Sveitarstjórnarfundur 1290 í Strandabyggð
Fundur nr. 1290 í sveitarstjórn Strandabyggðar verður haldinn þriðjudaginn 11. júní 2019 kl 16:00 í Hnyðju.

Fundardagskrá er svohljóðandi:

1. Ákvörðun um niðurfellingu sveitarstjórnarfundar í júlí
2. Hólmadrangur – nauðasamningar
3. Beiðni Rannsóknaseturs HÍ á Ströndum um leigu á herbergi
4. Umhverfisvottun Vestfjarða (Vestfjarðastofa)
a. Laga- og reglugerðaskrá Útgáfa handbókar 003 2019
b. Framkvæmdaáætlun 2019 2024, Vegna umhverfisvottunar sveitarfélaganna á Vestfjörðum
c. Umhverfisstjórnunarhandbók
5. Tillaga Jóns Jónssonar - viðbrögð við fólksfækkun
6. Beiðni um umsögn vegna lausnar lóðarinnar Ingunnarflata á Broddanesi úr landbúnaðarnotkun
7. Stofnsamningur Brunavarna Dala, Reykhóla og Strandabyggðar
8. Skipan fulltrúa Sveitarfélagsins Strandabyggðar á aðalfund Sorpsamlags Strandasýslu
9. Fundargerðir nefnda
a. Umhverfis- og skipulagsnefnd, 3.6.2019
b. Tómstunda-, íþrótta- og menningarnefnd, 6.6.2019
c. Fræðslunefnd, 6.6.2019.
10. Forstöðumannaskýrslur
11. Hafnarsamband Íslands, fundargerð 413 – til kynningar
12. Aðgerðaáætlun um orkuskipti í íslenskum höfnum – til kynningar
13. Siglingaráð Íslands – 14. fundur – til kynningar
14. Fundargerð 122. fundar í Heilbrigðisnefnd Vestfjarðasvæðis – til kynningar
15. Heilbrigðiseftirlit Vestfjarðasvæðis, Ársskýrsla 2018 – til kynningar
16. Fundargerð 871. fundar, stjórnar Sambands íslenskra sveitarfélaga – til kynningar
17. Samband íslenskra sveitarfélaga - Samstarfsvettvangur sveitarfélaganna fyrir heimsmarkmiðin og loftslagsmál – til kynningar
18. Þinggerð 64. Fjórðungsþings Vestfirðinga til kynningar.

Gert er ráð fyrir að eftirtaldir sveitarstjórnarmenn sitji fundinn:
Aðalbjörg Sigurvaldadóttir
Guðfinna Lára Hávarðardóttir
Ingibjörg Benediktsdóttir
Jón Gísli Jónsson
Jón Jónsson

Skútan Panorama kemur til Hólmavíkur fimmtudaginn 13. júní n.k. og er þetta í fyrsta sinn sem skemmtiferðaskip kemur til Hólmavíkur í skipulagða ferð.  Panorama, sem tekur 48 farþega, kemur 9 sinnum í sumar.  Það má segja að góð samvinna og skjót viðbrögð allra sem að málinu komu, hafi gert þetta að veruleika.  Hólmavík er komin á kortið sem formlegur áfangastaður skemmtiferðaskipa!

Farþegar Panorama munu fara í rútuferð með leiðsögn um Strandir, auk þess sem þeir munu heimsækja Sauðfjársetrið, Galdrasafnið og borða á Café Riis.  Við fögnum þessum gestum og þessum áfanga, um leið og við horfum til frekari sóknar inn á þennan markað.  Nú þegar eru komnar fyrirspurnir fyrir sumarið 2021.

Þeir sem vilja fræðast um skútuna og fyrirtækið, geta kíkt á eftirfarandi heimasíðu: https://www.varietycruises.com/ships/ships/panorama​

 

Gróðurhúsið Reykjum Hrútafirði

 Seljum sumarblóm og matjurtaplöntur við félagsheimilið á Hólmavík föstudaginn 7. júní nk. frá kl. 20:00.

Hægt er að panta á símatíma frá kl. 12:30-13:00 í síma 8466122 eða 4510022, einnig í tölvupósti á netfang: olhstef@emax.is

Sumarblómalisti 2019 

...
Meira

Kæru íbúar Strandabyggðar, Nú liggur ársreikningur 2018 fyrir og í ljós kemur að sveitarfélagið var rekið með tapi. Í þessum stutta pistli langar mig til að rekja helstu ástæður þessa taps, en fyrir þá sem vilja kafa dýpra, bendi ég á heimasíðu eða skrifstofu Strandabyggðar og/eða bara hafa samband beint við mig. Það er alltaf hægt að ræða málin yfir kaffibolla.

 

Ársreikningur 2018

Tekjur Strandabyggðar voru árið 2018 um kr 677 milljónir og eru þar teknar saman tekjur A og B hluta sveitarfélagsins. A hlutinn er sá hluti sem skilar tekjum af skattheimtu og greiðslum jöfnunarsjóðs en B hlutinn nær yfir stofnanir sveitarfélagsins og aðrar rekstrareiningar sem eru fjárhagslega sjálfstæðar og afla tekna með þjónustugjöldum.

...
Meira

Sæl öll,

Á næstu dögum kemur slitlagsflokkur frá Borgarverki til að leggja klæðningu á Lækjartún,Víkurtún, Vesturtún, Vitabraut og Austurtún.  Nánari dagsetning verður auglýst síðar, en við hvetjum íbúa í þessum götum til að gera ráðstafanir þegar þar að kemur og leggja bílum sínum annars staðar meðan á framkvæmdum stendur.  

Allar nánari upplýsingar veitir Sverrir Guðbrandsson, Áhaldahúsinu, sími: 892-6909.