Nú er skipulagning Hamingjudaga 2016 hafin.

Hamingjudagar á Hólmavík verða haldnir helgina 1-3 júlí 2016.

Markmið hátíðarinnar er að auka samheldni íbúa og gefa brottfluttum, sem og öðrum ferðamönum, tækifæri á að heimsækja staðinn og njóta þess sem vera ber. Hátíðin er mikilvæg fyrir samstöðu íbúa með því að fá þau til að vinna að sameiginlegu verkefni og auka og bæta samfélagið í heild sinni.

Ef þú, þínir eða vinir þínir viljið leggja eitthvað af mörkum, standa fyrir uppákomu, sýna listir ykkar, opna húsið ykkar eða hvað eina er mögulegt að setja sig í samband við Íris Ósk á netfangið tomstundafulltrui@strandabyggd.is.

Hamingjudagar eru hátið fólksins en megintilgangur hátíðarinnar er að sem flestir taki virkan þátt í hátíðinni og öðlist með þeim hætti aukna hamingju og hugarró og fyllist af gleði og kærleika.

Leikskólinn Lækjarbrekka auglýsir eftir leikskólakennara/leiðbeinanda í 50% starf. Vinnutíminn er 8:00-12:00. Starfsmaður þarf að geta hafið störf í lok apríl. Við leikskólann er unnið metnaðarfullt starf þar sem barnið er í brennidepli. Leitað er eftir öflugu starfsfólki sem hefur gaman af börnum, býr yfir góðri samskiptahæfni og hefur ríka þjónustulund. Einnig er skipulagshæfni og  jákvæðni mikilvægur kostur. ...
Meira

Sveitarstjórn Strandabyggðar samþykkti á fundi sínum 8. mars  2016 að auglýsa tillögu að nýju deiliskipulagi fyrir hluta jarðarinnar Nauteyri í Strandabyggð, fyrrum Nauteyrarhreppi samkvæmt  1. mgr.  41. gr. skipulagslaga nr. 123/2010 og umhverfisskýrslu, samkvæmt 7. gr. laga um umhverfismat áætlana nr. 105/2006....
Meira

Þriðjudaginn 5. apríl verður haldinn íbúafundur í Félagsheimilinu á Hólmavík milli kl. 17:00 og 19:00 í tengslum við stefnumótunarvinnu sveitarfélagsins. Á fundinum mun Þorgeir Pálsson fara yfir helstu niðurstöður úr íbúakönnun sem framkvæmd var dagana 13. – 21. janúar sl. Í framhaldi af því verður farið í hugmyndavinnu og forgangsröðun verkefna, með það að leiðarljósi að efla samfélagið og gera Strandabyggð áhuga- og eftirsóknarverðari að búa í....
Meira

Strætó mun aka alla páskadagana. Yfir hátíðisdagana verður ekið samkvæmt hefðbundinni sunnudags áætlun.

Á skírdag, fimmtudaginn 24. mars, verður ekið samkvæmt sunnudagsáætlun. Föstudaginn langa, 25. mars, verður ekið samkvæmt sunnudagsáætlun. Laugardaginn 26. mars verður ekið samkvæmt hefðbundinni laugardagsáætlun. Á páskadag, sunnudaginn 27. mars, verður ekið samkvæmt sunnudagsáætlun. Annan í páskum, mánudaginn 28. mars, verður ekið samkvæmt sunnudagsáætlun.

...
Meira