýninguna. - Sýningin verður færð inn í íþróttahús ef veður verður vont. 

Sýningin er klukkutími að lengd og skipta fimm leikarar á milli sín öllum hlutverkum.
Höfundur verksins er Anna Bergljót Thorarensen en þetta er tólfta verkið sem hún semur fyrir hópinn, hún sér einnig um leikstjórn. Leikhópurinn er einnig aðdáendum Lottu að góðu kunnur en hann samanstendur af Andreu Ösp Karlsdóttur, Sigsteini Sigurbergssyni, Stefáni Benedikt Vilhelmssyni, Sumarliða V Snæland Ingimarssyni og Þórunni Lárusdóttur. 

Fundur nr. 1362 sem er aukafundur í sveitarstjórn Strandabyggðar verður haldinn þriðjudaginn 21. maí kl. 16.00 í Hnyðju, Höfðagötu 3, Hólmavík.

Fundardagskrá er svohljóðandi:

1. Ársreikningur 2023 seinni umræða og endurskoðunarskýrsla
2. Varúðarniðurfærsla skatt- og viðskiptakrafna og afskriftir v/2023
3. Staða bókhalds á fyrsta ársfjórðungi
4. Áskorun til Umhverfis- og samgöngunefndar Alþingis v.samgönguáætlunar, frh. frá fundi 1360
5. Innviðaráðuneyti, beiðni um áframhaldandi fjárstuðning frh. frá fundi 1361
6. Vegagerð ríkisins, umsókn um framkvæmdaleyfi og efnistöku á Ennishálsi

Gert er ráð fyrir að eftirtaldir sveitarstjórnarmenn sitji fundinn:

Þorgeir Pálsson
Sigríður Guðbjörg Jónsdóttir
Jón Sigmundsson
Matthías Sævar Lýðsson
Hlíf Hrólfsdóttir

Strandabyggð 17. maí
Þorgeir Pálsson oddviti

Vinnuskóli Strandabyggðar verður með breyttu sniði í sumar þar sem ekki hefur tekist að ráða umsjónaraðila nema hluta sumars. Reynt verður að bjóða sama tímafjölda á aldursár eins og áður.

Í boði verða eftirfarandi störf fyrir árganga 2011-2009:

Leikskóli, létt störf við gæslu undir umsjón deildarstjóra og skólastjóra - eingöngu í júní
Félagsþjónusta, létt störf við liðveislu barna td. á sumarnámskeiðum - eingöngu í júní
Áhaldahús, fjölbreytt störf við fegrun umhverfis og eigna - eingöngu 8.-31 júlí, umsjón verður í höndum Halldórs Smára Arnarsonar

Ungmennum fæddum árin 2007-2008 er bent á að sækja um starf í áhaldahúsi

Sækja má um störfin á slóðinni hér fyrir 21. maí

Tímafjöldi fyrir hvern árgang er þessi:

Fundur nr. 1361 í sveitarstjórn Strandabyggðar verður haldinn þriðjudaginn 14. maí kl. 16.00 í Hnyðju, Höfðagötu 3, Hólmavík.

Fundardagskrá er svohljóðandi:

1. Ársreikningur Strandabyggðar 2023, fyrri umræða
2. Stjórnsýsluskoðun Strandabyggðar 2023
3. Viðauki I 2024
4. Innviðaráðuneyti, svar við beiðni um áframhaldandi fjárstuðning
5. Aðalskipulag Strandabyggðar, vinnslutillaga 2021-2033
6. Málalykill Strandabyggðar 2024-2028
7. Niðurstaða Eflu úr sýnatöku í grunnskóla í apríl
8. Niðurstaða úr könnun vegna Sorpmála í Strandabyggð ásamt minnisblaði
9. Svæðisskipulag Vestfjarða, lýsing 2025-2050
10. Breytingar á nefndarskipan T-lista
11. Fyrirframgreiðslur reglur
12. Velferðarþjónusta Vestfjarða minnisblað um bakvaktir barnaverndar
13. Ungmennaráð fundargerð frá 23. apríl 2024
14. Umhverfis- og skipulagsnefnd fundargerð frá 7. maí 2024
15. Fræðslunefnd fundargerð frá 8. maí 2024
16. Sterkar Strandir fundargerð úthlutunarfundar frá 5. apríl 2024
17. Brothættar byggðir ársskýrsla 2023
18. Verkefni sveitarstjóra
19. Forstöðumannaskýrslur
20. Vestfjarðarstofa fundargerð nr. 60 frá 30. apríl 2024
21. Heilbrigðiseftirlit Vestfjarða fundargerð nr. 147 frá 18. apríl 2024 ásamt ársskýrslu
22. Samband sveitarfélaga fundargerð nr. 947 frá 19. Apríl 2024

Gert er ráð fyrir að eftirtaldir sveitarstjórnarmenn sitji fundinn:

Þorgeir Pálsson
Sigríður Guðbjörg Jónsdóttir
Jón Sigmundsson
Matthías Sævar Lýðsson
Hlíf Hrólfsdóttir

Strandabyggð 10. maí 2024 Þorgeir Pálsson oddviti

Kjörskrá liggur frammi til kynningar, í afgreiðslu Strandabyggðar að Hafnarbraut 25, fram að kjördegi.

Búið er að opna fyrir Hvar á ég að kjósa á vef Þjóðskrár. 

Ef kjósendur geta ekki kosið á kjördag er hægt að kjósa utan kjörfundar. Hægt er að kjósa fyrir kjördag m.a. hjá sýslumönnum og erlendis. 

Kosning á Íslandi – hjá sýslumanni

Kjósendur á Íslandi geta kosið hjá sýslumönnum og í sumum sveitarfélögum. Hér má sjá nánari upplýsingar um staðsetningu utankjörfundaratkvæðagreiðslu á vef sýslumanna. Á höfuðborgarsvæðinu er kosið í Holtagörðum.

Kosning erlendis
Kjósendur þurfa að hafa samband við sendiráð eða ræðismann í viðkomandi landi til að vita hvar og hvenær er hægt að kjósa. Sýna þarf skilríki, til dæmis ökuskírteini eða vegabréf, þegar kosið er. Hér má finna lista af íslenskum sendiráðum og ræðismönnum.Ef kjósandi er í vafa um hvar og hvernig eigi að kjósa erlendis er best að hafa samband við borgaraþjónustu utanríkisráðuneytisins í gegnum hjalp@utn.is eða í síma +354 5459900. Bréfið er síðan sent til sveitarfélagsins þar sem kjósandi var síðast á kjörskrá.

Ein kjördeild verður í Strandabyggð og verður kjörstaður í Hnyðju, Höfðagötu 3 á Hólmavík. Kjörfundur verður auglýstur síðar.

Formaður kjörstjórnar
Hrafnhildur Guðbjörnsdóttir