Keppni sterkustu manna landsins fer fram dagana 11. - 13. júlí
Dagskrá er eftirfarandi:

Fimmtudagur 11.júlí
Kl:12:00 Hólmavík við Galdrasafnið (ýta bíl)
Kl:15:00 Djúpavik, Hótel Djúpavík (sirkus-handlóð)
Kl:18:00 Norðurfjörður, Hótel Urðartindur (kútakast)

Föstudagur 12.júlí
Kl:13:00 Súðavík, Raggagarður (steinapressur)
Kl:17:00 Þingeyri, sundlaugin (tunnuhleðsla)

Laugardagur 13.júlí
Kl:11:00 Suðureyri, Sjöstjarnan (BK réttstöðulyfta)
Kl:14:00 Þingeyri, víkingasvæði (bændaganga)
Kl:15:00 Þingeyri, víkingasvæði (steinatök upp á öxl)

Kæru íbúar og gestir Hamingjudaga 2019
Ég vil þakka ykkur öllum fyrir bakstur, aðstoð, vinnu, leik, skemmtun og gleðilega samveru á Hamingjudögum 2019. 
Á næsta ári verða þeir að öllum líkindum helgina 26. - 28. júní ykkur til upplýsingar.
Hamingju- og þakkar kveðja
Aðalbjörg S. Sigurvaldadóttir
Tómstunda-og íþróttafulltrúi

Hamingjudagar nálgast óðfluga og er fyrsti viðburðurinn í dag en þá er námkskeið í Náttúrubarnaskólanum og auðvitað er hamingjuþema. Síðan verður Polla og pæjumót á grundunum.  Í kvöld verða síðan stórtónleikar með Heiðu okkra Ólafs sem væntanlega mun flytja lög af nýjum diski sínum.  Virkilega gaman að Heiða taki þátt í Hamingjudögum.

Við munum dreifa dagskrá í hús á Hólmavík í dag en einnig er hægt að nálgast dagskrár hér í pdf og prenta út.

Kæru íbúar og sumarhúsafólk í Strandabyggð.

Eins og venjulega verðum við með veglegt kökuhlaðborð á Hamingjudögum til að bjóða gestum okkar gott með kaffinu. Allir sem hafa tök á að koma með köku,tertu,brauðmeti, salöt, pönnukökur, snúða eða hvað sem hentar að leggja til, mega koma með það í Hnyðju á bilinu 14-15 þar sem tekið verður við því.  Eins vantar aðstoðarfólk til að laga kaffi, bera á borðið og skera kökur.  Áhugasamir mega gefa sig fram við mig.

Einnig verður kökusamkeppni að venju en um er að ræða verðlaun fyrir hamingjukökuna 2019 og keppt er í ungmenna og fullorðinsflokki.  Hér í myndasafni má líta nokkrar glæsitertur undanfarinna ára.

Við hvetjum heimafólk og þá sem geta, að grípa með sér fjölnota disk og skeið/gaffal fyrir smakkið svo við spörum einnota áhöld eins og hægt er.   

Með fyrirfram þökkum
Salbjörg yfirkaffihlaðborðsstjóri

Dagskrá Hamingjudaga er komin inn á vefinn, http://www.strandabyggd.is/hamingjudagar/ eða ýta á myndina hér til hægri á síðunni. Óska ykkur góðrar skemmtunar, sjáumst.
Kveðja tómstundafulltrúi