Tónskólinn á Hólmavík hefur opnað fyrir skráningu í tónlistarnám skólaárið 2019 - 2020. Tónlistarkennarar eru Bragi Þór Valsson og Vera Ósk Steinsen. Hægt er að skrá nemendur grunnskóla og elstu nemendur leikskóla auk þess sem fullorðnir geta nú einnig skráð sig í tónlistarnám. Umsóknarform má finna hér.

Skráning í tónskólann hófst 2. júní sl. og hefur gengið mjög vel og margir hafa skráð sig. Nú líður að lokum skráninga en þeir sem eiga eftir að skrá sig eru beðnir að gera það sem allra fyrst eða ekki seinna en 21. ágúst. 

Íþróttamiðstöðin á Hólmavík auglýsir eftir karlkyns starfskrafti í 100% starf til að sinna m.a. baðvörslu í karlaklefa frá og með 1.september, ásamt öðrum verkefnum Íþróttamiðstöðvar og Tjaldsvæðis. 

Umsækjandi þarf að standast laugarvarðarpróf.  Unnið er á vöktum.  Umsækjandi þarf að vera ábyrgur, stundvís, jákvæður og eiga auðvelt með að vinna með börnum sem er stór hluti gesta Íþróttamiðstöðvar. Gerð er krafa um hreint sakavottorð. 

Nánari upplýsingar veitir forstöðumaður í síma 895 5509 eða í netfangi hrafnhildursk@strandabyggd.is

Sveitarstjórnarfundur 1291 í Strandabyggð

Fundur nr. 1291 í sveitarstjórn Strandabyggðar verður haldinn þriðjudaginn 13. ágúst 2019 kl 16:00 í Hnyðju.

 

Fundardagskrá er svohljóðandi:

1. Beiðni Péturs Matthíassonar um lausn frá störfum vegna veikinda
2. Erindi Jóns Jónssonar – Innstrandarvegur
3. Erindi Jóns Jónssonar - Rannsóknasetur Háskóla Íslands á Ströndum – Þjóðfræðistofa; tillögur um samstarf við Strandabyggð
4. Forstöðumannaskýrslur
5. Lánasjóður Sveitarfélaga - trúnaðarmál
6. Niðurstaða nafnasamkeppni fyrir Íþróttamiðstöðina
7. Fundargerð stjórnar Sambands Íslenskra Sveitarfélaga – 872, til kynningar
8. Yfirlýsing um samstarf sveitarfélaga um loftslagsmál og heimsmarkmið Sameinuðu Þjóðanna, til kynningar
9. Verkalýðsfélag Vestfirðinga – áskorun til sveitarstjórnarmanna á Vestfjörðum, erindi frá 9. júlí 2019
10. Álagsprósentur fasteignaskatts – bréf frá Sambandi Íslenskra Sveitarfélaga frá 26. júní 2019
11. Auglýsing Reykhólahrepps vegna aðalskipulags – bréf frá 20. júní 2019
12. Jafnlaunavottun – bréf Sambands Íslenskra Sveitarfélaga frá 15. júlí 2019
13. Fundargerðir Vestfjarðastofu - fundir 12, 13, 14 og 15, til kynningar
14. Boðun XXXIV. landsþings Sambands íslenskra sveitarfélaga – bréf Sambands Íslenskra Sveitarfélaga frá 15. júní 2019
15. Starfsendurhæfing Vestfjarða - fundargerð, ársreikningur og ársskýrsla 2018, til kynningar
16. Önnur mál
    1. Beiðni Ingibjargar Benediktsdóttur um lausn frá störfum vegna búferlaflutnings
    2. Beiðni Ástu Þórisdóttur um afturköllun á beiðni um leyfi frá störfum í 12 mánuði frá 9. apríl 2019
    3. Kosning oddvita
    4. Breytingar á nefndarskipan.

Gert er ráð fyrir að eftirtaldir sveitarstjórnarmenn sitji fundinn:

Aðalbjörg Sigurvaldadóttir

Guðfinna Lára Hávarðardóttir

Ingibjörg Benediktsdóttir

Jón Gísli Jónsson

Jón Jónsson

Ásta Þórisdóttir

Sæl öll,

Nú fer allt að snúast aftur sinn eðlilega gang eftir sumarfrí og verkefni fara af stað aftur.  Eitt af þeim er umhverfisátakið.  Þar er margt framundan, og eitt af því er að fjarlægja bíla úr þorpinu sem merktir voru af Heilbrigðiseftirliti Vestfjarða í vor.  Við byrjum að fjarlægja bíla í næstu viku og komum þeim fyrir í vaktaðri geymslu á vegum sveitarfélagsins.  Þar geta þeir verið í 4-8 vikur og á þeim tíma þurfa eigendur að hafa samband og ræða með hvaða hætti þeir taka þá eða farga þeim.  Ef ekkert gerist á þessum tíma, verður þeim fargað á kostnað eigenda.

Unnið er að þessu í fullu samræmi við reglugerð nr. 737/2003, 16. gr. og reglugerð nr. 941/2002, 21.gr. um merkingar og tilkynningar númerlausra bíla.  Hér má sjá það ferli sem stuðst er við af hálfu Heilbrigðiseftirlits Vestfjarða:

"Vinnuferli Heilbrigðiseftirlits Vestfjarða

Heilbrigðiseftirlit Vestfjarða fylgir ákvæðinu eftir með eftirfarandi hætti:

1. Aðvörunarmiði er límdur á viðkomandi bifreið og mynd tekin til staðfestingar. Tegund, litur og staðsetning er skráð og geymt í tvö ár
2. Að jafnaði er veittur fjórtán daga frestur til þess að fjarlægja bifreiðina en hægt er að fá aukin frest hafi eigandi samband við Heilbrigðiseftirlit Vestfjarða
3. Hirði eigandi/forráðamaður ekki um ofangreinda aðvörun innan gefins frests sendir Heilbrigðiseftirlit Vestfjarða sveitarfélaginu lista yfir þá bíla sem fjarlægja á. Bæjarfélagið tekur bílana í sína vörslu
4. Eftir að bifreið er fjarlægð er hún geymd í átta vikur og getur eigandi leyst hana út með greiðslu áfallins kostnaðar. Ef bifreiðar er ekki vitjað innan átta vikna er henni fargað
5. Eigandi bifreiðarinnar skal greiða þann kostnað sem af framkvæmdinni hlýst.

Athuga þarf að bílar í vörslu eru á ábyrgð sveitarfélags. Portið eða skemman sem bílarnir eru geymdir í þarf að vera mannhelt og læst. Kæra þarf skemmdarverk sem unnin eru til lögreglu sem innbrot. Ef tryggilega er staðið að vörslu eru skemmdarverk sem unnin eru á bílum ekki skaðabótaskyld."

Við óskum eftir skilningi og samstarfi hlutaðeigandi eigenda, því öll viljum við jú bæta umhverfið okkar og gera Hólmavík fallegri bæ. 

Nánari upplýsingar veitir sveitarstjóri.