Farþega skip National Geographic, Explorer, kíkti á okkur í dag, á leið sinni umhverfis landið.  Þetta er tignarlegt skip, 112 metra langt og tekur 150 manns.  Það er aldrei að vita nema við eigum eftir að sjá meira af þessu magnaða skipi.

Fyrir áhugasama má sjá frekari upplýsingar um skipið hér:

https://www.marinetraffic.com/en/ais/details/ships/shipid:369937/mmsi:309336000/imo:8019356/vessel:NATIONAL_GEOGRAPHIC_EXPLORER

Því miður var bakkinn mun verr farinn en áætlað var og tók lengri tíma að laga hann en við héldum. Því verður einnig lokað á morgun og miðvikudag í sund og potta. Sturtur, Flosaból og íþróttasalurinn verða opin sem fyrr.

Afsakið þessa töf á opnun.

Kæru sundlaugargestir

Góða veðrið framundan þarf því miður að nota til endurbóta utandyra á sundlaugarbakkanum. Ekki reyndist mögulegt að fá gólfiðnaðarmenn á öðrum tíma en afar óheppilegt er að þetta skuli lenda á þessari helgi. Eflaust fer lokunin fyrir brjóstið á einhverjum en þá vil ég minna á að þetta er allt fyrir ykkur gert 😉

Sundlaugin og pottarnir verða lokuð frá kl 12:00 á föstudag til kl 9:00 á þriðjudagsmorgun. Flosaból, íþróttasalurinn og sturturnar verða opnar eins og áður.

Ég biðst velvirðingar á þessari röskun og minni á frábærar laugar og potta bæði á Drangsnesi og í Bjarnarfirði.

Kveðja
Hrafnhildur

Strandabyggð verður með sumarlokun á skrifstofu sinni frá 22. júlí – 2. ágúst. 

Sjáumst hress í ágúst. Njótið sumarsins í Strandabyggð.

Kæru íbúar Strandabyggðar,

"Sumarið er tíminn", söng Bubbi Morthens hér um árið. Og það er rétt, að sumarið er tíminn til ýmissa verka, en ekki allra.  Sumarið er nefnilega sá tími þar sem mörg verkefni riðlast og/eða fara í bið vegna sumarleyfa.  Þannig er það hjá okkur í Strandabyggð, eins og öðrum.

Frá og með mánudeginum 22. júlí n.k. verður skrifstofa Strandabyggðar lokuð fram yfir Verslunarmannahelgi.  Júlí hefur þar að auki verið erfiður vegna sumarleyfa starfsmanna og því hafa nokkur verkefni farið í bið.  Má þar nefna; Umhverfisátakið, undirbúning hitaveitu, skipulagsmál o.s.frv. 

Það verður hins vegar allt sett á fulla ferð aftur eftir sumarfrí og lokun og við munum þá sjá næstu skref í umhverfisátakinu, sem eru að fjarlægja þá bíla sem Heilbrigðiseftirlit Vestfjarða merkti fyrr í sumar, en eru enn á sínum stað.  Við munum auka tiltekt á Skeiðinu, ganga frá lóð til geymslu vinnuvéla o.s.frv.  Hvað hitaveitumálin varðar munum við hefja álagsprófun sem fyrst í haust, ef og þegar samningar við landeigendur liggja fyrir.

Það er því engin breyting eða endir á neinum verkefnum, aðeins bið ... því eins og segir í kvæðinu: "sumarið er tíminn ..."