Kæru íbúar Strandabyggðar,

Fjallskilaseðill Strandabyggðar 2022 hefur verið staðfestur af sveitarstjórn og má hann fnna hér. 

Ferlið hefur verið þannig, að í byrjun júlí voru drög send á bændur og sveitarstjórn og bárust góðar ábendingar og athugasemdir.  Samráð var haft við einstaka bændur um viss svæði. Lokaeintak var síðan lagt fyrir sveitarstjórn á sveitarstjórn á fundi 1335 þann 9.8. að höfðu samráði við atvinnu, dreifbýlis- og hafnarnefnd.  

Í haust, að afloknum réttum, er meiningin að halda samráðsfund með bændum og ræða þar ýmis hagsmunamál, eins og gerð fjallskilaseðils, girðingarmál ofl.

Unnið er að smíði nýrrar réttar í Staðardal og er sú í landi Hrófbergs.  Þá er unnið að undirbúningi að nýrri rétt í Bitrufirði.

Bændum og öllum hlutaðeigandi eru hér með færðar þakkir fyrir jákvæð viðbrög og samvinnu varðandi gerð þessa seðils.

Kveðja
Þorgeir Pálsson
sveitarstjóri

Aðalfundur Hornsteina ehf. fasteignafélags verður haldinn miðvikudaginn 17. Ágúst kl. 17.00 2022 í Hnyðju

Dagskrá fundarins:
1. Ársreikningur 2021, undirritaður af fráfarandi stjórn
2. Stjórnarskipti, undirritun prókúru og tilkynningar í fyrirtækjaskrá
3. Önnur mál

Viktoía Rán Ólafsdóttir stjórnarfomaður

Starfsfólk óskast í vaktavinnu í skammtímavistun hjá einstakling á Reykhólum þar sem unnið verður í þrjár vikur í september.

Mjög skemmtilegt og krefjandi starf í fallegu og rólegu umhverfi.

Umsóknarfrestur er til og með 26. ágúst 2022.

Umsóknir ásamt fylgigögnum sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

Upplýsingar eru veittar í síma 451-3510 og fyrirspurnir og umsóknir má einnig senda á felagsmalastjori@strandabyggd.is

Hér er tengill á sveitarstjórnarfund 1335 hjá sveitarstjórn Strandabyggðar, sem haldinnn er í dag, 9.8 kl 16:00 í Hnyðju.

Kæru íbúar Strandabyggðar, 

Eins og sumir tóku eftir, fengum við góða heimsókn í dag. Skemmtiferðaskipið Greg Mortimer, frá fyrirtækinu Aurora Expeditions, lagðist við akkeri rétt fyrir utan höfnina.  Gúmíbátar ferjuðu talsverðan fjölda gesta í land, sem gengu um götur Hólmavíkur, fóru á Galdrasafnið ofl.  Skipið, sem er nýlegt, smíðað 2019, er í sinni fyrstu ferð til Íslands.  Héðan fer það inn á Eyjafjörð og heimsækir Akureyri.  Skip af þessari stærðargráðu getur hæglega heimsótt Hólmavík og lagst að bryggju og nú vinnum við saman að því að svona heimsóknir verði mun algengari á næstu árum.  Tækifærið er til staðar.

Framundan er mjög efnismikill sveitarstjórnarfundur þann 9.8. n.k., þar sem m.a. verður tekið fyrir erindi um hugsanlega hótelbyggingu á Hólmavík.  Það er mjög jákvætt og ánægjulegt að þetta erindi sé komið inn á borð sveitarstjórnar, því hótelbygging hér myndi breyta mjög miklu hvað varðar stöðu Strandabyggðar í ferðaþjónustu, ráðstefnuhaldi og viðburðastjórnun.  Slíkri byggingu fylgja að auki margvísleg hliðaráhrif og má þar kannski fyrst nefna eftirspurn eftir húsnæði, þjónusta iðnaðarmanna ofl. 

Strandabyggð vinnur nú að endurskoðun á aðalskipulagi þar sem við þurfum að horfa fram í tímann, hugsa stórt og reyna að sjá fyrir okkur Strandabyggð eftir tugi ára.  Í endurnýjuðu aðalskipulagi þarf að gera ráð fyrir aukinni íbúðabyggð, stærra iðnaðarsvæði og hugsanlegu hóteli, þannig að tímasetning þessa erindis er sérlega góð og felur í sér mikið og margþætt tækifæri.

Verum jákvæð og leyfum okkur að hugsa fram í tímann.  Það er ávísun á framþróun.

Góða helgi!

Kveðja

Þorgeir Pálsson

oddviti