Þann 19. mars n.k. mun Vestfjarðastofa halda fund um ferðaþjónustu í Strandabyggð og Kaldrananeshrepppi.  Fundurinn fer fram kl 16:30 í Hnyðju. Fjallað verður um tvö stór verkefni sem framundan eru í vestfirskri ferðaþjónustu. Þróun nýrrar ferðamannaleiðar Vestfjarðaleiðin annars vegar og hins vegar uppfærslu á Áfangastaðaáætlun Vestfjarða.

Við hvetjum ferðaþjóna á svæðinu, sem og aðra áhugasama um uppbyggingu ferðaþjónustu, að mæta á fundinn og taka þátt í vinnunni með okkur.

Karlahlaup 8.mars kl.11 hlaupið verður frá Íþróttamiðstöðinni á Hólmavík, hlaupnir verða 5 km.
Þetta er í fyrsta sinn sem efnt er til karlahlaups á vegum Krabbameinsfélagsins. ATHUGIÐ að klíkur af öllum stærðum og gerðum, gengi, vinahópar, félagsmenn og aðrir hópar eru hvattir til að mæta í hlaupið undir eigin „flaggi og fána“ til að setja svip sinn á hlaupið.  

Heyrst hefur að Saumastofu Siggi sjái um upphitun
Skráningargjald er 4.500 kr. en innifalið er eitt fallegt par af Mottumars-sokkum. Yngri en 18 ára greiða aðeins 2.500 kr. í skráningargjald – og fá auðvitað líka sokka. Auka sokkar verða til sölu á staðnum og kostar parið 2000 kr. stærðir frá 26 - 45. Allur ágóði skráningargjalds og kaup á sokkapörum rennur óskiptur til félagsins, undir átakinu Mottumars.

Sjá nánar á www.krabb.is  Upp með sokkana.

ATH! Ef veður hamlar hlaupi verður þátttakendum hlaupsins boðið upp á að hlaupa/hreyfa sig í sal íþróttahússins.

 

Sveitarstjórnarfundur 1301 í Strandabyggð

Fundur nr. 1301, í sveitarstjórn Strandabyggðar verður haldinn þriðjudaginn 10. mars 2020 kl 16:00 í Hnyðju.

 

Fundardagskrá er svohljóðandi:

1. Lántaka hjá Lánasjóði Sveitarfélag vegna framkvæmda 2020
2. Viðauki vegna kaupa sveitarfélagsins á hlutum í Hornsteinum og sölu á fasteign að Hafnarbraut 19
3. Nefndarfundir
   1. US nefnd
4. Forstöðumannaskýrslur
5. Erindi til sveitarstjórnar, Grunnskólinn á Hólmavík frá 06.03.20
6. Reglugerð um grásleppuveiðar árið 2020, Atvinnuvega- og nýsköpunarráðuneytið
7. Samstarfssamningur við Strandagaldur - drög
8. Samningur við Hvatastöðina - drög
9. Skipan íbúa í verkefnastjórn Brothættra byggða – frá fundi 1300
10. Umsókn um styrk – sveitaútvarp
11. BS Vest, fundargerð frá 13.01.2020
12. Hvalárvirkjum, matslýsing – frá fund 1300
13. Fundargerð Vestfjarðastofu nr. 23. frá 04.02.20
14. Náttúrustofa Vestfjarða, fundargerð 127, frá 01.02.20
15. Samband Íslenskra sveitarfélaga, fundargerðir 878 frá 31.01.20 og 879, frá 28.02.20
16. Samband íslenskra sveitarfélaga; Eignarráð og nýting fasteigna - frumvarp í samráðsgátt
17. Hafnarsamband Íslands, fundargerðir 419, frá 20.01.20 og 420 frá 26.02.20
18. Siglingaráð Íslands, fundargerðir 20 frá 07.11.19 og 21. frá 05.12.19

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Aðalbjörg Signý Sigurvaldadóttir

Ásta Þórisdóttir

Guðfinna Lára Hávarðardóttir

Pétur Matthíasson

Nafnasamkeppni
Stefnt er að því að hafa skólaþing þann 26.mars hér í Strandabyggð og af því tilefni er upplagt af efna til nafnasamkeppni á nýjum sameinuðum leik,- grunn,- og tónskóla í Strandabyggð. Nafn skólans veður svo upplýst við það tækifæri. Því hvetjum við ykkur til að taka þátt og senda inn tillögur að nafni fyrir kl. 16 mánudaginn 23.mars. 
Tekið er við tillögum á netfangið tomstundafulltrui@strandabyggd.is  

Leikfélag Hólmavíkur frumsýnir Stellu í orlofi næstkomandi föstudag.

Stella er Íslendingum að góðu kunn, flest kunnum við fjölmarga frasa úr myndinni utanbókar enda er kvikmyndin samofin þjóðarsálinni. Gunnar Gunnsteinsson og Leikfélag Hólmavíkur hafa nú gert leikgerð fyrir svið eftir kvikmyndahandriti Guðnýjar Halldórsdóttur en Gunnar leikstýrir einmitt sýningunni.

Sýningin er afrakstur samstarfs Leikfélags Hólmavíkur og Grunn- og tónskólans á Hólmavík, leikrarar og aðstandendur sýningarinnar eru því á öllum aldri auk þess sem ungmenni sjá um lifandi tónlistarflutning.

Sýnt verður í Félagsheimilinu á Hólmavík 6. og 7. Mars, 2., 5. og 13. apríl en janframt verður farið í leikferð á Hvammstanga þann 28. mars.

Við lofum mikilli gleðisprengju.

Free entrance for those who do not speak Icelandic.