Starfsmaður óskast í búsetu hjá fatlaðri konu á Hólmavík frá 15. ágúst. Um er að ræða vaktavinnu. Laun samkvæmt kjarasamningi VerkVest. Um er að ræða krefjandi starf sem krefst þolinmæði og fagmennsku. Umsóknir berist til Maríu Játvarðardóttur félagsmálastjóra Höfðagötu 3 á Hólmavík sem einnig veitir nánari upplýsingar í síma 842-2511. Umsóknarfrestur er til 1. júní 2017.

Strandabyggð auglýsir eftir öflugu starfsfólki til fjölbreyttra starfa í sveitarfélaginu. Íbúar í Strandabyggð eru rétt innan við 500 og Hólmavík er þéttbýlisstaður sveitarfélagsins. Atvinnulífið er fjölbreytt og skólastarf öflugt. Félagsstarf í sveitarfélaginu er fjölbreytt og þar er hugað að því að allir aldurshópar fái notið sín til fullnustu. Góð aðstaða er til íþróttaiðkunar og menningarlíf er kraftmikið og fjörugt allt árið um kring....
Meira

Aðalfundur félags eldri borgara í Strandasýslu verður haldinn í Félagsheimilinu á Hólmavík kl. 14.00 miðvikudaginn 3. maí. Venjuleg aðalfundarstörf og nýir félagar boðnir velkomnir.  Við hvetjum alla 60 ára og eldri til að taka þátt í þessum skemmtilega félagsskap.

Vinnuskóli Strandabyggðar er metnaðarfullt tómstundastarf unnið í samstarfi tómstundafulltrúa, áhaldahúss, Náttúrubarnaskólans og ungmenna á svæðinu.

Í vinnuskólanum er unglingum skapað öruggt og gefandi starfsumhverfi þar sem ungmenni kynnast fjölbreyttum störfum, temja sér vinnusiðferði og marka sér stefnu fyrir framtíðina....
Meira

Uppbyggingarsjóður Vestfjarða býður íbúm í annað sinn á þessum vetri að sækja í sjóðinn. Á heimasíðu Fjórðungssambandsins er minnst á að umsóknir kunna að hafa verið misvel unnar þótt ýmsar góðar hugmyndir hafi borist. Því eru allir hvattir til að sækja um að nýju en að vanda vel til verksins og fá aðstoð atvinnuþróunarfulltrúa. Umsóknarfrestur er til miðnættis 7. maí 2017

...
Meira