Fjölskylduhátíðin Náttúrubarnahátíð á Ströndum verður haldin í þriðja skiptið helgina 19.-21. júlí nú í sumar. Á hátíðinni fá allir gestir, bæði börn og fullorðnir, kjörið tækifæri til að finna eða rækta sitt innra náttúrubarn. Það er Náttúrubarnaskólinn sem stendur fyrir hátíðinni en hann hefur verið starfræktur síðan sumarið 2015. Náttúrubarnaskólinn stendur fyrir fjölbreyttum námskeiðum yfir sumartímann og miðar að því að fræða börn á öllum aldri um ólíkar hliðar náttúrunnar á námskeiðum sem snúast um útivist og náttúruskoðun þar sem þau læra með því að sjá, snerta og upplifa viðfangsefnin....
Meira

Fjölskylduhátíðin Náttúrubarnahátíð á Ströndum verður haldin í þriðja skiptið helgina 19.-21. júlí nú í sumar. Á hátíðinni fá allir gestir, bæði börn og fullorðnir, kjörið tækifæri til að finna eða rækta sitt innra náttúrubarn. Það er Náttúrubarnaskólinn sem stendur fyrir hátíðinni en hann hefur verið starfræktur síðan sumarið 2015. Náttúrubarnaskólinn stendur fyrir fjölbreyttum námskeiðum yfir sumartímann og miðar að því að fræða börn á öllum aldri um ólíkar hliðar náttúrunnar á námskeiðum sem snúast um útivist og náttúruskoðun þar sem þau læra með því að sjá, snerta og upplifa viðfangsefnin.

Náttúrubarnaskólinn er starfræktur innan vébanda Sauðfjársetursins í Sævangi rétt sunnan við Hólmavík, og þar verður hátíðin haldin. Dagrún Ósk Jónsdóttir þjóðfræðingur hefur séð um náttúrubarnaskólann frá upphafi og skipulagningu hátíðarinnar. „Þetta gengur bara frábærlega og við erum æsispennt, eins og alltaf,“ segir Dagrún Ósk. „Við reynum alltaf að hafa fjölbreytta dagskrá sem miðast að því að fræðast um náttúruna og hafa gaman og það tókst bara mjög vel, þó ég segi sjálf frá. Svo fengum við veglega styrki frá Barnamenningarsjóði og Uppbyggingasjóði Vestfjarða sem gerir okkur kleift að hafa ókeypis aðgang að hátíðinni í ár“ bætir Dagrún við.

Hátíðin hefst á föstudegi með fuglaskoðun og síðan setningarathöfn og veðurgaldri. „Veðurgaldurinn á að kalla fram sólskin og gott veður, þetta er svona hálfgerður dans. Hann hefur ekki brugðist okkur ennþá enda allt uppfullt af göldrum hérna á Ströndunum “ segir Dagrún og hlær.

Um helgina verða svo margir fjölbreyttir viðburðir sem flétta saman skemmtun og fróðleik, til dæmis verður Jónsi í Svörtum fötum með tónleika á laugardagskvöldinu. Við fáum góða gesti úr Sirkus Íslands á sunnudeginum og svo verður náttúrubarnakviss og töfrasýning á föstudeginum. Einnig verða smiðjur tengdar útivist, hægt að fara í gönguferðir, á hestbak, í náttúrujóga og sjósund. Það verða drauga- og tröllasögur í Sagnahúsinu, leikhópurinn Miðnætti, Stjörnu-Sævar kemur í heimsókn og margt fleira.

„Ég hvet sem flesta til að kynna sér dagskrána hér í þessari slóð og koma og leika sér með okkur. Það er ótrúlega dýrmætt að fara út og leika sér saman börn og fullorðnir og skapa skemmtilegar minningar. “ segir Dagrún að lokum en hægt er að kynna sér hátíðina á Facebook síðu Náttúrubarnaskólans, á natturubarnaskoli@gmail.com eða hjá Dagrúnu í síma 661-2213.

Keppni sterkustu manna landsins fer fram dagana 11. - 13. júlí
Dagskrá er eftirfarandi:

Fimmtudagur 11.júlí
Kl:12:00 Hólmavík við Galdrasafnið (ýta bíl)
Kl:15:00 Djúpavik, Hótel Djúpavík (sirkus-handlóð)
Kl:18:00 Norðurfjörður, Hótel Urðartindur (kútakast)

Föstudagur 12.júlí
Kl:13:00 Súðavík, Raggagarður (steinapressur)
Kl:17:00 Þingeyri, sundlaugin (tunnuhleðsla)

Laugardagur 13.júlí
Kl:11:00 Suðureyri, Sjöstjarnan (BK réttstöðulyfta)
Kl:14:00 Þingeyri, víkingasvæði (bændaganga)
Kl:15:00 Þingeyri, víkingasvæði (steinatök upp á öxl)

Kæru íbúar og gestir Hamingjudaga 2019
Ég vil þakka ykkur öllum fyrir bakstur, aðstoð, vinnu, leik, skemmtun og gleðilega samveru á Hamingjudögum 2019. 
Á næsta ári verða þeir að öllum líkindum helgina 26. - 28. júní ykkur til upplýsingar.
Hamingju- og þakkar kveðja
Aðalbjörg S. Sigurvaldadóttir
Tómstunda-og íþróttafulltrúi

Hamingjudagar nálgast óðfluga og er fyrsti viðburðurinn í dag en þá er námkskeið í Náttúrubarnaskólanum og auðvitað er hamingjuþema. Síðan verður Polla og pæjumót á grundunum.  Í kvöld verða síðan stórtónleikar með Heiðu okkra Ólafs sem væntanlega mun flytja lög af nýjum diski sínum.  Virkilega gaman að Heiða taki þátt í Hamingjudögum.

Við munum dreifa dagskrá í hús á Hólmavík í dag en einnig er hægt að nálgast dagskrár hér í pdf og prenta út.