Kæra sveitarstjórn og íbúar Húnabyggðar,

Fyrir hönd íbúa Strandabyggðar sendum við okkar innilegustu samúðarkveðjur til ykkar vegna þess harmleiks sem átti sér stað á Blönduósi um helgina. Hugur okkar er hjá ykkur og öllum þeim sem um sárt eiga að binda vegna þessara atburða.

Sveitarstjórn Strandabyggðar.

Aðalfundur Sorpsamlags Strandasýslu verður haldinn mánudaginn 29. Ágúst kl. 16.00 á skrifstofu Sorpsamlagsins á Skeiði 3.

Dagskrá fundarins er svohljóðandi:

1. Setning fundar og kosning fundarstjóra og fundarritara
2. Skýrsla framkvæmdastjóra og fráfarandi stjórnar
3. Ársreikningur 2021 staðfesting
4. Ákvörðun um ráðstöfun vegna hagnaðar/taps
5. Staða bókhalds ágúst 2022
6. Ákvörðun um laun stjórnarmanna
7. Kosning þriggja aðalmanna í stjórn og undirritun tilkynningar til fyrirtækjaskrár
8. Kosning endurskoðanda
9. Gjaldskrá Sorpsamlagsins
10. Önnur mál

Upptaka af sveitarstjórnarfundi 1335 frá 9.ágúst s.l. er nú aðgengileg hér.

Kveðja
Þorgeir Pálsson
sveitarstjóri

Laus er staða við afleysingar á skrifstofu Strandabyggðar.  Um er að ræða 50% stöðu við almenna afgreiðslu, innheimtu, bókhald og ýmis tilfallandi skrifstofustörf á tímabilinu 10:00-14:00. Gerð er krafa um reglusemi, nákvæmni, ritfærni og kunnáttu á office kerfin. Þekking á DK kerfinu og One system málavörslukerfinu er kostur.

Æskilegt er að störf hefjist sem fyrst.  Laun skv. samningi Sambands sveitarfélaga og Kjalar/Verk vest. Umsóknarfrestur er til miðnættis 24. ágúst 2022 og þarf starfsferilskrá að fylgja með umsókninni.

Nánari upplýsingar í s.451-3510 og á netfanginu strandabyggd@strandabyggd.is

Strandabyggð auglýsir eftir verktaka til að setja upp rétt við Krossárósa í Bitrufirði

Verklýsing:

• Viðkomandi þarf að setja niður 9 rafmagnsstaura.  Hver staur er um 2 metrar og þarf að fara ca 90 cm niður
• Tengja fjárgrindur milli stauranna.  Hver grind er 180x110 cm. Gerð: 1,8 Open rail hurdle
• Setja niður um 160 metra af girðingu við réttina.  Gerð: Girðinganet Dragon 6 str, 100m grænt
• Gaddavír settur neðst.  Gerð: IOWA járnvír 200M, 2,5 MM
• Staurar: Staurar 70 x1800mm yddaðir

Teikningu byggingarfulltrúa má nálgast hjá sveitarstjóra.

Efni er keypt eða útvegað af verkkaupa og verður á staðnum
Verklok: 8. september:  Verktaki skal skila sinni vinnu í síðasta lagi 8. september n.k. kl 16:00.  Vinna við verkið ætti að geta hafist snemma í vikunni 22-26. ágúst.

Frestur til að skila tilboði er á miðnætti sunnudaginn 21.ágúst n.k.

 

Allar nánari upplýsingar veitir Þorgeir Pálsson sveitarstjóri í síma 899-0020 eða á netfangið thorgeir@strandabyggd.is