Strandabyggð / Fréttir

Valmynd

Fréttir

09/04/25
Vinnuskóli Strandabyggðar 2025 opið fyrir umsóknir
08/04/25
Húsnæði óskast fyrir sumarstarfsfólk
04/04/25
Sveitarstjórnarfundur í Strandabyggð nr. 1375
02/04/25
Íbúakönnun vegna endurskoðunar á menntastefnu Strandabyggðar
28/03/25
Sumarstörf í Strandabyggð 2025, frestur til 31.3.2025
Meira

Skólastarf

Laus staða á leikskólanum Lækjarbrekku

Salbjörg Engilbertsdóttir | 10. desember 2021

Leikskólinn Lækjarbrekka auglýsir eftir starfsmanni í 100% stöðu. Leitað er eftir leikskólakennara, uppeldismenntuðu fólki eða fólki með reynslu af starfi með börnum. Vinnutíminn er 8:00-16:00. Æskilegt er að viðkomandi geti hafið störf 3. janúar 2022.

Við leikskólann er unnið metnaðarfullt starf þar sem barnið er í brennidepli. Leitað er eftir öflugum starfsmanni sem hefur gaman af börnum, býr yfir hæfni í mannlegum samskiptum, jákvæðni, sveigjanleika og skipulagshæfni. Einnig eru áreiðanleiki og frumkvæði góður kostur. Óskað verður eftir heimild til upplýsingaöflunar úr sakaskrá.

Menntunar og hæfniskröfur:

Leyfisbréf til að starfa sem leikskólakennari.
Góð samskiptahæfni.
Frumkvæði og sjálfstæði í starfi.

Umsóknarfrestur er til 20. desember 2021.

Nánari upplýsingar veitir:
Hrafnhildur Guðbjörnsdóttir skólastjóri 451-3430

netfang: skolastjori@strandabyggd.is

Umsóknir með starfsferilsskrá og afriti prófskírteina ásamt upplýsingum um meðmælendur sendist á skolastjori@strandabyggd.is

Kynning frá Fjölbrautaskóla Norðurlands vestra á dreifnámi á Hólmavík

Salbjörg Engilbertsdóttir | 06. desember 2021

Þann 13. desember kl. 13 verður kynning á dreifnámi/fjarnámi á Hólmavík. Kynningin fer fram í dreifnámshúsinu á efri hæð Sparisjóðsins að Hafnarbraut 19.

Hér gefst gott tækifæri fyrir grunnskólanemendur, foreldra/forráðamenn og að sjálfsögðu alla aðra áhugasama sem vilja koma og kynna sér námsbrautir og fyrirkomulag skólans í dreifnámi og fjarnámi. Einnig skal bent á að skólinn býður líka upp á helgarnám í rafvirkjun, húsasmíði og húsgagnasmíði. Að auki er boðið upp á sjúkraliðanám og margt fleira.

Frekari upplýsingar má finna á heimasíðu skólans: www.fnv.is.

Jólalag barnakórsins 2021

| 30. nóvember 2021

Glænýtt jólalag Barnakórs Strandabyggðar er komið á allar helstu streymisveitur.

Hér eru nokkrir hlekkir:

Spotify

Apple Music

Youtube

Kær jólakveðja frá meðlimum kórsins og stjórnanda!

Covid 19 - staðan í Strandabyggð 24. nóv.

| 24. nóvember 2021

Skólastarf er hafið að nýju í Strandabyggð. Margir íbúar fóru í skimun í byrjun vikunnar og samkvæmt tölum frá lögreglunni á Vestfjörðum frá því í morgun eru nú samtals 10 í einangrun í Reykhólahreppi og í sveitarfélögunum á Ströndum.

Sveitarfélagið Strandabyggð vill hvetja fólk til að fara að öllu með gát og sinna persónulegum sóttvörnum af kostgæfni. Jafnframt er mikilvægt að við höldum ró okkar og ræðum við yngri kynslóðina og útskýrum málin. Helstu ráðin til íbúa eru að muna eftir handþvotti, nota spritt til sótthreinsunar og halda fjarlægð við aðra. Notum grímu þar sem ekki er hægt að virða nándarmörk. Pössum að þrífa algenga snertifleti og ef við þurfum að hósta, gerum það í olnbogabót eða einnota klút.

Ef fólk finnur fyrir einkennum eða hefur grun um smit, er mjög mikilvægt að hringja eða hafa samband við heilsugæsluna, en ekki mæta á heilsugæslustöðina. Hægt er að hafa samband við heilsugæsluna á Hólmavík (sími: 432-1400), Læknavaktina (sími: 1700) eða á netspjalli Heilsuveru, og er fólk hvatt til að gera það ef það finnur fyrir einkennum, jafnvel þó viðkomandi sé bólusettur. Einkenni geta verið: Hósti, hiti, hálssærindi, kvefeinkenni, andþyngsli, bein- og vöðvaverkir, þreyta, kviðverkir, niðurgangur, uppköst, skyndilegt tap á lyktar- og bragðskyni, höfuðverkur. Örvunarbólusetning er að hefjast hjá heilsugæslunni á Hólmavík og þarf að hringja og panta tíma í hana.

Upplýsingasíða Embætti landlæknis og almannavarnadeild ríkislögreglustjóra er á slóðinni: www.covid.is Þar má m.a. finna gagnlegar upplýsingar um sýnatöku, sóttkví, smitgát, einangrun, einkenni og almenna líðan