Jólakveðjur úr Strandabyggð
| 20. desember 2021
Endurskoðun Aðalskipulags Strandabyggðar-skipulagslýsing
Salbjörg Engilbertsdóttir | 16. desember 2021
Á fundi sveitarstjórnar Strandabyggðar 14. desember 2021 var lögð fram og samþykkt til kynningar skipulagslýsing vegna endurskoðunar Aðalskipulags Strandabyggðar 2010-2022. Í skipulagslýsingunni er m.a. gerð grein fyrir tildrögum og tilgangi endurskoðunar aðalskipulagsáætlunarinnar, helstu viðfangsefnum, forsendum, stöðu og gildandi stefnu, samráði, tímaáætlun skipulagsferlis og umhverfismati áætlunar.
Í samræmi við 1. mgr. 30. gr. skipulagslaga nr. 123/2010 er lýsingin kynnt fyrir hagsmunaaðilum og tækifæri gefið á að skila inn umsögnum eða athugasemdum.
Skipulagslýsingin verður til sýnis á skrifstofu Strandabyggðar að Hafnarbraut 25, 510 Hólmavík og á heimasíðu sveitarfélagsins www.strandabyggd.is, frá 16. desember 2021 til 14. janúar 2022 þegar athugasemdafrestur rennur út. Slóðin á skipulagslýsinguna er hér og útskýringar í myndbandi má sjá hér.
Athugasemdum ber að skila til skrifstofu Strandabyggðar eða á netfang embættis skipulagsfulltrúa skipulag@dalir.is merkt „Endurskoðun Aðalskipulags Strandabyggðar“.
Hólmavík 14. desember 2021.
Þórður Már Sigfússon,
skipulagsfulltrúi.
Frá Dreifnámi FNV á Hólmavík
Salbjörg Engilbertsdóttir | 16. desember 2021
Síðastliðinn mánudag var haldin kynning í fjar/dreifnámsaðstöðunni að Hafnarbraut 19 efri hæð.
Á kynningunni voru skólameistari, aðstoðar skólameistari, og námsráðgjafi frá Fjölbrautaskólanum á
Sauðárkróki. Aðallega nemendur á efri stigum grunnskólans auk nokkurra fullorðinna.
Gaman hefði verið að sjá fleiri fullorðna, en þar sem fundurinn var haldinn á vinnutíma var það mögulega erfitt.
Því langar mig að tilkynna hér, að hafi einhver áhuga á að kynna sér möguleikana á fjarnámi eða
dreifnámi þá má hafa samband við mig og/eða kynna sér síðu Fjölbrautaskóla Norðurlands Vestra á
Fjölbrautaskóli Norðurlands vestra fnv.is
Atli Már Atlason, sími 692 6889
Ps. Munurinn á dreifnámi og fjarnámi.
Dreifnám: Nemendur mæta í tíma hér á Hólmavík á sama tíma og kennsla hvers fags á sér stað í
kennslustofu á Sauðárkróki. Nemandi er í rauntíma að taka þátt í námi þar sem kennslan er sýnileg og
heyranleg á skjá í dreifnámsaðstöðunni, þar sem tvívirk samskipti eiga sér stað, þ.e. nemendur hér geta
líka haft samskipti kennara. Því mæta nemendur í tíma í dreifnámsaðstöðuna í samræmi við stundatöflu.
Fjarnám: Nemandi sinnir námi og vinnur verkefni í eigin tíma heima hjá sér eða í dreifnámsaðstöðunni.
Námið er fyrst og fremst hugsað sem sjálfsnám undir handleiðslu kennara.
Mjög vinsælt hefur verið að nema húsasmíði, húsgagnasmíði, eða rafvirkjun sem er í boði í fjarnámi þar
sem farið er í verklegar lotur ca þriðju hverja helgi til Sauðarkróks í verklegt nám.
Einnig er sjúkraliðanám í boði í fjarnámi.
Frekari upplýsingar um fjarnám má sjá hér:
Fjarnám | Fjölbrautaskóli Norðurlands vestra (fnv.is)
Sveitarstjórnarfundur 1326 í Strandabyggð 14.12.2021
Salbjörg Engilbertsdóttir | 10. desember 2021
Fundur nr. 1326, í sveitarstjórn Strandabyggðar verður haldinn þriðjudaginn 14. desember 2021 kl. 16.00 í Hnyðju Höfðagötu 3, Hólmavík.
Fundardagskrá er svohljóðandi:
- Fjárhagsáætlun ársins 2022 og 3ja ára áætlun 2023-2025, síðari umræða
- Gjaldskrár 2022
- Viðauki IV
- Lántaka hjá Lánasjóði sveitarfélaga vegna endurfjármögnunar á lánum
- Lántaka hjá Lánasjóði sveitarfélaga vegna afborgana ársins
- Erindi frá Hlyni Snorrasyni v.almannavarnarnefndar
- Erindi frá Tálknafjarðarhreppi varðandi sameiningarkosti
- Erindi frá Árneshreppi, svar um sameiningarkosti
- Umsókn um greiðslu skólagöngukostnaðar utan lögheimilissveitarfélags
- Reglur um stjórn og fundarsköp Strandabyggðar seinni umræða
- Reglur um viðaukagerð hjá Strandabyggð
- Innkaupareglur Strandabyggðar
- Launastefna Strandabyggðar
- Velferðarnefndarfundur 17. nóvember 2021
- Velferðarnefndarfundur 1.desember 2021
- Ungmennaráðsfundur 29. nóvember
- Tómstundanefndarfundur 29.nóvmber
- Fræðslunefndarfundur 29. nóvember
- Atvinnu,dreifbýlis- og hafnarnefndarfundur 1.desember 2021
- Umhverfis- og skipulagsnefndarfundur 1.desember 2021
- Umhverfis- og skipulagsnefndarfundur 13.desember 2021
- Fjórðungssamband Vestfjarða, áætlun ársins 2022
- Fjórðungssamband Vestfjarða, skipun áheyrnarfulltrúa Strandabyggðar
- Samband sveitarfélaga, fundargerð 903
- Samband sveitarfélaga, tilkynning um breytt skipulag barnaverndar
- Samband sveitarfélaga, uppfærsla svæðisáætlana vegna breytinga
- Heilbrigðiseftirlit Vestfjarða fundargerð nr. 136
Gert er ráð fyrir að eftirtaldir sveitarstjórnarmenn sitji fundinn:
Jón Gísli Jónsson
Ásta Þórisdóttir
Guðfinna Lára Hávarðardóttir
Pétur Matthíasson
Jón Jónsson
Strandabyggð 10.desember 2021
Jón Gísli Jónsson oddviti
Íþrótta- og tómstundafulltrúi - nýtt starf
Salbjörg Engilbertsdóttir | 10. desember 2021
Sveitarfélagið Strandabyggð auglýsir laust til umsóknar starf íþrótta- og tómstundafulltrúa. Um er að ræða fjölbreytt og skemmtilegt starf fyrir skapandi og skipulagðan einstakling með forystuhæfileika og unun af samskiptum, jákvætt viðhorf og metnað. Viðkomandi þarf að vera hvetjandi og góð fyrirmynd. Um fullt starf er að ræða.
Um er að ræða nýtt og spennandi starf við að þróa og stýra málaflokkum íþrótta og tómstunda, forvörnum og lýðheilsuverkefnum á vegum Strandabyggðar. Viðkomandi leiðir stefnumörkun um verkefni sviðsins með fagnefndum og sveitarstjórn.
...Meira