Það er sjaldan lognmolla í skemmtanalífi og afþreyingu á Ströndum, þar er alltaf nóg að gera og mikið fjör.   Á morgun verður Saumastofan frumsýnd í félagsheimilinu en leikritið sem gerist árið 1975, fjallar um sorgir og gleði starfsmanna á saumastofu. Leikritið er með söngvum við undirleik Strandabandsins.  Við hvetjum alla til að skella sér á þessa flottu sýningu en fyrirhugaðar eru 2 sýningar á föstudag og laugardag hér á Hólmavík og fleiri sýningar verða auglýstar á næstunni.

Hér birtum við síðan fyrstu útgáfu af Jóladagatalinu okkar þetta árið en það verður uppfært um leið og tilkynningar berast á netfangið skrifstofa@strandabyggd.is.  Hægt er að skoða í stærri útgáfu ef þið smellið hér á pdf.útgáfu (uppf.kl. 12.20 11.desember)

                      

Gísli Sverrir Halldórsson dýralæknir í Búðardal, sinnir hreinsun á hundum fimmtudaginn 21.nóvember n.k. í Áhaldahúsinu milli kl. 16 og 18.  Kattareigendur eru einnig minntir á nauðsyn þess að láta hreinsa ketti sína en það er þó ekki innifalið í leyfisgjaldi. Hunda og kattaeigendur í Strandabyggð eru hvattir til að mæta og nýta sér þjónustuna.

 

Allir hundar og kettir innan þéttbýlis skulu skráðir og bera merkingar skv. reglugerð um hunda og kattahald sem finna má á vef Strandabyggðar.  Skylt er að færa hunda og ketti til hreinsunar árlega.

 

Þeir sem óska eftir annari dýralæknisþjónustu er velkomið að hafa samband við Gísla  í síma : 434-1122 eða 862-9005

 

 

Í dag, þriðjudaginn 19. nóvember verður stofnfundur Samtakenda Atvinnurekenda á Ströndum og Reykhólum (SASR),  í Hnyðju kl 18:00-19.30.  Við hvetjum alla sem halda úti atvinnustarfsemi af einhverju tagi eða hyggjast stofna til fyrirtækjareksturs á næstunni, að koma og standa að baki stofnunar SASR.

Á fundinum sem er undir stjórn Vestfjarðastofu, verður farið yfir tillögu að samþykktum hins nýja félags og rætt um hlutverk þess og tilgang ofl. 

 

Sveitarstjórnarfundur 1296 í Strandabyggð

Fundur nr. 1296, í sveitarstjórn Strandabyggðar verður haldinn þriðjudaginn 12. nóvember 2019 kl 16:00 í Hnyðju.

 

Fundardagskrá er svohljóðandi:

 

1. Fjárhagsáætlun 2020 – fyrri umræða
2. Úthlutun byggðakvóta og ályktun um viðbótarreglur
3. Samþykkt útsvarsprósentu
4. Forstöðumannaskýrslur,október
5. Nefndarfundir
   1. Umhverfis- og skipulagsnefnd, 7.11.19
   2. Fræðslunefnd, 7.11.19
6. Skipan í nefndir sveitarfélagsins
7. Beiðnir um námsleyfi
   1. Umsókn um námsleyfi – Lára Jónsdóttir
   2. Umsókn um námsleyfi – Ásdís Birna Árnadóttir
8. Bréf frá Eftirlitsnefnd sveitarfélaga
9. Yfirfærsla Hólmavíkurvegar frá Vegagerðinni til Strandabyggðar, 30.10.19
10. Galdrasafnið, kynning á framkvæmdaáætlun 2020
11. Bréf frá Sóknarnefnd Hólmavíkursóknar
12. Beiðni vegna nýtingar á forkaupsrétti við sölu á bát
13. Skipulags og matslýsing - Vindorkugarður
14. Fjárbeiðni frá Stígamótum
15. Beiðni um skógrækt í landi Breiðabliks, bréf frá 16.10.19
16. Bréf frá Capacent, vegna sameiningar sveitarfélaga
17. Stjórn Sambands íslenskra sveitarfélaga, nr. 875 – til kynningar
18. Siglingaráð, fundur  17, 20. júní 2019 – til kynningar
19. Siglingaráð, fundur 18, 5. september 2019 – til kynningar
20. Stjórn Hafnarsambands Íslands, fundur 415 – til kynningar
21. Samstarfshópur hafnsögumanna og skipstjóra, lóðs- og dráttarbáta innan Hafnasambands Íslands – samstarfsrammi – til kynningar
22. Samráðsnefnd Fiskistofu og Hafnarsambands Íslands – til kynningar
23. Fundur heilbrigðisnefndar þann 31.október 2019- Fundargerð og fjárhagsáætlun – til kynningar.

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Ásta Þórisdóttir

Guðfinna Lára Hávarðardóttir

Jón Jónsson