Fimmtudaginn 23. september kl. 16 fer fram upphafsfundur félagsstarfsins í Félagsheimilinu á Hólmavík.

Tilgangurinn er að móta vetrarstarfið, skiptast á hugmyndum og skipuleggja starfið framundan.
Jafnframt fer fram sölusýning á postulíni og keramiki.

Markhópurinn hefur verið einstaklingar 60 ára og eldri sem búa á svæðinu en þeir sem yngri eru og hafa áhuga á að móta starfið mega að sjálfsögðu taka þátt.

Vegna kosningar til alþingis þann 25. september 2021 vill kjörstjórn taka fram eftirfarandi:

Kjörskrá liggur frammi til kynningar í afgreiðslu Strandabyggðar Hafnarbraut 25,fram að kjördegi en einnig getur fólk farið inn á slóðina http://www.kosning.is til að kynna sér hvar það er skráð.

Kjörfundur vegna kosninga til alþingis.
Ein kjördeild verður í Strandabyggð og er kjörstaður í Hnyðju, Höfðagötu 3 Hólmavík.

Kjörfundur hefst kl. 09:00 laugardaginn 25.september 2021 en kjörstaður verður opinn frá kl. 10:00 -17:00 . Sbr. 1. mgr. 89 gr. laga nr. 24/2000 um kosningar til Alþingis.

Sérstök athygli kjósenda er vakin á 1. mgr. 79 gr. laga nr. 24/2000 um kosningar til Alþingis:

,,Kjósandi skal gera kjörstjórn grein fyrir sér svo sem með því að segja til sín og framvísa kennivottorði eða nafnskírteini eða á annan fullnægjandi hátt að mati kjörstjórnar. Ef hann þannig á rétt á að greiða atkvæði samkvæmt kjörstjórninni afhendir kjörstjórn honum einn kjörseðil".

Oddviti kjörstjórnar Strandabyggðar,
Jóhann Björn Arngrímsson

 

Fundur um framtíðarsýn í fiskeldi á Vestfjörðum verða haldnir 20. og 21. september. Á fundunum verður Samfélagssáttmáli og framtíðarsýn fyrirtækja í fiskeldi á Vestfjörðum til umfjöllunar auk þess sem þar verður vettfangur til að ræða þróun atvinnugreinarinnar frá öllum hliðum.

Þriðjudaginn 14. september fer fram fyrsta ungmennaþing vetrarins. Óli Örn sem starfar hjá Rannís kemur til okkar og aðstoðar okkur við að undirbúa og móta umsókn í Ungmennaskipti með Erasmus+ áætluninni.

Öll ungmenni á svæðinu eru velkomin en þingið fer fram í Ozon kl. 14:30. Nánar á facebook viðburði.

Starfsmaður óskast í félagslega heimaþjónustu í Strandabyggð

 

Starfsmaður óskast í félagslega heimaþjónustu í Strandabyggð

Umsóknarfrestur er til og með 1. október.

Laun eru samkvæmt taxta Verk-Vest

Umsóknir sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

Upplýsingar eru veittar í síma 451-3510 og fyrirspurnir og umsóknir má einnig senda á felagsmalastjori@strandabyggd.is