Staða leikskólakennara
Auglýst er staða leikskólakennara, almennt starf á deild. Starfshlutfall er 100% og vinnutíminn frá 8:00-16:00. Æskilegt að viðkomandi geti hafið störf sem fyrst.

Leikskólinn Lækjarbrekka tilheyrir sameinuðum leik-, grunn- og tónskóla í Strandabyggð og starfar samkvæmt lögum og reglugerðum um leikskóla. Uppeldisstefnan er jákvæður agi, skólinn er grænfánaskóli og unnið er að innleiðingu heilsueflandi skóla.

 Menntunar og hæfniskröfur:

• Kennaramenntun, leyfisbréf og hæfni til kennslu í viðeigandi skólagerð

• Góð íslenskukunnátta

• Áhugi, reynsla og hæfni í starfi með börnum

• Jákvæðni, frumkvæði og góður samstarfsvilji

• Lipurð og hæfni í mannlegum samskiptum

• Frumkvæði, sjálfstæði og sveigjanleiki í vinnubrögðum

• Reglusemi og samviskusemi

• Hreint sakavottorð

Laun eru samkvæmt samningum Sambands íslenskra sveitarfélaga og Kennarasambands Íslands.

Umsóknarfrestur er til 15. september 2022.

Hrafnhildur Guðbjörnsdóttir skólastjóri gefur upplýsingar um starfið og tekur á móti umsóknum ásamt ferilskrá, afriti leyfisbréfa og upplýsingum um meðmælendur netfang skolastjori@strandabyggd.is

Kæru íbúar Strandabyggðar og aðrir hlutaðeigandi,

Smíði nýrrar réttar við Krossárósa í Bitrufirði er nú lokið og ber hún nafnið Krossárrétt.  Réttað verður í Krossárrétt laugardaginn 10. september kl 16:00.

Smíði réttarinnar gekk vel, undir vaskri forystu þeirra Ragnars Bragasonar og Reynis Björnssonar ásamt Birni Pálssyni, Jóni Stefánssyni, Magnúsi Sveinssyni, Þórði Sverrissyni og öðrum sem komu að hugmyndavinnu og staðarvali, svo sem; Matthíasi S. Lýðssyni, Ágústi Helga Sigurðssyni, Gretti Erni Ásmundssyni ofl.  Öllum þessum aðilum er þakkað hjartanlega þeirra framlag, sem og landeiganda; Guðjóni Jónssyni, fyrir mjög jákvæðar viðtökur.

Kveðja
Þorgeir Pálsson
oddviti.

Bíll frá Hreinsitækni verður á ferðinni þriðjudaginn 30.ágúst og losar rotþrær í Strandabyggð norðan Hólmavíkur og vestur í Djúp. Eigendur og íbúar eru vinsamlegast beðin um að aðgengilegt sé fyrir losun.

Vetrarstarf UMFG hefst mánudaginn 29. ágúst.

Enn er unnið að því að fullmanna þjálfarastöður og ef einhver er þarna úti tilbúin í að starfa með okkur þá sendið okkur endilega línu á umf.geislinn@gmail.com

Á skráningarformi má sjá hvað æfingar verða í boði og viljum við vekja athygli á eftirfarandi:

Fyrir skólahreysti á fimmtudögum og skipulagða hreyfistund á föstudögum verður EKKI innheimt æfingajald á vegum Geisla þar sem starfsfólk skólans sinnir þeim æfingum. Til að skrá sig á æfingar smellið hér.

Þá verður einnig Íþróttaskóli í boði fyrir börn á leikskólaaldri. Umsjónaraðili er Kristin Anna Oddsdóttir. Kristín Anna hefur lokið við "þjálfari 1" hjá ÍSÍ. Athygli er vakin á því að tímarnir 10 verða ekki allir í röð en þá daga sem ekki er tími verður salurinn opinn fyrir foreldra að sjá um. Hvetjum við foreldra þátttakenda til að skipuleggja sín á milli nýtingu á þeim tímum með börnum sínum.

08. september tími 1
15. september Salur opinn fyrir foreldra til að vera með umsjón
22. september tími 2
29. september tími 3
6. október tími 4
13. október tími 5
20. október Salur opinn fyrir foreldra til að vera með umsjón
27. október Salur opinn fyrir foreldra til að vera með umsjón
3. nóvember tími 6
10. nóvember tími 7
17. nóvember tími 8
25. nóember tími 9
1. desember tími 10

Skráning þáttöku slóð sem finna má hér.