Félagsþjónusta Stranda og Reykhólahrepps óskar eftir að ráða stuðningsfjölskyldu fyrir barn.

Hlutverk stuðningsfjölskyldu er að taka barn tímabundið í umsjá sína í þeim tilgangi að létta álagi af fjölskyldu þeirra og einnig til að gefa barninu möguleika á aukinni félagslegri þátttöku.

Um er að ræða 2 sólarhringa í mánuði og er gerður samningur þar um.

Greiðslur til stuðningsfjölskyldu eru verktakagreiðslur samkvæmt reglum Byggðasamlags Vestfjarða um málefni fatlaðs fólks um stuðningsfjölskyldur fyrir fötluð börn og fjölskyldur þeirra

Umsóknir skulu berast til Félagsþjónustu Stranda og Reykhólahrepps, Höfðagötu 3, 510 Hólmavík eða rafrænt til felagsmalastjori@strandabyggd.is

Frekari upplýsingar veitir Guðrún Elín Benónýsdóttir, félagsmálastjóri, í síma 451 3521 / 845 2511 eða felagsmalastjori@strandabyggd.is

Er ekki upplagt að byrja árið á því að gera hugmyndina þína að veruleika? og koma henni jafnvel í framkvæmd? Þá hvetjum við, þig til að sækja um.

Nú er komið að fyrri úthlutun styrkja hjá Strandabyggð árið 2020.

Markmiðið er að styðja við sjálfsprottið starf, starfsemi frjálsra félagasamtaka og framtaks einstaklinga sem stuðla að farsælli þróun samfélagsins, lífsgæðum og fjölbreytilegu mannlífi. Reglur. Styrkirnir eru upp að 100.000 þúsund krónum, ef sótt er um styrk umfram það skal leitað eftir samstarfssamningi við sveitarfélagið.

Umsóknareyðublað skal fyllt út og sent á tomstundafulltrui@strandabyggd.is 

 

Umsóknarfrestur er til 1.febrúar 2020 og úthlutun styrkja er svo 2.mars 2020

Hún Sigga í Saumastofunni eftir Kjartan Ragnarsson, sem Leikfélag Hólmavíkur hefur sýnt við góðan orðstír í desember og sýnir þann 27. desember nk. á Hólmavík, furðaði sig á orðinu „lífsgildi“. „Hvaða orð er nú það?“ 

Gildi merkir verðmæti og því má segja að lífsgildi séu verðmæti lífsins, lífsverðmæti. Á örlítið einfaldara máli má segja að orðið lífsgildi nái utan um það sem við kjósum og ákveðum að eigi að einkenna okkur, okkar gjörðir og framkomu. Eitthvað sem við viljum standa fyrir og viljum vinna að. Sem samfélag gætum við t.d. valið okkur lífsgildin: virðing, samstaða, uppbygging, framsýni eða eitthvað í þá veru. 

Orðið samstaða er t.d. ágætt sem lífsgildi, því það tengir okkur og býr til sameiginlegan tilgang. Við viljum t.d. vinna saman að því að efla Strandabyggð, gera umhverfi okkar fallegra og heilbrigðara, efla skóla-, íþrótta- og tómstundastarf, svo dæmi séu tekin. Lífsgildi getur því staðið fyrir eitthvað jákvætt.

Samstaða, eins gott og jákvætt og það orð nú er, er hins vegar ekki sjálfgefin. Ein forsenda þess að við getum t.d. unnið saman, er virðing. Virðing fyrir hvert öðru, virðing fyrir ólíkum skoðunum, ólíkum aðferðum og hugsunum. Virðing fyrir hvert öðru er forsenda fyrir svo mörgu, þar á meðal samstöðu. Við virðum það hversu ólík við erum, en stöndum saman þar sem við deilum sameiginlegum markmiðum. Samstaða og virðing. Góð lífsgildi.

Ég óska ykkur öllum gleðilegrar hátíðar og hlakka til að vinna með ykkur á næsta ári að því sameiginlega markmiði okkar allra, sem er að efla og styrkja Strandabyggð og þau lífsgæði sem við búum við.

Gleðileg jól!

ATHUGIÐ - Skólahald í Grunn- og Tónskólanum á Hólmavík og Leikskólanum Lækjarbrekku fellur niður miðvikudaginn 11. desember 2019. 

Sveitarstjórnarfundur 1297 í Strandabyggð
FUNDI VERÐUR FRESTAÐ VEGNA VEÐURS TIL FIMMTUDAGSINS 12.12.19 KL.16.00

Fundur nr. 1297, í sveitarstjórn Strandabyggðar verður haldinn þriðjudaginn 10. desember 2019 kl 16:00 í Hnyðju. 

 

Fundardagskrá er svohljóðandi:

1. Fjárhagsáætlun 2020 – seinni umræða
2. Gjaldskrár Strandabyggðar
3. Lántaka Veitustofnunar
4. Breytingar á eignarhaldi í Sævangi, fundargerð Hvatar, 20.10.19
5. Minnisblað sveitarstjóra vegna bílastæðis á Skeiði
6. Forstöðumannaskýrslur, nóvember
7. Nefndarfundir
   1. Atvinnu-, dreifbýlis- og hafnarnefnd, 9.12.19
   2. Velferðarnefnd, 27.11.2019
8. Stjórnarfundur Vestfjarðastofu nr. 21 – til kynningar
9. Þinggerð 4. Haustþings Fjórðungssambands Vestfirðinga, 2019 – til kynningar
10. Erindi eigenda Ögurs og Ögurferða í Súðavíkurhreppi, til Heilbrigðiseftirlits Vestfjarða, vegna starfsemi á Garðstöðum – til kynningar
11. Samband íslenskra sveitarfélaga, stjórnarfundur 876 – til kynningar
12. Hafnarsamband Íslands, fundargerð 417 – til kynningar
13. Siglingaráð Íslands, fundargerð 19 – til kynningar
14. Tillaga til þingsályktunar um gerð stefnu um móttöku skemmtiferðaskipa á Íslandi – til kynningar.

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Aðalbjörg Signý Sigurvaldadóttir

Ásta Þórisdóttir

Guðfinna Lára Hávarðardóttir

Jón Jónsson