Starfsmaður óskast í búsetu hjá  fatlaðri konu á Hólmavík frá 1. september. Starfið krefst mikillar þolinmæði og jákvæðni. Starfsmenn annast viðkomandi og sjá um öll heimilisstörf.
Laun samkvæmt kjarasamningi VerkVest. Umsóknarfrestur er til 26. júní.
Umsóknir berist til Maríu Játvarðardóttur félagsmálastjóra Höfðagötu 3, 510 Hólmavík sem einnig veitir nánari upplýsingar í síma 842-2511.

Nú er unnið að uppsetningu öryggismyndavéla við höfnina og í íþróttamiðstöðinni.  Það er Tengill frá Sauðárkróki sem sér um verkið ásamt okkar mönnum í Áhaldahúsinu.    Á morgun, fimmtudag 13. júní, hefst svo sláttur garða og túna í landi sveitarfélagsins. 

Það er því margt að gerast þessa dagana enda sumarið komið!

Í dag, miðvikudaginn 12. júní, byrjar Borgarverk að klæða götur á Hólmavík.  Við viljum biðja íbúa að huga að því að færa bíla sína þegar framkvæmdir hefjast í þeirra götum.  Göturnar sem um ræðir eru: Lækjartún,Víkurtún, Vesturtún, Vitabraut og Austurtún. 

 

Vinnuskólinn er byrjaður þetta sumarið.  Sem fyrr fá krakkarnir okkar tækifæri til að vinna fjölbreytt verkefni og reyna sig þannig í raunverulegu atvinnuumhverfi.  Umsjón með vinnuskólanum er á herðum Tómstunda- og íþróttafulltrúa, en í náinni samvinnu við yfirmenn Áhaldahúss og aðra innan Strandabyggðar.

 

Með þessum pósti viljum við segja íbúum frá því að nú megi búast við að sjá krakkana í hinum ýmsu störfum út um allan bæ næstu vikurnar, en líka bjóða ykkur að óska eftir þjónustu krakka úr vinnuskólanum, t.d. við snyrtingu garða, fjarlægja rusl eða önnur léttari viðvik sem ykkur kann að detta í hug.  Vinnuskólinn er nefnilega líka hugsaður sem viss þjónusta  við íbúa.

 

Allar frekari upplýsingar veitir Aðalbjörg S. Sigurvaldadóttir í síma: 696-7046.

 

Áfram Strandabyggð!

 

Þann 1. júlí nk. tekur Hrafnhildur Skúladóttir tímabundið við starfi Forstöðumanns íþróttamannvirkja. Á sama tíma fer Birna Karen í fæðingarorlof í ár. Hrafnhildur hefur áður sinnt starfi forstöðumanns íþróttamannvirkja og er því vel hnútum kunnug.

Um leið og við bjóðum Hrafnhildi velkomna til starfa óskum við Birnu Karen góðs gengis í komandi verkefnum.