Utankjörfundaratkvæðagreiðsla í umdæmi Sýslumannsins á Vestfjörðum vegna kjörs forseta Íslands hinn 25. júní n.k. fer fram á skrifstofu sýslumanns á Hólmavík frá kl. 9.00-12.00 og 13.00-15.30.

...
Meira

Á morgun þjóðhátíðardag okkar Íslendinga mun Umf.Geislinn sjá um hátíðarhöldin eins og venjulega.  Frá kl. 11-13 verður boðið upp á andlitsmálun í Íþróttamiðstöðinni og síðan verður lagt af stað í skrúðgöngu kl. 13 en hátíðardagskrá verður við Galdrasafnið.

Strandabyggð óskar öllum gleðilegrar þjóðhátíðar og hvetur alla, unga sem aldna að taka þátt í dagskránni og gaman væri ef þeir sem eiga þjóðbúninga, skarti þeim í tilefni dagsins.

Næstu dagana verður unnið í gangstéttalögn við Hafnarbraut og Borgabraut. Um verkið sér Guðmundur Þórðarson hleðslumeistari frá Hólmavík.  Teknar voru nokkrar myndir í sólarblíðunni frá framkvæmdunum.

Umhverfisátak í Strandabyggð  11. – 16. júní 2016

Kæru íbúar Strandabyggðar í dreifbýli og þéttbýli          
Sumarið er komið, 17. júní og Hamingjudagar nálgast óðfluga. Nú þurfum við að bretta um ermarnar og snyrta til í kringum okkur. Einn getur ekki gert allt, en allir geta gert eitthvað og með sameiginlegu átaki má gera þetta vel.

...
Meira