Upptaka af sveitarstjórnarfundi 1335 frá 9.ágúst s.l. er nú aðgengileg hér.

Kveðja
Þorgeir Pálsson
sveitarstjóri

Laus er staða við afleysingar á skrifstofu Strandabyggðar.  Um er að ræða 50% stöðu við almenna afgreiðslu, innheimtu, bókhald og ýmis tilfallandi skrifstofustörf á tímabilinu 10:00-14:00. Gerð er krafa um reglusemi, nákvæmni, ritfærni og kunnáttu á office kerfin. Þekking á DK kerfinu og One system málavörslukerfinu er kostur.

Æskilegt er að störf hefjist sem fyrst.  Laun skv. samningi Sambands sveitarfélaga og Kjalar/Verk vest. Umsóknarfrestur er til miðnættis 24. ágúst 2022 og þarf starfsferilskrá að fylgja með umsókninni.

Nánari upplýsingar í s.451-3510 og á netfanginu strandabyggd@strandabyggd.is

Strandabyggð auglýsir eftir verktaka til að setja upp rétt við Krossárósa í Bitrufirði

Verklýsing:

• Viðkomandi þarf að setja niður 9 rafmagnsstaura.  Hver staur er um 2 metrar og þarf að fara ca 90 cm niður
• Tengja fjárgrindur milli stauranna.  Hver grind er 180x110 cm. Gerð: 1,8 Open rail hurdle
• Setja niður um 160 metra af girðingu við réttina.  Gerð: Girðinganet Dragon 6 str, 100m grænt
• Gaddavír settur neðst.  Gerð: IOWA járnvír 200M, 2,5 MM
• Staurar: Staurar 70 x1800mm yddaðir

Teikningu byggingarfulltrúa má nálgast hjá sveitarstjóra.

Efni er keypt eða útvegað af verkkaupa og verður á staðnum
Verklok: 8. september:  Verktaki skal skila sinni vinnu í síðasta lagi 8. september n.k. kl 16:00.  Vinna við verkið ætti að geta hafist snemma í vikunni 22-26. ágúst.

Frestur til að skila tilboði er á miðnætti sunnudaginn 21.ágúst n.k.

 

Allar nánari upplýsingar veitir Þorgeir Pálsson sveitarstjóri í síma 899-0020 eða á netfangið thorgeir@strandabyggd.is 

 

Kæru íbúar Strandabyggðar,

Fjallskilaseðill Strandabyggðar 2022 hefur verið staðfestur af sveitarstjórn og má hann fnna hér. 

Ferlið hefur verið þannig, að í byrjun júlí voru drög send á bændur og sveitarstjórn og bárust góðar ábendingar og athugasemdir.  Samráð var haft við einstaka bændur um viss svæði. Lokaeintak var síðan lagt fyrir sveitarstjórn á sveitarstjórn á fundi 1335 þann 9.8. að höfðu samráði við atvinnu, dreifbýlis- og hafnarnefnd.  

Í haust, að afloknum réttum, er meiningin að halda samráðsfund með bændum og ræða þar ýmis hagsmunamál, eins og gerð fjallskilaseðils, girðingarmál ofl.

Unnið er að smíði nýrrar réttar í Staðardal og er sú í landi Hrófbergs.  Þá er unnið að undirbúningi að nýrri rétt í Bitrufirði.

Bændum og öllum hlutaðeigandi eru hér með færðar þakkir fyrir jákvæð viðbrög og samvinnu varðandi gerð þessa seðils.

Kveðja
Þorgeir Pálsson
sveitarstjóri

Aðalfundur Hornsteina ehf. fasteignafélags verður haldinn miðvikudaginn 17. Ágúst kl. 17.00 2022 í Hnyðju

Dagskrá fundarins:
1. Ársreikningur 2021, undirritaður af fráfarandi stjórn
2. Stjórnarskipti, undirritun prókúru og tilkynningar í fyrirtækjaskrá
3. Önnur mál

Viktoía Rán Ólafsdóttir stjórnarfomaður